學媽媽 – 紅十字會嬰兒心肺復甦課程

唔知大家有冇做過呢d行為………..

自從我做咗媽媽之後, 我試過半夜去摸米豬有冇抖氣, 幻想如果佢哽親我可以點救佢, 幻想如果我層樓火燭, d火就快攻到入屋, 我可以點樣包住自己同米豬安全地衝出火場唔好一齊做燒豬….

我知好多人會覺得我杞人憂天, 但係意外ge野, 好難講ga ma…….. 衝出火場呢d應該就冇咩可能發生ga na, 自己FF完, touchwood有朝一日真係要走佬, 當响個腦rehearsal過啦…..但係如果小朋友硬親, 冇呼吸, 除咗報警等救護員外, 其實自己係可以救到ga!!!!

早排表妹小姐0個邊ge mama group响紅十字會包咗堂學嬰兒哽塞同心肺復甦, 我梗係一齊去上堂學野啦~ 正所謂救人一命勝做七粒葡萄, 呢d急救知識學定冇壞呀!! 當然最好一世都唔駛用啦~

呢日就要去奧運紅十字會總部, 星期6朝早10點上到1點, 考埋試, 有cert ga, 不過我又唔係好介意有冇cert, 反正我只係想學到個技巧

攰過湊仔呀呢日~!! 8點彈起身, 煮定lunch比老公餵米豬, 米豬未起身我就出門口返學喇~!! 搭鐵去, 响奧海城行個零字就到, 都幾方便ga~

<-上堂喇媽媽們~!!

其實真係好驚訓著….. 因為米豬之前一晚係咁撞床, 我係咁彈起身……. 好在, 阿sir講得好生動, 所以都唔覺過咗3個鐘

份notes勁厚, 不過都係比我用來寫野多~~ 主要都係聽阿sir講咩

先教咗哽塞, 其實加固之後, 初期堅係成日驚米豬哽親ga, 因為隻為食豬食野好心急, 又八卦, 小小聲就四圍望, 真係餵舊豆腐都驚佢落錯格(๑•﹏•) (啋~!) 所以加固初期我都有上網睇過BB哽親點急救, 我睇ge, 就咁啱係紅十字會拍0個條 -> 嬰兒哽塞急救方法 大家可以參考吓(好過真係出事時企响度唔知點算吖, 唔通真係放個碗响頭頂 骨落骨落 咩…..)今日上堂有埋實習, 教埋正確手勢~! 梗係好過睇youtube la~~~

有幾個要訣:

1. 現場環境要安全, 適合施行急救

2. 睇吓見唔見到哽塞物 (我就拉過條菜芯出嚟喇……..)

3. 睇吓BB自己咳唔咳到出嚟

4. 記得記得雙手一定要夾實bb個身同條頸, 唔好比佢地個頭2頭fing

5. 放下面0個隻手掌唔好遮到bb口鼻

6. 拍落去0個下, 係用掌枕位

即係手指公以下ge位置, 厚肉d ge

7. 拍雞翼骨中間個位

8. 拍5吓就反轉睇吓見唔見哽塞物, 見到就用手指尾撩出來, 唔得就繼續拍

9. 記住盡量將bb斜向下咁拍

10. 最好就有野支撐住下面隻手, 有櫈就坐櫈, 冇櫈就半蹲啦~

<-即係咁

跟住就教嬰兒心肺復甦喇, 適合1歲以下bb (即係我家米豬已經超齡……… 算, 學咗都冇壞), 1歲以上請報讀兒童心肺復甦班~ 1-8歲兒童適用~ (好似成日都開唔成班, 多數都係weekday 晚上7-10… 我決定遲d同朋友們夾吓包一堂~!! 16人就成團喇~)

以往對CPR ge認識, 應該都係睇醫生劇睇返嚟, 不外乎吹口同揼心口, 但吹幾多吓再揼幾多野呢? 對象係BB又應該點做呢? 上網都有得睇ge~ 嬰兒心肺復甦法

同哽塞一樣, 親身上堂梗係學多小小野啦~

1. 現場環境要安全, 適合施行急救 — 床, 梳化, 軟墊上唔可以做CPR, 因為會卸晒d力, 做嚟都0徒氣, 所以最好响地下/穩陣ge枱面做

2. check bb有冇反應, 同大人唔同, 千祈唔好拍佢地膞頭仔, 因為易chok到頸仔, 所以除咗耳邊叫佢外, 彈腳底就最好~

3. 冇反應記得叫人報警先!!! 你自己繼續急救

4. check 有冇呼吸同心跳, 最多10秒, 就耳仔埋去bb口鼻聽同感受, 眼望住佢肚仔有冇起伏

5. 先岳高小小BB個頭仔, 鼻孔向天, 等條脷唔好阻住氣管, 成個急救過程就要hold住個位, 因為壓落去0個吓引發ge力可能會chok到頸仔

6. 個口cover晒bb口鼻, 吹2吓氣入去, 見到胸脹就ok, 跟住用 中指+食指 or 中指+無名指 响2粒奶之中間壓落去, 1秒按2吓, 按30吓, 之後loop返轉頭再吹2吓氣再按30吓

loop到有返氣/有救護員嚟到/你自己都頂唔緊為止

7. 吹落去0個吓氣唔駛摶晒老命咁吸一大啖吹氣球吹入去, 平時吹bubble氣力已經夠


阿sir話, 真係要按個人時, 係要大力好多, 因為你道力要過咗佢胸骨同肋骨先壓到落心臟, 有可能造成肋骨骨折, 但如果你驚佢骨折而唔拖救, 當佢冇氣冇心跳, 白車嚟到前佢咁就一世了, 左手又係肉, 手背又係肉, 2害取其輕, 所以係點都救咗先, 肋骨骨折有得醫, 條命冇咗排肋骨幾靚仔都冇用


我考試肥佬咗wo, 我冇真係學過點做CPR wo, 我睇片見過點救咋wo, 我未試過wo

如果有一日, 真係有個bb响你面前忽然間冇氣, 如果你睇完我篇blog又睇埋紅十字會0個2條片, 又記到d步驟, 請你出手啦!!! 做到小小, 好過企响度睇住佢死呀~~~ (ó﹏ò。)

米豬豬的page~ 每日都update~ 

歡迎各位like&follow~ 亦都歡迎大家聯絡我同米豬豬一齊試用產品或合作~