歐洲嬰兒傢俱用品店Jakewell 進駐元朗形點Yoho Mall

上星期五和嶠爸帶左芊嶠和細佬入元朗YOHO MALL I 參加 Jakewell Grand Opening。今次第一次去參加 Grand Opening,仲第一次玩Live,大家睇片都應該知道嶠媽真係好緊張。嶠媽對 Jakewell 既認識係,Jakewell 係以賣歐洲製嬰幼兒傢私為主,如嬰兒床。佢地既皇牌係 Candide and Combelle,現在仲新引入左西班牙牌子 Micuna 和丹麥牌子 done by deer。

IMG_8793
細佬其實都開始大,BB床都亦訓返家姐芊嶠個張,但嶠媽都好想推介哩張BB床,我真係好鐘意。就係 Micuna《Dolce Luce 夜空星星床》,佢有以下兩大特點,第一:床尾個塊板有好靚既熊熊公仔和星星圖案,最正係可以著燈架,燈唔算好光,但足夠比媽媽去幫BB換片和餵奶;第二:床板可以調教兩種斜度,0度、7度和10度,有咩用途呢?就係預防BB食完奶嘔奶,斜睡就防止佢地嘔奶後會出窒息既情形。另外,媽媽們仲可以配埋個櫃,個櫃都好正,上面加塊換片墊就可以用黎換片,拎起換片墊,係個沖涼盤,可以幫BB沖涼,仲會包埋去水管比你,咁就可以放水,放係邊到沖都得,最最最方便係下面一格格衣櫃,打開就可以拎埋毛巾、衫等等,係咪真係好好好方便呢?

如果BB床,仲有第二推介,就係 Combelle Arthur Classic,法國實木嬰兒床,佢係採用天然實心櫸木;三條床欄可拆出來,隨著寶寶既成長,讓寶寶安全地學習獨立上落床;另外,仲可以調較四個不同高度;最緊要係有八種顏色選擇,仲要又係有薄荷綠色,夠特別,不過嶠媽自己個人係幾鐘情粉紅色,好難選擇。除左BB床,床褥都同樣重要,Jakewell 有好多不同功能既床褥,大家買BB床既時候,可以按需要去選擇。

另一新引入牌子係來自丹麥既 done by deer,哩個牌子有餐具、BB包巾、公仔、口水肩、背囊等等,咩都有。嶠媽都好鐘意,點解?因為佢個設計好正囉,佢個牌子係有好多唔同既動物圖案,有大象、長頸鹿、鱷魚、犀牛等等,佢地仲有個名叫 deer friends,嶠媽聽到個名都覺得好可愛。另外嶠媽好鐘意佢既顏色,有灰,又有粉,亦有綠色,但佢既顏色唔會好鮮豔,小朋友望太鮮既顏色對眼睛都未必好。佢地有唔同顏色之餘仲將顏色做到好柔和,望落真係舒服。而且佢地有餐具,嶠媽留意既原因係因為細佬都開始加固,餐具成為左不可或缺既用品。

比芊嶠呢,嶠媽就會鐘意 Combelle 既哩 set 枱和凳,因為高度適中,又唔算好大好阻位,仲要係薄荷綠色,真係夠哂特別。張枱和凳仲要係實木,有返咁上下重量,一定好耐用,最緊要係法國製造,就更值回票價啦。芊嶠而家哩個年紀,要佢坐定定畫畫/睇書,其實都幾難,不過我覺得都要為下年上幼稚園訓練下先,唔想到時比老師投訴坐唔定。有哩張咁靚咁特別既枱和凳,希望佢會肯坐定定,玩一陣,最少坐返15分鐘先再跑跑跳跳啦。

Jakewell 除左有初生嬰兒的用品外,其實仲有孕媽媽產品,有U型枕由懷孕用到BB出生後用來餵奶都可以,U型枕入面仲要係雪豆,唔似嶠媽用開既入面係棉,用耐左,會愈用愈林。Jakewell 為左可以照顧年紀比較大既小朋友,所以都引入左 done by deer 既產品,絕對係由媽媽懷孕,到小朋友長大,都可以照顧到,一間店有齊哂咁多產品,去行一轉都應該會忍唔住手。

IMG_8795

📍奧海城三期UG48號舖

📍元朗形點Yoho Mall一期2016號舖

網址:www.jakewell.com