媽媽廚樂 <腰果酥>

為準備過年,媽媽真係忙到爆哂燈!
又要做清潔,又要去托米、又要辦年貨、迫左幾日街市、仲有煮團年飯、包利是、買新衫等等…..真係忙到想蒸糕都無時間!
今日年三十,左唧右唧,終於唧到啲時間跟谷友食譜焗左兩盤腰果酥,明天大年初一招呼親友😊

材料: (食譜參考谷友食譜作修改)
1. 低筋麵粉 190g
2. 無鹽牛油 80g (室溫放軟)
3. 糖 30g
4. 泡打粉 半茶匙
5. 鹽 少許
6. 雞蛋 1顆 (打勻成蛋漿)
7. 生腰果開半 適量 (屋企無生腰果,用上已焗的腰果)

做法:
1) 將牛油和糖打勻,加入一半蛋漿打勻。
2) 篩入低筋麵粉和泡打粉,加入鹽,攪勻後搓成每粒10g的球形,輕壓成圓餅形,餅面加上半邊腰果,輕輕壓在餅面上固定,再掃上蛋漿。
3) 預熱焗爐190度後,焗15分鐘。

#脆到一個點 #早兩星期已開始準備過年嘅嘢
#年廿八開始街市迫到嘔 #仲要帶住小b去迫
#今日要洗3機衫 #碌柚葉沖涼 #今晚仲要去花市買花 #仲有分享文未寫