壯媽媽 – 37kg是如何托返來

去完旅行最爽, 莫過於晒戰利品, 但我倒晒2個喼d野出來時, 我個腦入面只有一個念頭 唔執得唔得呀??? 

講就得~ 結果咪又死死地氣, 排返晒出來~~~

米豬ge 自己同老公ge 媽媽gp代購ge

究竟係點將呢堆野塞入1個29吋喼度呢? (我細喼一半裝自己拎去d衫, 一半裝咗表妹小姐d衫)

我地倒一倒帶, 睇返day 4晚响酒店房發生ge事…..

以下幾張圖, 笨唔係垃圾房……… 而係….

酒店房床邊…..

酒店床腳尾…….

  同埋酒店房走廊…………..

我同表妹小姐當晚望住呢一房野, 個腦都有個諗法…… 就係要將一個42吋腰ge肥婆質落條24吋腰ge牛仔褲度!! 我地自己講完出來都笑咗3個字先有力執野, 好白痴呀

去旅行, 去到盡, 要買野, 都買到盡!!! 去日本掃貨, 唔係唔帶真空袋呀???? 上年年尾同老公去東京前買咗3個真空袋連手泵 (家品舖, 20幾30蚊有交易, 我d fd話實X 0個d都有得賣, 但當然貴d la~) 去旅行ge真空袋, 我prefer手泵多過電泵, 因為一般來講手泵爛/壞機會低過電泵, 同埋…… 輕好多10g都唔好放過佢~!!

我呢個手泵係螺絲頭, 可以擰落真空袋個窿仔度, 唔駛驚泵泵吓漏晒d氣~~

將所有衣料類, 布類, 可以壓縮ge都質晒入去先 (游水片片都買咗3包)

你睇脹到一個點……………….但只要我努力泵呀泵…… 

 放得落個29吋喼仲有位淨  d邊邊位我梗係唔放過佢, 有咩細件呀薄身呀0個d, 攝得就攝, 舖得就舖

另外0個半邊喼就放d壓唔到ge野落去, 林林嬸嬸咩都有d啦~~~

 玩咗N次俄羅斯方塊之後

 42吋肥婆成功瘦身 質咗自己落條24吋牛仔褲度~ 


名古屋之旅番外篇!!