【媽媽的內疚】請慢一點、再慢多點!

16個月大的Timtam仔雖然仍未懂得說話,但他完全明白我們說話的意思,他經常用手指指、行動、加上火星BB話來和我們溝通,不過由於未能即時用行動來表達,很多時會令大人誤會了他的意思,當明白了他行動背後的原因時,媽媽我就會很內疚,沒有好好了解他的用意!

就好似今日,我跟Timtam仔講話同佢去公園玩,佢好開心那那臨走去鞋架拎自己對鞋出黎,當我準備要幫佢著鞋仔時,佢就走開去,原來佢係走去鞋架到拎我對鞋出黎比我!

試過食食下飯,佢將成啖飯「」出黎,餵飯的大人就會很勞氣話佢,然後Timtam仔用手從口中拎出一大條長長的魚骨展示比大人睇,用行動話比大人知,唔係佢唔乖,係有魚骨食唔到!

另外,有時候我會用花灑幫Timtam仔淋浴,唔用浴盤沖涼,浴室有一欄杆比佢扶住企,通常佢都好乖扶住企起度比我同佢沖,有日佢企企下放手走左上前,我即該話佢唔可以放手會滑倒!原來我忘記左將個隔放入去水位隔開雜物,佢走去幫我放返好,又小心翼翼咁走返原位扶返欄杆!

 

又試過很多次,本來我地正坐在地墊上玩玩具,玩玩下佢突然走開左,原來發現地上有小塵埃或小垃圾,佢走去拾起來交給我,先再繼續玩!

回想起這些片段,媽媽我就會感到內疚,仍然犯著每事都要快速完成的毛病去對待仔仔,原來他在不知不覺間已經成長起來,再不是只會扭計搗蛋的小BB, 他需要的,是大人們給予多點耐性,讓還未能說話的他,用行動來表達他的心思!

如果你也有還未懂說話的BB, 請放多點耐心,在忍耐不住要咆哮之前,停一停,再仔細觀察一下,或者就會發現,孩子們不是在耍我們,而是正在用行動跟我們在「說話」。

============================

更多分享,在 Facebook: Timtam仔的成長日誌

歡迎邀稿/出席活動:Timtamboy01@gmail.com

駐站Blogger :

#Esdlife 靚太club #媽咪幫 Yahoo親子 #BK Milk #PressLogic 親子日常# ubaby Magazine #Beauty Exchange

~*~*~*~*~*~*~*~*~*~*~*~*~*~*~*~*~*~*