4大技巧吸引BB睇書仔

BB都識讀書?點樣同BB讀書仔?點揀BB書仔?

我的小Baby小魚啱啱兩個月啦!小魚仲喺媽媽肚入面嘅時候,我已經有同佢講故事嘅習慣!我想佢由細到大培養閲讀嘅習慣,並唔係想BB贏在起跑線,而係希望佢可以從小就享受閱讀的樂趣,等佢大個就唔會抗拒拎起本書!而且伴讀嘅時間亦係一個好好嘅機會去促進親子關係

American Academy of Pediatrics之前都發表過研究論文,當中提到「家長與子女在嬰兒階段開始一同閱讀,孩子在4歲時的閱讀能力表現會較佳!」

咁點樣同BB講故事讀書書呢?可以參考以下幾點:

1. 初期建議選擇可以咬、擲、有聲音或不同質感的圖書 (如:圖中嘅布書仔,又可以洗又有嗰紙喺布入面發聲)

2. 以簡單同清晰、顔色對比強烈嘅圖畫/圖片為主! 初生嬰兒可以由黑白對比色圖畫開始! (如:一頁一動物樣、 顔 色鮮明但不會太花太亂)

3. 閲讀時可以用BB話以較高音、重曡字、誇張高低抑揚音調及動作、扮聲音豐富表情、多眼神交流等等技巧去吸引BB興趣

4. 閲讀同時可跟BB玩追視遊戲 (如:慢慢上下左右移動圖片/圖書)