【臨時特賣場】書籍、玩具樣樣有 @ 將軍澳寶琳商場

應該好多人都知,芊嶠婆婆係住將軍澳區,今日去開寶琳商場,發現開左個臨時檔攤,應該係短租約個啲!諗住入去睇下,發現入面除左圖書、小說,亦有玩具,仲有旅行書都有賣,真係好多野睇!

Winnie The Pooh 迷千其唔好錯過,舖內一角有好多唔同嘅 The Pooh 產品,有頸枕、水樽、筆袋 及 小拉鍊袋,小朋友返學用嘅物品都買到,最緊要係樣樣都只係$39,都算便宜。

另外,嶠媽睇到有哩款「寶貝之書」,有好多唔同類別嘅書,適合0-3歲小朋友睇,有蔬果篇、交通工具篇、數字篇等等⋯每本都只係$15,買返幾本返去都好抵。

仲有精選名家世界經典故事書賣,有格林童話、湯姆歷險記、木偶奇遇記等等⋯真係好經典,一本$45,值得買來睇下。

嶠媽我另一推介嘅係「柏雅中英雙語童話書」,有經典嘅童話故事,配合埋中、英雙語,仲有七彩顏色嘅圖畫,$18一本,抵抵抵。

哩款球球館 Pull & Discover,有我愛顏色、我愛數數 和 形狀認知,嶠媽我覺得書嘅設計幾特別,對於小朋友,佢地會對一啲特別設計嘅野比較有興趣,買哩款書就可以增加佢地對睇書嘅樂趣,每本售$60。

仲有,大少少嘅小朋友就好啱睇,有幾款唔同嘅小百科書,有剪紙、鳥類、運動、發明等等⋯每本都只售$48。

想教小朋友認野,另一途徑可以係買圖卡,都有好多款式造形圖卡,有日常用品、可愛動物、水果等等⋯圖卡一律$25一盒,平呀。

除左圖卡,智力拼圖就比較適合三歲以上小朋友,因為認識左物品、食物等等嘅圖,最好發揮嘅就係比小朋友自己學拼拼圖,有水果樂園、日常用品等等⋯$36一盒,望落都好易拼,仲有各款水果嘅中、英文名稱印埋係拼圖上面,比小朋友學下認字又得。

嶠媽最估唔到嘅係,連旅遊書都有得買,計劃去旅遊嘅爸媽們,都可以趁機買返本旅遊書傍身,不過每款旅遊書嘅更新年份都有不同,買嘅時候要留意返,價錢由$58起。

場內仲有特賣區,全檯都只售$10/本,睇啱就要快手啦!

另外,仲有貼紙書、畫簿、玩具車車、公主拼圖等等嘅產品賣。

地點係寶琳商場 2/F,見到聖安娜,右邊就係特賣場,間舖冇名架!

=============================

臨時特賣場

地址:將軍澳寶琳商場 2/F (寶琳地鐘站行10分鐘左右)

日期:即日至3月20日

時間:10:30am – 7:30pm