在職母乳媽媽好幫手

在職母乳媽媽好幫手:
Combi雙邊電動吸乳器

妹妹就快一歲嘞~ 哥哥嗰陣餵奶到13個月,唔知妹妹會食到幾時、我可以堅持幾耐呢? 一般嚟講我都鍾意親餵,埋身亦會係增加/維持奶量嘅最好方法。但若果要返工、外出工作、儲奶做後備,一個啱自己用嘅奶泵絕對係媽媽嘅好朋友

Combi嘅BB用品大家聽得多、用得多,由BB車、high chair、餐具以至牙刷,一路都係信心保證。原來最近仲出咗奶泵,我知道之前台灣嗰邊有售,而家香港有嘞!

Combi呢款泵拎上手都幾輕同細部,特別要帶住個泵周圍去嘅媽媽,輕巧非常重要;另外佢仲可以用USB外置充電器,使用方便~泵嘅時候佢嘅聲量亦唔大,就算要邊做嘢邊用,其他人都唔會留意到。

佢可以分按摩MODE (一個水滴) 又或泵奶MODE(2個水滴),我會先2-3分鐘按摩MODE,再用泵奶MODE。泵奶MODE可分10個力度,但其實5-6左右都已經夠力,雙泵使用力度都無減,一樣夠力!奶樽除咗用返Combi樽外,一般窄口樽都OK;而白色鴨嘴就可以同其他牌子(如Spectra)一齊用。安裝亦唔複雜,基本上看圖識字,操作簡單。

試過不同牌子同款式嘅奶泵,Combi 呢款又有咩好呢? 我就最鍾意佢喺喇叭加咗一塊薄、軟身嘅膜,就係呢個少少嘅不同,令到佢比其他牌子更貼、吸力更好,最正係呢個細少嘅 cushion,令到整體感覺舒適好多添!

最後提提大家,佢係不可充電使用,可以駁濕電/USB,媽媽留意嘞~

我自己俾咗個小評分比大家做參考。希望幫到大家😉

#母乳 #吸乳器 #Combi #奶泵 #Combi雙邊電動吸乳器 #機身輕 #力度均衡 #舒適
#jasminemama #茉莉媽媽