來吧!一齊贏在起跑線!

如果要子女贏在起跑線的家長,都叫做「怪獸家長」,那我正考慮讓Timtam仔讀N班,又算是怪獸家長嗎?

身邊有兩班媽媽朋友,一班話自己唔係好怪獸的家長(但我覺得佢地係),而另一班係 佛係家長(話返我係怪獸),過去幾年,我已係佢地身上預見到將來的自己,如何為仔女升學的問題而煩惱,果時我成日都講,讀幼稚園啫,洗唔洗咁大陣仗呀?!

到左今年,終於到我要面對Timtam仔讀唔讀N班,讀邊一間學校的問題,唉! 個人仔連行都未行得穩,就要去面試了!

我個人的看法,無論參加遊戲與否,都可以先了解一下遊戲規則和玩法,再跟據孩子的個性和發展去決定參唔參加。

所以,我前幾日去左 聽一個幼兒成長的講座,內容主要是關於入讀N班和幼稚園的準備。講座內容很豐富,吸收左好多有用資訊,餘下的就要靠媽媽做功課喇!

講真,一歳多的BB,可以有幾叻?

有些BB可能才剛牙牙學語,你要佢講自己全名再加英文名,要求係咪高左d呢?

如果大部份BB都未能好好表現自己(當然係會有叻嘅BB),我就唸,咁究竟用咩準則去收生?

如果代入幼稚園老師角色,去挑選小朋友,其實會否把 爸爸媽媽的表現都計算在內?

我說的除了是面試當天的對答之外,更大部分的評分,是關於 平日如何教導小朋友,是否 有心機去栽培子女,會否花時間和子女遊玩! 如果我是面試老師,這些問題對面試分數都會有相應的影響!

教導品德、有禮貌、自理、睇書、一起去遊玩這些面試準則,其實每個小朋友都可以從生活中學習,每日點滴累積,並不是為面試而去做!小朋友有他的成長時間表,可不時用面試的時間表套到小朋友身上,面試當日的表現如何睇緣份就好了!去到一個陌生地方,又要被陌生人問問題,大人都會緊張,何況是一個一歲多的BB?

講座中提及一個訊息,就是選擇一間適合小朋友個性的學校,唔一定讀名校就係好!父母能從小培養小朋友學習的興趣,加上找到一間令他愛上返學的學校,我相信這才是真正的贏在起跑線!

更多分享,在 Facebook: Timtam仔的成長日誌

歡迎邀稿/出席活動:Timtamboy01@gmail.com

駐站Blogger :

#Esdlife 靚太club #媽咪幫 Yahoo親子 #BK Milk #PressLogic 親子日常# ubaby Magazine #Beauty Exchange

~*~*~*~*~*~*~*~*~*~*~*~*~*~*~*~*~*~*