愛媽媽 – 米豬踏出第一步

回帶mode~

一歲零一日, 我同老公帶米豬去健康院拮豬髀………. 3針呀!!! 傳說中ge跛仔針呀!! 識行打完都痛到唔識行呀!!! 米豬生日先啱啱行到幾步, 打埋呢幾針又要由頭學行過喇 T^T

除咗打針, 仲有成長紀錄ge~~ 度高磅重呢D唔小得啦~~ 仲有見姑娘睇發展呀~~ 睇佢識唔識同你hello la~ 比餅餅佢自己用手拎唔拎到, 食飯食到幾多, 代到幾餐, 食幾多奶, 用咩飲水, 講到幾多字, 拖住行唔行到, 呢D梗係難唔到我米豬豬啦~~~ >3< 之後就出去等打針喇 T^T

打呢3針本身我諗住自己去, 但爸爸話打3針咁痛, 要陪住米豬鍚返佢, 所以都請咗假一齊去, 好在爸爸有去咋……….. 米豬要拮豬髀時, 反抗勁抽大力, 我係gum佢唔住ga……….. 同埋好心痛呢………. 我叻咗喇, 冇喊到, 但真係肉赤到爆炸……….. 嗚………. T^T 變態ga做乜一次要拮人地個仔三針wo!!! 見到佢拮完第一針已經崩潰喊住望住我叫我救佢個樣, 真係心都實埋T^T

拮完豬髀我地就返咗婆婆度, 因為媽媽約咗表妹小姐去買窗簾布, 可憐ge米豬就自己响婆婆度玩喇…. (媽媽衰衰打完針掉底你T^T) 當我同表妹小姐行咗個零2個鐘時, 婆婆忽然間whatsapp咗條片同張相比我, 梗係知我掛住個仔啦~~ 一開

 *0* 你自己行!!!!!!!!!

仲要行得勁抽快!!!! 尋日都係甩手行到4-5步, 今日打完3針咁痛, 竟然可以行到成十步!!!!

好明顯係好不滿媽媽掉底佢同表EE去shopping, 所以要快D識行, 下次跟埋我地一齊去XDDD

返到屋企, 仲表演擒高擒低

細路, 你今朝明明好慘烈, 哭崩長城咁ga!!!!

 第二朝, 已經變返正常米, 冇打針後扭計, 繼續正常扭計, 扭抱扭睇書扭食咀咀~~ 正常咁扭就啱喇~ 媽媽只想你日日都正正常常咁過~~

 跟住就byebye喇學行車~~~

  而家去街街, 要咁樣拖住喇~~~

米豬豬的page~ 每日都update~

歡迎各位like&follow~ 亦都歡迎大家聯絡我同米豬豬一齊試用產品或合作~