[好物分享]BB袋鼠外套 – 靚太購物全攻略

 

明天氣溫驟降,早上和晚間氣溫只有13度!今晚外出食飯時,就著左朋友送給我的外套!發覺好好用喎!就連我搭lift時,不相識的街坊都話,我件外套設計好好!

我叫呢件外套做「BB袋鼠外套」,因為著左就好似袋鼠咁,袋住BB出街,保證BB又暖又舒服!大家有冇見到,我其實係用左hip seat揹住Timtam仔架!著法係先用左hip seat揹好BB,後再穿外套,件外套已經包住我同Timtam仔,好保暖架!

件外套本身係可以媽媽自己一個著嘅!

當要用黎同bb外出的時候,中間就可以加上同一質料的部分,拉上兩邊拉鍊就得喇!


中間部分設計係弧形,上方有橡筋位可以包住BB個頭,下方仲有腳套位架!可以包埋BB腳仔,真係由頭包到腳,就唔怕冷親BB啦!

如果冇呢件外套,咁媽媽著一件外套,BB又著一件厚外套,再要用埋hip seat的話,真係好「論盡」!宜家有左呢件連體外套,我同Timtam仔身貼身,身體更加保暖之餘,又唔會好「臃腫」,唔用的時候,媽媽又可以自己當外套著,真係一物多用!

我問左朋友,原來係香港有得買,價錢都係$2xx咋!真係好抵!大家有需要不妨買返件呀!

想睇Timtam仔有趣video,可去我地個FB page睇睇:

Timtam仔的成長日誌
~~~~~~~~~~~~~~~~~~~~~

歡迎產品試用/出席活動:

Timtamboy01@gmail.com

~~~~~~~~~~~~~~~~~~~~~~~~~~~~~~~~~~~~