嶠媽推介之枕頭的重要性

雞蛋仔90日大啦,好多人都成日讚細佬眼大大,我要多謝大家先,但嶠媽個人好貪心既,當然想仔仔樣樣野都靚架啦!哈哈,其實我諗所有爸爸媽媽都係咁諗,所以今次嶠媽又有好野想介紹,就係枕頭啦!大家可能諗,枕頭?又有幾重要呀?我想講,初生bb一日要訓14-16個鐘,一個好既枕頭會直接影響佢地嘅睡眠質素,同埋都會影響佢地嘅頭型架!

所以今胎嶠媽都係簡返家姐初生都有用嘅枕頭 – Gio Pillow,當然係因為家姐仔用過好,所以細佬就繼續用,不過細佬唔係用返家姐果個,係用一個新嘅,因為男仔嘅車車公仔太靚

講返先,Gio Pillow有咩特別之處,嶠媽兩胎都簡佢呢?第一,哩款枕頭有「3D蜂巢立體透氣層」,涼爽透氣,你知啦,bb既體溫係比大人高,佢地比大人易出汗,如果枕頭透氣度唔夠高,bb就會易出汗,我地又開住冷氣,增加bb攝親嘅機會架。

第二,哩款枕頭用Airmesh材質枕心,可以有效降低嬰兒窒息風險,哩樣都好重要,因為好多意外嘅發生,其中一樣就係bb唔小心反轉左,面向枕頭,禁就會有窒息嘅機會。而且枕心可清洗與速乾,杜絕塵璊過敏源。

第三樣,都係最最最重要,亦係嶠媽簡哩款枕頭最大嘅原因,就係哩款枕頭有專利認證,能預防及改善因為睡姿引起的頭像變型,姐係嶠媽最關心嘅扁頭問題。你知啦,bb咁細,點識得個頭要轉下左訓,轉下右訓呀,就算阿媽幾得閒幫佢地轉左轉右訓,bb們都可能會自己郁返,變返平訓。所以哩款枕頭就幫到我地哩班媽媽啦,用左哩款枕頭,就唔怕仔仔/女女平訓足14個鐘,最緊要係,整靚個頭仔,由其係男仔,女仔都話可以留長頭髮遮住,男仔就好明顯睇到唔靚架嘛!

細佬就由初生出世,出院返屋企後就開始用,可能初頭bb會唔習慣,但用用下,有時返到婆婆屋企冇左個枕頭,反而會訓唔慣添!以下係嶠媽由細佬初生未用枕頭,到細佬用左3個月之後既比較。初生個頭仔都係有d唔完美,但用左3個月,係真係靚左,所以嶠媽會keep住比細佬用,因為頭半年係最重要嘅黃金時間,哩半年係最可以改善到bb嘅頭型架,半歲後唔係話唔得,但幫助唔大,所以想幫bb改善頭型既媽媽,頭半年係最關鍵時間,記住記住!

⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️

Gio Pillow Hong Kong

網址:http://www.giopillowhk.com/

Facebook:https://m.facebook.com/giopillowhk/

⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️