#37 有機嬰幼兒食品試食

【試用報告#37 Bellamy’s Organic有機嬰幼兒食品】

試用媽媽:ClothésIreneYoyoConnieYankaTracyKa WaiLaw Wing Yan

致癌物、防腐劑、含菌量、水銀超標……睇新聞經常見到唔同嘅食品安全事故,到咗BB開始加固,媽媽更加心驚膽顫,都唔知邊D食物先真正安全!其實想BB食得健康又放心,揀有機認證嘅食品實冇錯!

澳洲Bellamy’s Organic專為嬰幼兒提供一系列有機食品同配方奶粉,佢地嘅產品全部都有澳洲農業可持續發展協會 (NASAA) 嘅有機認證,確保寶寶唔會吸收任何有害物質。所有產品都係澳洲生產同包裝,對食品安全嘅要求非常嚴格!

以上8位媽媽就俾寶寶試食咗4款Bellamy’s Organic有機嬰幼兒食品小編結合左佢地嘅食評,分別從成份、食用方法同味道三方面評價:

 a. 成份
有機原材料係最基本,但係都要留意食品有冇其他添加物,例如糖、鹽、色素。而除左食品成份之外,小編都會講下個包裝設計究竟好唔好用。

b. 食用方法
媽媽平時咁忙碌,優質嘅加固食物當然要烹調或食用時都好方便!

c. 味道
唔使講都知味道係最重要!不過呢樣野又好主觀,所以小編會俾D媽媽嘅食評大家參考下。

 

  1.Bellamy’s Organic有機蘋果乾 (12m+)

 

a.成份

好多人都驚水果會殘留農藥,但Bellamy’s Organic呢款蘋果乾係用100%有機蘋果製造,所以冇任何殺蟲劑或者化學物。而有機蘋果就係佢唯一嘅成份喇!冇任何糖、鹽等等嘅調味品,完全係100%由蘋果製成嘅蘋果乾。

包裝係密實袋,可以重覆密封,媽媽Clothés就覺得好方便,隨時帶出街,寶寶想食就食。個袋仲密封得好好,唔怕漏氣。

 b.食用方法

蘋果乾一開即食,脆卜卜,但絕對冇炸過!因為佢只係用快速乾燥技術抽走水果嘅水份,保留到新鮮有機蘋果嘅味道、纖維同營養。

媽媽Irene就好放心俾囡囡食,因為用冷凍技術製成唔怕熱氣,仲要蘋果乾入口即溶唔怕BB哽親!

c.味道

呢款蘋果乾係媽媽Yoyo嘅囝囝喜愛零食之一,因為佢味道清甜,拎係手已經聞到果香,連媽媽自己都食唔停口呀!最重要係不含防腐劑,食幾多都唔怕。

媽媽Connie就大讚:「蘋果片香氣清幽,入口淡淡的果香,脆卜卜的口感,入口輕嚼即化,軟綿香糯不黏牙。」連媽媽本來唔鐘意食水果片,都忍唔住食左一包!

2.Bellamy’s Organic有機字母粉 (8m+)

 

a.成份

有機小麥字母粉加入左番茄紅菜頭菠菜,估唔到仲有鐵質!寶寶食得飽之餘仲可以吸收到多種營養。而字母粉豐富嘅顏色完全係來自各種蔬菜,冇添加任何色素、糖、鹽架!

而外盒入面就用膠袋裝住字母粉,包裝正正常常,冇咩特別。

 

b.食用方法

煮法好簡單,好似平時煮麵咁用滾水煮熟就得喇,又可以按照寶寶喜愛嘅口感控制烹煮時間。根據媽媽Yanka經驗,用500毫升滾水煮50克有機字母粉,大概用5分鐘已經煮熟喇,非常方便快捷。

 

 

c.味道

始終字母粉都需要自行加醬汁或其他材料先會有味道,又係各位媽媽發揮大廚天份嘅時候喇!媽媽Tracy用左新鮮蕃茄洋蔥雞肉打蓉後做成醬汁,同字母粉一齊煮,啱晒BB口味又有豐富營養。

 

媽媽Connie俾囡囡試食之後,話囡囡對色彩繽紛嘅字母粉好感興趣,可以一邊食一邊學英文字母。而字母粉大小適中,囡囡好易入口,入面仲有切碎嘅蔬菜,口感豐富,小朋友食得開心之餘又可以學習咀嚼食物

 

3.Bellamy’s Organic有機嬰兒米糊 (4m+)

 

a.成份

有機嬰兒米糊除左有機米,仲特別添加鐵質維他命 C,俾寶寶吸收更多必要營養素,同樣都係冇糖、鹽或者其他香料。

媽媽Connie好欣賞米糊嘅包裝,因為市面上大部份米糊一開左就要自己另外保存,但Bellamy’s Organic米糊就用可以重複密封嘅直立式密實袋包裝,儲存同攜帶都好方便,唔驚倒瀉,方便媽媽即開即沖,仲可以保持新鮮衛生!

 

 

b.食用方法

沖米糊嘅方法好簡單,只要加入水、BB飲開嘅牛奶或母乳就得喇,想稀D或濃D都可按需要增減水份。一加水攪拌就即刻溶成漿糊狀,方便又快捷。

媽媽Tracy仲將Bellamy’s Organic機蘋果蓉同米糊混合埋一齊,可以加添唔同口感同營養,估唔到味道又幾夾!

 

c.味道

媽媽Clothés好鐘意米糊嘅質感,沖完之後好幼滑,啱晒囝囝剛開始加固嘅時候食,而由於米糊冇添加鹽、糖、香料或者其他添加劑,所以味道柔和,食得到有機穀物嘅天然香味

媽媽Fong Hiu Hung就覺得米糊冇咩味道,因為本身冇加任何調味料,佢建議母乳媽媽可以用母乳沖米糊,咁就帶有母乳甜味,BB會容易接受。

 

4.Bellamy’s Organic有機蘋果香桃果蓉 (4m+)

 

a.成份

呢款果蓉唔止蘋果同桃架!仲有提子同蘇丹娜,寶寶可以一次吸收多種水果嘅營養。佢同有機蘋果乾一樣,用有機種植嘅水果做原材料,唔怕寶寶食到農藥同化學物!

媽媽Yanka好滿意佢樽蓋嘅設計,因為係可以防止小朋友哽親,而包裝袋冇BPA成份,底部仲係透明,方便媽媽睇到BB進食情況。

 

 

b.食用方法

有機蘋果香桃果蓉一開即食,非常方便。媽媽Irene仲會因應天氣去調教果蓉嘅溫度,天氣凍D嘅時候會簡單加熱俾小朋友食,佢話無論凍熱都好好味,囡囡每次都食到lam lam脷~

 

c.味道

媽媽Ka Wai試過覺得味道清甜,嗰種甜味真係出自天然水果,證明產品完全無添加,BB仲食到停唔到口,而且口感綿滑,好適合剛開始轉食固體食物嘅BB。

媽媽Law Wing Yan之前試過其他品牌嘅果蓉,佢話其他牌子一打開就聞到人造香料味。但Bellamy’s Organic嘅果蓉味道天然,而且口感幼滑,囝囝一食就食左大半枝!佢都好放心俾囝囝食。

 

 

5.總結

以上咁多位媽媽都好滿意今次試食嘅4款Bellamy’s Organic有機嬰幼兒食品。首先所有原材料都係有機,冇添加額外調味同色素,富含寶寶所需各類營養素。而寶寶6個月大,體內儲備嘅鐵質會逐漸減少,米糊同字母粉特別加入鐵質,確保寶寶吸收到足夠鐵質!

 

 

各款食品嘅食用方法都好方便,蘋果乾同蘋果香桃果蓉即開即食,米糊同字母粉只要簡單料理就食得,啱晒各位忙碌嘅媽媽。


味道當然冇得彈,所有產品都食得出食材嘅天然美味,冇人工添加劑,寶寶食多D都唔怕。

 

除左以上4款,Bellamy’s Organic仲有好多寶寶加固有機食品,各位媽媽可以去佢地嘅網站睇下,入面仲有每產品嘅詳細介紹同成份資料。

Bellamy’s Organic香港官方網站:https://www.bellamysorganic.com.hk/