【Roar! 恐龍又出沒喇】 DINOLAB 恐龍實驗室香港站 @ YOHO MALL

趁學校放早❤媽媽就帶左小b嚟 YOHO MALL 形點 嘅「DINOLAB恐龍實驗室」香港站,玩轉三大主題館。

三大主題館包括「恐龍生命館」、「恐龍互動館」及「化石清修館」,入面有九大恐龍模型及化石,集合展覽、互動體驗、遊戲、知識教育於一身!

未開始之前,記得攞番張探險地圖要嚟集齊印章,領取「DINOLAB恐龍實驗室 博士證書」!

第一站就嚟到「恐龍生命館」
逾31尺長霸王龍及逾23尺長三角龍,唔單止會搖頭拖尾,更會大聲吼叫!係必到嘅影相打咭位!
大家仲可以登上高架,近距離睇恐龍!
小b話你知:
「暴龍係’Roar」咁叫,三角龍係」唔唔」咁叫!知唔知呀?!」

打完咭,我哋就去抱抱恐龍bb!
恐龍bb仲會扭計撒嬌,好可愛!

跟住小b就化身小小考古學家,去到考古巢穴的模擬化石探勘場,發掘埋藏係地底嘅恐龍骨。

然後我哋轉移陣地,去到YOHO HALL 1主廣場嘅「恐龍互動館」進行恐龍解碼任務。

一踏入恐龍互動館,就有個超巨型嘅凶猛暴龍頭,暴龍頭眼皮會開合,瞳孔會放大縮小,精細逼真,仲會發出轟轟聲響。小b完全唔敢行埋去,驚暴龍會食左佢。

進入樂園,背景刻畫左唔同嘅恐龍,前面就放置左異特龍頭及三角龍頭。大家把頭放入恐龍頭後說話,異特龍頭及三角龍頭隨即會模仿聲音發出相應嘅吼叫聲,將你嘅語言翻譯成恐龍語!好有趣喔!

Yo!考下你丫,你知唔知體型龐大嘅恐龍要多少個你才能滿足佢一餐嘅食量呢?
答案係: 只要你企係呢部「暴龍吃飽飽」體重機上就知喇!

原來一隻暴龍要一口氣食12個「小b」才會飽呀!

經過一系列嘅探險,終於嚟到實驗室,進行解碼任務。係入面搵出提示闖關拯救恐龍。

當大家好專注進行任務期間,會有恐龍走出嚟嚇大家,同大家正面對峙!

小b當場被嚇走到十丈遠,郁都唔敢郁! 笑C媽媽!(oh, sorry)

到第三個主題館 -「化石清修館」:
小b急不及待要穿上考古博士嘅實驗袍,利用清修工具,從化石清修出恐龍骨。將一塊塊龍骨拼成一條完整恐龍,令恐龍骨重見天日。

日期:2018年7月11日至8月24日
地點:元朗YOHO MALL I 中庭、主廣場及白鷺公園入口
時間:上午10時至下午10時
費用:免費
除咗3個遊戲區之外,全部都係免費開放比公眾參觀同體驗~ 而遊戲區嘅門票就可以透過即日於場內任何商戶以電子貨幣消費滿HK$400換領或者由7月3日起登入 www.YOHOMALLDINOLAB2018.hk ,即可購買遊戲券,每張票價HK$30。

留意番👇
*每節場次入場名額有限,先到先得,售完即止。
*每張遊戲券設有高度限制,只限1位身高90cm–150cm的小朋友參加,並須由1位年滿18歲成人免費陪同,考古巢穴除外。
*活動受有關條款約束,有關活動詳情請參閱: http://bit.ly/2JZfILD

#YOHOSUMMER #YOHODINOLAB2018 #YOHOMOMENT
#Dinosaur #DinosaurHK #SummerHolidays
#鄭小b之成長日誌
#hkig #hkblogger #hkmom #hkkid #ilovecooking #hongkongbaby #hongkong #親子blogger
#香港媽媽 #hkmama #hkbaby #bloggerhk #全職媽媽 #育兒 #bb食譜 #幼兒食譜