deal媽媽 – 米豬螺地開雪櫃

米豬越嚟越大個, 又開始嘗試挑戰我底線喇!!

擒上櫈呢d, 我由初期嚇到响廚房彈出嚟抱佢落地大叫NO!! 到而家只係望一望, 安全, 就同佢講, 你小心d wo~ 

我知你大個仔, 想好似大人咁坐櫈, 唔係坐highchair, 小心就OK喇~

呢個人仔最近亦不時想搗破我個寶藏!! 通常一冇聲, 就會見到佢擒咗上去摷野~ 

細路!!! 呢格係我ga!! 你d星星餅同小饅頭借位ga咋~!! 

如果有睇開我blog, 應該都會記得個幾月前0個篇 教媽媽 – 如何面對扭計米? 食飯暫時叫做有小小改善, 但係呢, 呢位小朋友行為上就開始就快激爆我喇~! 唔知係咪夏天熱 (嗱~! 我有開冷氣ga吓~! 30幾度我都頂唔順呀) 佢成日都走去開雪櫃~!! 一開唔到 (因為我gum住咗 ೕ(⁍̴̀◊⁍̴́ฅ) ) 就會跳tic tat舞 (dum地) 繼而螺地

跳tic tat舞~

 

醜死鬼呀你~!

螺過幾次地被我無視之後, 都無減佢對雪櫃ge熱愛, 既然禁止唔到, 不如比佢參與 「開雪櫃」 呢個action, 我就同佢講, 你係咪好想打開雪櫃? 不如下次媽媽開雪櫃, 你嚟做小幫手好唔好? (但同時都lock晒d雪櫃門(✿´ ꒳ ` ) )

每次要開雪櫃, 我都會問: 有冇小幫手幫媽媽開雪櫃呀??? 通常2秒之內就會見到米豬舉住手跑過嚟~~ 我會比米豬幫我打開雪櫃門, 咁我就摷摷摷我要ge野啦~ 佢又摷摷摷佢想要ge野啦 (近期最愛我d movenpick…….) 跟住我又執執執返好佢摷咗出嚟ge野, 就同佢講: 要同雪櫃講byebye喇, 閂門門喇~ 通常都要loop 2-3次先閂到門, 之後又要再教佢, 唔可以亂咁拎雪櫃d野出嚟, 會變壞ga (loop一億次… 我終於明點解有人叫媽媽們做」嫦娥」)

雖然只係一個折衷方法, 但比起佢自己隨時隨地鐘意就開吓, 咁樣的確係減小咗佢亂開雪櫃ge次數 (注意: 係仲有自己開, 只係冇之前開得咁密) 每次佢偷偷地開咗, 又比我發現咗ge話, 當然會罰啦~~ 就係下次媽媽要開雪櫃時, 就唔會預小幫手喇~ 因為你頭先開咗啦ma~ 

今朝呢個小朋友又想開雪櫃喇~!! 開唔到門仲作勢扮喊tim, 我靜靜咁靠個頭埋佢個頭隔離, 話」你扭計呀?」 跟住佢即刻勁尷尬咁笑, 笑死我喇 (ᗒᗨᗕ)

 

米豬豬的page~ 每日都update~ 

歡迎各位like&follow~ 亦都歡迎大家聯絡我同米豬豬一齊試用產品或合作~