7大滴雞精品牌-營養大比併

【7大滴雞精品牌-營養大比併】孕媽媽點揀好?

滴雞精愈嚟愈普及,今年春季BB展將首次有7間滴雞精品牌參展!分別係田原香晨露王朝鴻福堂老協珍余仁生御藥堂。相信好多孕媽媽都覺得花多眼亂,當中有平有貴唔知揀邊個牌子好。小編就幫大家比較下7大滴雞精品牌,睇下邊間值得買!

揀滴精雞 必睇蛋白質含量

安全品質認證,冇激素、抗生素、防腐劑,零脂肪等等,以上條件已經係基本野嚟喇!要比較就一定係睇滴雞精嘅【蛋白質含量】。滴雞精最大嘅營養價值就係含有豐富蛋白質,而蛋白質可以幫助寶寶腦部發育、增強孕媽媽同寶寶免疫力等,所以要揀優質滴雞精,就必定要睇下蛋白質含量高唔高!

今次就用各品牌嘅原味滴雞精常溫版做比較。首先根據佢地嘅營養標籤,睇下每100克入面含有幾多蛋白質。頭3名最多嘅係老協珍(8.5克)、余仁生(8克)同晨露(7.9克)。不過各位媽媽要留意,老協珍除咗雞之外仲會加入豬肉,所以每100克嘅蛋白質會高啲。

滴雞精

其次就係比較每包滴雞精嘅蛋白質含量,因為唔同品牌容量差異可以從42ml至65ml/包,呢樣會直接影響孕媽媽實際攝取到幾多蛋白質!比較之下發現,蛋白質含量最高嘅係晨露(5.1克/包),之後就係余仁生(4.8克/包)同王朝(4.6克/包),而老協珍就只有(3.6克/包)。

雞隻品種好重要 直接影響蛋白質含量

除咗單純睇蛋白質含量,各位媽媽亦可留意每包滴雞精內的氨基酸及膠原蛋白含量(要視乎品牌是否已公開)。另外可注意滴雞精所用嘅雞隻品種,因為滴雞精嘅營養價值主要受原材料影響,常見用嚟做滴雞精嘅有土雞同老母雞。土雞嘅蛋白質、膠原蛋白同人體所需氨基酸一般都比老母雞高。

蛋白質

根據以上比較,晨露余仁生係7個參展嘅滴雞精品牌入面,營養價值同質量係最好嘅。

每個品牌係BB展都有唔同折扣同優惠組合,所以未能一次過比較價錢,小編會係BB展期間再為大家報導!希望呢篇【滴雞精營養大比併】可以幫到孕媽媽作出精明抉擇。


同場加映:滴雞精Q&A

Q: 急凍版同常温版滴雞精有咩分別?

A: 兩者嘅分別在於殺菌同保存方式唔同。急凍版需要放係冰格保存,利用冷凍方式抑菌;而常温版係用積層複合鋁袋密封,阻隔空氣同微生物入侵之後,再用高溫滅菌,所以唔加防腐劑都可以係常溫保存。

Q: 自己燉雞汁代替滴雞精得唔得?

A: 燉雞汁過程繁複、時間長,未必每位媽媽都整到,另外即使已一早幫雞隻去皮,雞汁仍然會有脂肪同雞油,長期飲用亦唔健康。反而滴雞精較方便,加熱就飲得,仲零脂肪高蛋白,進補之餘唔怕肥;當中嘅蛋白質係滴製過程會分解成小份子氨基酸,令人體更易吸收營養,所以滴雞精會比燉雞汁好好多。

Q: 滴雞精入面嘅膠原蛋白有咩用?

A: 膠原蛋白基本上係每個愛美女士嘅必需品,可以保持皮膚彈性、潤滑關節、修復疤痕,係孕早期補充足夠膠原蛋白仲可以預防妊娠紋。不過食物中嘅膠原蛋白唔適合人體吸收,所以單靠日常飲食好難攝取足夠。而滴雞精入面嘅膠原蛋白已經轉化成容易吸收嘅營養,補充效果比較好。