【媽媽日誌】上集:食炸糊

上星期,半夜起身去廁所,起身個下忽然feel到久違左既m到感覺,即係下身有啲暖野一下湧出黎​。但得少少,所以冇理,繼續訓教。
到朝早九點起,又黎多次。。。個時已經諗,唔通穿水?不過都只係得起身個一下,再觀察下先。
到中午落街,行行下都feel到有水湧出黎,當時仲想繼續觀察下,(因為好驚食炸糊,入醫院好樣衰嘛!)但老公話入左去先算,何況食炸糊之嘛,點會樣衰,醫生姑娘見慣架啦,自己個仔實會緊張啲。
得到老公既鼓勵,撘的士去QE B4禁鐘。好快有得見姑娘,問返啲基本資料後,姑娘用鴨咀鉗幫我檢查。鴨咀鉗比想像中痛,但仲係接受範圍。檢查結果:真係。。。食炸糊!
但都要入院去C4見埋醫生先走得。去到C4,巡例聽下BB心跳、數胎動。


當做晒全部野,都只係過左45分鐘,內心仲讚緊QE效率高。點知等醫生等到發毛。。。由於老公唔比入C4,所以姑娘放我出去,兩個一齊係門口等見醫生。
到4點,醫生終於到。因為我仍然有滲水,醫生幫我用鴨咀鉗check多次,今次都唔係羊水,但佢拎返個鉗出黎個時有見紅。不過醫生都講,未必真係見紅,可能只係檢查時整損左。但安全計,都係入院觀察一晚會好啲。
好在4半前入院,夜晚先有飯食。當其時心情輕鬆左好多,就算食粥都食得好開心。