晚上BB訓不好?以下幾點要注意!

Timtam仔話咁快10個月大喇!Timtam仔從小就已經好訓得,60日就戒夜奶,一訓6小時,90日大已經一訓8小時,之後平均每日都能睡10小時以上,真係好鐘意訓覺!


不過到左9個月大後,他開始晚上訓不好,到了訓覺時間,久久都未能入睡,我們已經做齊沖涼、按摩、食睡前奶都沒有用!他在床上左碌右碌仍未能睡著,最後碌左一個鐘才倦極而睡,那時已經是晚上11時了。

 
我同爸爸覺得不能持續這樣,太晚睡覺對BB健康都不好,我們就檢討一下,再反覆試驗,發現有以下幾點忽略左:


1. 日間活動量不夠

我地買左個圍欄,但原來Timtam仔鐘意四圍爬周圍探索新事物,試過如果整天只放他在圍欄內,可能活動量不夠,那晚就很難才能入睡。我決定有些時候拆開圍欄讓他四處爬爬,另外抽半小時到樓下公園或會所玩玩,活動量多了,當晚就睡得很好!

 

2. 調節晚餐的時間

之前Timtam仔的晚餐時間多是8點,晚餐他可以食一大碗飯,之後就要約10點才能安排他入睡,因為食物未完全消化,對腸胃唔好,所以只好把睡眠時間延後。後來決定晚餐改為6點食,臨訓前約半小時飲適量的奶,大約9點就可以安排睡覺。

 

3. 建立良好腸胃,保持便便暢通

睡前一支奶奶,BB食完身體暖笠笠,好快就會好想訓覺! 但係如果BB腸胃唔好,有便秘問題,個肚谷住,一來身體唔舒服,二來谷住個肚仔就唔想再食奶,就會影響睡眠質素!所以除左加固兩餐會比足夠的蔬菜之外,我亦會揀選有添加益生菌的奶粉,令Timtam仔建立健康腸道,每日便便暢通,排走毒素,訓得好身體又健康!

原來嬰兒在不同階段,睡眠時間都會有不同,大家可以因應bb的情況從而調節一下日間的活動,最重要保持健康的身體,咁bb訓得好,爸爸媽媽就有覺好訓啦!

歡迎黎我地個page, 睇下Timtam仔平時的有趣分享:Timtam仔的成長日誌