天氣的錯?

近日轉天氣, 身邊除了多了朋友傷風感冒外, 還有很多大小朋友濕疹復發.

濕疹是一種很紏纏的慢性皮膚發炎疾病, 輕則會在手踭, 大脾摺位, 或關節等 ‘陰濕’位置出現; 嚴重的會在身體任何地方出現, 例如頸, 腰, 臉等. 一撻撻, 抓又痛, 唔抓又痕, 而且影響儀容, 十分折騰人.

以往大家都認為濕疹是無得醫, 或無得斷尾. 濕疹除了遺傳, 還有可能是對某些環境或物質敏感, 如動物的毛, 洗衣液, 護膚品等. 另外, 天氣轉, 特別是天氣乾燥, 都會誘發濕疹.

而濕疹發起時, 睇醫生通常會給抗敏藥膏或類固醇, 但治標唔治本, 過一陣又容易復發.

近年越來越多研究証實某些食物會容易導致食物敏感, 除了大家傳統心目中的海鮮外, 蛋, 奶, 小麥是誘發濕疹的三寶 *. 另外, 花生, 黃豆, 甚至是一些蔬菜, 生果, 亦有機會成為誘發濕疹的元兇.
最常聽到的自辨是: “這些食物我都經常吃, 為何以前無問題, 現在才有濕疹?”

之前已經提過, 有多種原因會誘發濕疹. 試想想, 如果有一陣子天氣轉了, 同時間壓力大, 睡眠質素差 (有可能是皮膚痕, 或其他原因), 再加上繼續進食容易誘發皮膚發炎的食物, 身體免疫力下降, 於是濕疹就來囉.

除了埋怨天氣外, 比較理性的做法是做一個食物敏感測試.
提起食物敏感, 很多人即時想起 “食完海鮮出風疹; 吃了花生抖唔到氣” 等. 這類敏感反應的症狀較明顯, 一般於進食後幾分鐘或幾小時內發生. 這種 “即時性食物過敏” IgE, 暫時沒有解決辦法, 只能自行避開過敏食物.

至於慢性疾病, 例如濕疹, 皮膚敏感, 消化不良, 胃氣胃漲, 甚至是頭痛,水腫, 及其他慢性發炎的症狀, 則稱為 “延遲性食物過敏” IgG 或 IgA. 因為症狀不是馬上出現, 有可以是進食後數小時, 甚至是幾天後才慢慢出現, 所以較難察覺對哪種食物含致敏原, 唯有透過食物敏感測試而得知.

市面上的食物敏感測試, 一般分為血液測試和皮膚測試.
皮膚測試是將少量致敏原刺入, 或貼於皮膚上 (有些點於手臂, 有些點於背脊), 稍後因為皮膚的反應作出評估. 好處是快, 而且對於 “見血暈”的朋友比較適合.

至於血液測試, 則是將血液樣本作測試謀介 (有些只需一兩滴血, 有些需要抽血). 好處是一次過可以化驗多種食物樣本, 亦適用於容易有皮膚敏感的朋友.

不論做哪種測試, 最重要是知道對哪種食物敏感, 戒口, 並進食其他有相約營養價值的食物, 避免營養失衡. 有助舒緩身體的炎症和因食物敏感引起的疾病.

*Cochrane Database Syst Rev. 2008 Jan 23;(1)