小JM料理。簡易。懶人版。蕃茄芝士吞拿魚撻

媽媽最近行街買左個小玩意用來整野食俾小JM,

部機除左可以整小蛋糕同冬甩之外,仲可以整埋窩夫添。

希望可以吸引到小JM再食多啲食多啲。

趁幾日假期,媽媽終於手痕開左部機來玩,

但可惜原來屋企無麵粉喎,

於是乎媽媽就用白方包變化出今次既Tea Time輕食茶點!

懶媽媽隨手做茶點系到  -蕃茄芝士吞拿魚撻

材料:

去皮白方包 一包

蕃茄 一個

BB芝士 數片

吞拿魚 適量

無鹽牛油 適量

1.) 先將蕃茄洗淨,再切成小片,備用

2.) 預先將無鹽牛油塗抹於夾板上,

再放上白麵包,並壓輕輕按壓成杯狀

3.) 於面包上放入蕃茄,再放入吞拿魚蓉,

最後再將放多一層蕃茄及放上BB芝士即可。

4.) 用叉及以手輔助,將麵包既四個角向中心輕壓。

5.) 最後將夾餅機蓋上,等待指示燈由綠變為紅即可取出。

賣相都叫做還可以啦!(媽媽自我安慰中)

每個小撻都脹卜卜,脆卜卜架,

而且仲好足料,無落味精架。

懶媽媽下午茶大功告成!

小JM表示收貨。

你睇小JM食到幾滋味,一路食仲一路笑。

咁就緊係啦,個小撻脆卜卜之餘仲要有小JM最鍾意食既蕃茄添,

難怪係要慢慢享受下既。

睇來都係要買定啲麵粉放係屋企,

以便隨時為小JM預備美點先得啦!

唔知各位媽咪平時又會為小B們預備啲咩類型既茶點呢?

有時間既媽媽都可以試下整俾小B食呀~^^~

 ESDlife靚太Club  星級榮譽會員  sleepyceci  

 BK Milk。親子語。駐站Blogger   傑。斯與晴  

 Mami Buy香港媽咪幫。駐站Blogger  傑。斯與晴 

 OhpamaOh爸媽。駐站Blogger   傑。斯與晴  ♪

 媽媽經  駐站精選Blogger  ★ 傑。斯與晴   ♬

 Ubaby Magazine。駐站Blogger   傑。斯與晴  

 MyBB.com 駐站Blogger  ★ 傑。斯與晴   ♬

歡迎追蹤 小JM 既Fanspage 「傑。斯與晴」:

如有任何查詢/合作,歡迎聯絡我同小JM 參與產品試用或者各樣活動

媽咪既Email係: sleepyceci@hotmail.com

小JM既Facebook Page: 傑。斯   與   晴 (Jolie Babe。小JM の 成長印記)