Profile

梵高爸爸 ※ 新手日記

梵高初當爸爸的一刻開始,世界從此不一樣-由太太懷孕、寶寶出世、直至長大,我會盡力留下最珍貴的回憶,樂意伴她分擔照顧BB的使命,並跟其他新手爸爸互相交流

梵高爸爸陪產故事@屯門醫院

7月 2日零晨跟媽媽說聲「生日快樂」,再跟媽媽懷內的湯丸仔講:「你有無同媽媽講生日快樂嫁?」媽媽甜笑:「你唔好過期居留呀!」我完全陶碎同BB的世界:「你會唔會選擇今日出世嫁?送自己做生日禮物嫁?」「嗱~出世果陣, 爸爸會陪住你同媽媽嫁,你一直向上推向上推,就會見到好光好光嫁啦!」媽媽摸摸肚:「係咪呀BB?」如是者,梵高爸爸做了「滋養生命」的靜坐冥想,就睡了。

大約5時,廁所傳來聲音「爸爸,我好肚痛呀!又唔係大便!」但當時我太熟睡,再過15分鐘,媽媽坐喺馬桶上叫嚷:「爸爸,疊高幾張櫈俾我伏喺前面?」我朦朧望到媽媽捧著肚子的痛,即刻甦醒:「你應該生得喇!」然後隨手拎起紙筆紀綠陣痛時間,每5分鐘陣痛一次,每次痛1-2分鐘,之後更頻密,但無見紅,亦無穿羊水。但痛到不得了!火速把握未陣痛的一刻,幫媽媽著好大肚衫、胸圍、外套、長褲、襪

正當快拎走佬袋走佬,落樓搭的士嘅moment,頂!又陣痛,媽媽已經痛到行唔到。大家已預備好一切,無事前唸到咁緊張。Call 999時已冷靜講:「我要Call白車,太太懷孕39周,強烈陣痛要生BB喇!地址係… 幾耐到?」5分鐘救護員即到, 問大概情況,最重點:係咪第一胎?「得!預咗有排痛」救護車又快又安全,救護員對父母身份證:「依~太太今日生日喎!」

到屯門醫院急症室,即刻拎爸爸媽媽身份證同產檢覆診咭登記,直接打排版,推上A7產前病房,媽媽即做評估,發現已經開到4度!!(心唸!咁快!呀B真係叻仔,咁快就4度,媽媽快速KO)醫護人員即推媽媽入病房,爸爸就要醒水喇!拎哂媽媽除出嚟嘅衫褲鞋襪入走佬袋,我就用美贊臣媽媽袋,都夠裝,但我跌咗。。。1條bra帶

媽媽被推到D7產房,爸爸未能進入,產房打電話俾爸爸先可以入去,所以要,帶足幾個尿袋,電話隨時stand by叉足電。產房門口等呀等,等咗半個鐘。電話響即聽:「老公,原來我開2度咋!A7同D7的準則唔同。姑娘話正常一小時開1度,真係開到4度,先再打俾你。你食早餐先。」我老婆真係好好,就算生仔都咁細心。「媽媽,妳都未食野?妳食唔食得野嫁?」「唔緊要啦!」

兩個鐘之後,真係打嚟「老公,我開到4度啦!你可以嚟陪產」我即刻按鐘,隨即入去跟姑娘指示做:戴好紙浴帽、紫色長袍、拖鞋,貼好病人名的label,就入得去搵老婆喇!記得記得之前要去定洗手間。

見到老婆臥在床上,種了豆 ,另已見紅,樣子有點痛苦的樣子。而在她肚上,博上兩個圓貼﹣1個測BB心跳1個測媽媽宮縮情況。我不發一語,只是輕吻好額頭 :「辛苦老婆!」只伸出左手,給她捉緊。爸爸不用口,只用心用耳聽媽媽的需要 「幫我叫姑娘」「姑娘,我好痛呀!我可唔可以選擇無痛分娩,或者打無痛針?」
「太太,你依家宮頸開得好好,開到5度啦!呢個情況我哋唔建議打無痛針,因為5小時後先發揮效果,但以目前進度,太太好有機會5小時生得。太太,妳還是選擇聞笑氣?」「我擔心聞笑氣對BB唔好。」適當的時候,媽媽未能做決定,爸爸就要出聲「咁我哋都唔選擇無痛分娩,唔打無痛針。」
助產士續說:「太太,我可以幫妳人手整穿羊水,加快產程,好嗎?」交代一些輕微的潛在風險,老婆就好勇:「好呀!」
呢一刻,我真心覺得老婆好型 ,選擇順產,咁痛但唔聞笑氣,亦無大叫,齋靠呼吸法冷靜自己。但爸爸記住,唔好擾亂媽媽呼吸節奏,總之,除非有事需要幫手, 否則唔該爸爸Shut Up
過一個鐘左右,媽媽開到8度 「老婆加油呀!呀仔你再向上D向上D,就好快見到爸爸媽媽」跟住,媽媽話「好屎急,唔得啦!叫姑娘。」

呢位助產士態度就好一般「太太,係咁嫁啦!係好屎急,因為壓住妳直腸呀嘛!妳明唔明呀?妳話妳屎急呀嘛!你痾啦,你痾出嚟啦。」呢一刻爸爸超不屑。「我哋第一次生呀嘛!點知係咪開到9度啫?我知都唔洗叫你嚟啦!」火速收皮。

屯門醫院其他助產士都好好的。等到下午兩點,未有起色,助產士好言勸我先食午飯。呢一刻,老婆點點頭,我就離開了。

放lunch心情挺輕鬆,因為一切來得順利,亦比預期快開到8度。但等了2-3小時,仲未收到產房打嚟,心開始有點著急。來回行7樓長廊N次,終於忍唔住,襟鐘問老婆情況。

如是者,我穿好衣物去到產房,老婆面色比之前蒼白:「老公,你走無耐我發燒!要打抗生素」「辛苦你啦!你無大大礙嗎?你需要食D野嗎?」當然內心想知,對胎兒有咩影響,但始終唔想影響老婆情緒。
此時,助產士來到:「胎兒心跳頭先低咗,情況不穩定,暫時回穩喇!」「對胎兒有副作用嗎?」「以我哋過往的經驗,胎兒無太大影響。」等了又等,等了半小時「你開到幾度?」「唔知呀!你走咗之後你驗」「姑娘,我太太宮頸開到幾度?」「上午驗咗好多次,唔方便再驗。」我無名火起「我太太有成3個鐘無驗喇!又咁虛弱,BB心跳drop左,點算?」之後某位較高級的助產士,憑經驗憑肉眼判斷,都係八度。

好,唯有等,已經唔知幾時,老婆陣痛加劇,隨即由1個慢慢增至4個助產士,亦多了2位男/女醫生介備。當時,佢哋用手指探測宮頸情況,已經係10度。(記住,先生請不要太介意醫生陰碰太太私處,只是專業人士的工作)
病床斜度調至60度,方便順產「太太,當你feel到痛時,好急好急想出大便時,捉實扶手,吸一大啖氣,然後閉氣。谷佢出嚟!」
嘗試10﹣15分鐘左右,由於陣痛太短促,所以未成功push到。而忽然間,又多了2位醫生,即是總共4位醫生4位助產士在場,心未知不妙,但我心唸,咩事咁大陣象呀?

然後「太太你試吓叭喺度生?」但記住,佢左手種了豆,所以要好小心扶住佢,幫手調整枕頭位置,但經過一輪工夫,都係唔成功。
結果,又轉姿勢「老婆,BB加油呀!」「太太,BB個頭仔就嚟出嚟喇!」下巴貼頸,雙手貼住手把,腿張開, 一鼓作氣。但幾次都未成功,醫生亦好motivate。過一陣,醫生有擔心的樣子:「要剪會陰」老婆都好驚「可唔可以唔剪」雖則理智上係需要,但情感上要記得,佢無止痛針同聞笑氣。

此刻,醫生向我說「先生你出一出去, BB就出世再叫你入番產房。」走的一刻,其中一位女醫生即時遞同意書俾老婆簽名。
在產病門口等候,約半小時,有位姐姐推了氧氣箱車,入面有個BB,我直覺覺得係湯丸仔。5分鐘後,收到產房電話,即刻聽:「老公,我生咗啦!」「老婆,辛苦你啦!我愛你。」「BB重3.27kg,有同我skin-on-skin,但因為我打咗抗生素,所以唔可以即刻俾BB啜nipples。」「唔怕,你休息一下先,唔好擔心太多。」「都係我唔好啦!個仔依家要推去兒童病房, 要打抗生素。喺D6病房,同埋你要睇個仔個頭,因為頭太大,要用鉗鉗出嚟,擔心會有紅印,有破相。」「唔會,之前講座講咗2~3日都退。我陣間探完你,餵完你食野,先再睇BB啦!」

去到D6病房,門前對講機講BB媽咪名、我的身份、探房原因等。熄電話,洗手搵BB。呢個感覺好fantasy,本來我想像中的畫面是BB喺媽媽產道出來,聽佢初啼哭聲,幫BB剪臍帶。但無expect到,係會喺病房見第一眼,係喺某病房眾BB床搵仔。BB睡著,但不能碰他,只隔著氧氧箱,影一張相,望了一眼,但說不出的感覺。

【嫲嫲的愛♥薑醋篇】

6月1日,新一個月新開始,一睡醒就發現一地新景象,原來嫲嫲一朝早遠赴天水圍,推車買兩大袋薑,足足廿斤,而且吩咐街市叔叔揀最大最靚的薑,俾佢新抱坐月。有時,薑愈老愈辣!邊個夠薑阻住嫲嫲買薑
#嫲嫲的愛?哈哈
翌日,嫲嫲話,佢叫咗親家嚟批薑皮。然後岳父岳母又話,佢哋都叫咗二舅婆一齊刨。更加清潔好個廚房,準備煲薑醋。
6月3日,我媽媽一大早已經叫我起身:「要買醋啦 !今日批完要即刻煲。」陪她一齊到「錦記」買醋,分別兩罐5斤同珍,兩罐5斤八珍,話全屯門最便宜,真的嗎?但的確超級重,好彩推車。
全個下午,岳父岳母等人到來,第一時間刨薑皮,好少見到大家圍埋一齊。嫲嫲忙個不停:「要洗薑啦!薑唔可以放咁耐,會爛!」又教「親家,我教你,咁樣刨易d。」原來,嫲嫲一直儲起用來曬乾蠔豉嘅竹籤刮皮,我都估嫲嫲唔到,但又刮到。其實,我一直都唔留意家務野。 出外工作咁多年,成日覺得商業社會特別有前途有遠景,商人特別叻,但back to basic,一有湯丸仔,再留意自己呀媽,原來唔少智慧在民間
雖然忙,但難掩嫲嫲的喜悅:「親家,我煲多d俾你派俾親戚同事呀!」只知薑醋大過天~~想不想也日夜懐念~~
現已煲好薑,但仍未添豬腳。重點是,我感受到嫲嫲的愛,對新抱對孫子也好。一個上年紀的女人,除了寄望子孫身體健康,過得開心,似乎別無他想。雖然未嚐薑醋,但我相信這是甜的。

【孕婦首選】滴雞精功效滋養補身 爸爸嚴選台灣半百年老字號

滴雞精對孕婦的功效好處, 網上不難找資料。一般解釋,滴雞精是指雞隻經蒸煮後滴出來的精華,產前飲用滴雞精功效有利孕婦補身,滋養胎兒,特別孕吐者補充能量。始終第一胎,經中醫師看診媽媽體質,滴雞精都適合她,補脾腎充盛血氣 。
然後梵高爸爸逐一研究市場上的滴雞精。坊間以價錢或成份作比較,但孕婦食落肚的,更重要是考慮飼養環境、原材料及產品本身 (即雞隻、滴雞精) 的品質監控。不說不知,坊間有時會選用生蛋老母雞,其剩餘營養價值低。中醫角度,累積的雌激素有損坐月或哺乳媽媽。所以,我個人挑選了心水:元進莊出品「晨露滴雞精」。
台灣半百年的老字號元進莊,嚴選台灣土雞,100%自家農場走地飼養, 好處是低脂肪、蘊含豐富(18種)氨基酸及膠原蛋白,份子細小有助吸收。 元進莊不惜斥資千萬港幣,開創智慧農場4.0 概念,引入高標準丹麥SKOV生物監測系統,全電腦數據紀錄雞隻成長,以至飼料及飲水攝取量。包裝上的完整產銷履歷QR code,就等於每隻土雞的身份證,亦是香港市場上唯一可以追溯滴雞精來源的品牌。
飼養環境方面,承上的系統更可監測土雞舍的溫濕度,及自動通風調節。而且元進莊做足防疫工作,先進密閉式的土雞舍阻隔外間如禽流感的感染,確保雞隻安全、健康成長。
再論「晨露滴雞精」的品質監控,元進莊做到100% 飼養-屠宰-加工一條龍。於自家CAS 合格屠宰場,把握黃金3小時屠宰蒸入煱,不冷藏不涷鮮,確保滴滴新鮮。再加上零蒸氣回流技術,鎖住原隻土雞的精華,原汁原味飲用。不施加生長激素,還公開檢驗報告,通過HACCP及ISO22000等認證,讓孕婦安心食用「晨露滴雞精」。
終於買到手,1盒10包盛惠 $499,要即刻存放雪櫃冰格 (因不含防腐劑)。食用時全包放熱水內,或隔水加熱幾分鐘即可,非常方便。一隻土雞只滴出2包半滴雞精, 滴滴壓縮的精華唔好哂!
媽媽淺嚐一口晨露滴雞精,覺得味道香醇鮮甜,似飲雞湯,但不油膩也不鹹。不枉我花盡心思研究。為了適合不同體質人士飲用,晨露滴雞精不加藥材,更特選100日大的少爺雞,不用擔心燥熱。
 
高膠原蛋白、0脂肪的滴雞精,孕婦早上空腹飲滴雞精功效吸收最好(但不宜睡前飲用)!媽媽現在會定時飲用養胎,直到生B之前。 產後十二朝排清惡露或傷口癒合後,我照樣安心讓媽媽坐月飲用,幫助上奶。
香港銷售點: CitySuper ﹑ FOODWISE﹑好東西﹑金飯碗﹑BABY OUTLET ﹑HKTV mall﹑FRESH TOGO

梵高爸爸 ~ 日本15特選野菜粉

湯丸仔BB快高長大, 媽媽肚仔超嚟超大,梵高爸爸腩圍都一齊Up,開始暴脹~
【25周,某日,某麵店】
爸爸: 我懷疑自己擬娩症 ,有時好似我陀B,呢排好容易嗜睡倦怠,胃口大開。
媽媽: (冷靜mode) 點會呀? 你不嬲都大食。
爸爸: 唔係呢? 有時有人衝埋嚟,我好緊張會唔會撞到BB
媽媽: (懶得理我mode) BB好飽,食唔哂D野,爸爸你清埋佢!
爸爸: 好! 一齊幸福肥
===============================
【安坐家中】
爸爸: 呢本書話懷孕媽媽易便秘
媽媽: 我暫時無便秘呀! 腸胃都好暢通
爸爸: 日本研究話 ( https://goo.gl/HRNQHD ) ,懷孕媽咪大量食綠色蔬菜,對小朋友2歲時出現哮喘症狀有保護作用
媽媽: 都啱! 健康攝取營養對母子都有益
媽媽: 老公,你都要食多D蔬果
===============================
日本15特選野菜粉 15greenhk,含有15種優質有機野菜,無基因改造,利用專利技術,先特別急涷處理,再將新鮮蔬菜連根帶皮微高速粉碎,保存原有營養,有效吸收維他命、鈣質、鐵質及膳食纖維 #天然酵素
有時食唔夠蔬果,簡單加水沖3秒鐘搞掂。冲泡式超方便。
俾媽媽飲之前,我都要試飲過。一星期後,便便明顯多咗,一日可以3次,而且偏深色。我相信是排毒;而且兩邊面頰無咁水腫,去水腫。驚喜地,爸爸腩圍減左半吋,減腩。
所以,我都放心俾媽媽產前產後飲

親子影相打卡又一好去處 迪士尼卡通人物同你繽紛迎接復活節

成班迪士尼朋友嚟咗荃灣廣場 ?

一入場超有春日氣色,已經好似置身喺迪士尼樂園咁~ iconic嘅拱門入口,加上盡頭嘅「春日小鎮廣場」,見到非常熟識嘅小鎮大街火車站,連同全港首個室內「米奇花圃」。
「花蛋區」 可以 photohunt 到米奇米妮、唐老鴨、黛絲、高飛、布魯托、超能先生﹠太太等,仲有5呎高米奇呀~~ 爸爸媽媽打咭注意
「花蛋保齡球」 &「花蛋彈珠機」好玩指數有4粒星,碌到指定分數,仲可以得到精美禮品一份 ????
「花蛋極速充氣滑梯」好玩指數有4粒星,重溫梵高爸爸live video 即上:https://goo.gl/F3M1GV
大人細路都啱玩~~

另設工作坊,一眾甜食控小粉絲可參加「迪士尼春日特色曲奇製作體驗」,由香港迪士尼樂園度假區餐飲部的演藝人員指導下,小朋友和爸爸媽可以一起合力製美味曲奇。此外喜愛自製小手工小朋友可參加「迪士尼春日小手工工作坊」,即場在導師的指導下DIY迪士尼春日小手工帶回家!

============================

【迪士尼春日玩樂派對】
日期︰3月24日至5月13日
時間:10:30am – 9:30pm
地點:荃灣廣場L1中庭
註:「花蛋保齡球」、「花蛋彈珠機」及「花蛋極速充氣滑梯」於逢星期六、日及公眾假期開放

【親子周末遊~文具店尋寶】

忙裡閒遊樓上文具店,在煩囂的銅鑼灣鬧市,顯得格外文青風,這兒地方四正,顏色繽紛的文具映入眼簾,剛巧一家四口子‍‍‍ 周圍發掘新玩意,邊教邊玩。
媽媽 ‍: 妹妹 #Rainstick雨聲棒 好好聽呀  非洲傳統民族樂器,仙人掌莖部曬乾之後,加入種子同石仔,慢慢跌落嚟好似雨水聲
妹妹 : (搖搖樂器/啪啪啪,然後撲向梳化攬住公仔) 媽咪媽咪~個 #鬆弛熊公仔  好得意呀
爸爸 : 依.. 日本 #黃色狗仔漿糊 喎,呢個係爸爸童年回憶,香港好多地方都買唔到喇!
‍爸爸 : (在擺放 #活字印刷字粒 的枱前抱住仔仔) 爸爸教你執字粒,依個係咩字?點解以前香港印報紙 排版要執字粒?
===============================
家長就地取材,運用搜羅自世界各地的玩物,跟小朋友導賞導玩,發揮創意小宇宙,放眼世界。
梵高爸爸修讀藝術治療,正正想探索小朋友畫後的內心世界,在這裡就找到 WWF #12色顏色筆 最驚喜是,有別於普遍的木製顏色筆
(1) 筆身由舊報紙捲成,癈物利用之7餘亦減少砍伐樹木
(2)12顏色筆上的圖案,就是12種不同動物紋理 ,有些更是瀕臨絕種的動物。
簡單一盒顏色,可以教育小朋友支持環保,愛惜地球,更足以證明店主對每件文具的要求和執著。
星期六日,一家大細嚟大樹文房,分分鐘會發現到新奇有趣嘅文具嫁
—————————–
The Tree Stationery 大樹文房
地址: 銅鑼灣勿地臣街10號2樓 (Times Square 斜對面)
營業時間: 星期一至日 11:00-20:30
查詢電話: 2598 4328

從此…化妝箱要添上營養品藻油DHA

打滾PR/Digital界多年,親子KOL的確好互助互愛,本住錫小生命的心去分享BB心得,上星期 全職師奶‧Sin Mama 給藻油DHA試食。希望我太太適用時,原來陀B 4個月就要食,又時候喺海量網上資料整合一下 (緊張大師乜都search一餐) 。
DHA 4大好處
1) 孕媽媽或哺乳媽媽食,有助寶寶的大腦皮層、眼睛👀和神經系統發展,又名「腦白金」
2) BB出生後有更好的視力智力之餘,亦有助手腳協調、語言能力及免疫力  ( 手腳協調是梵高爸爸缺乏的,希望不要遺傳到 😲 )
3) 減少胎兒不足月,體重不足的機會
4) 穩定孕媽媽情緒
而DHA滿足胎兒發育所需,普遍分2類-藻油DHA及魚油DHA。
先說「藻類DHA」,它零污染、無重金屬、無腥味、純植物易吸收,素食媽媽都適用。而且藻油直接從海洋單細胞藻類中提取,未經食物鏈,完全不介入海洋環境,孕媽媽、哺乳媽媽及BB非常適合食用。
再說「魚油DHA」,它有機會受海洋污染,含重金屬,例如汞。視乎水源,由於魚油從深海魚類脂肪中提取,但海洋環境惡化,有機會經食物鏈吸收工業毒素等。此外,EPA 成份可降血脂,稀釋血液粘稠度,比較適合中老年人。孕媽媽如選用魚油DHA ,要於懷孕32wk開始停用,因為EPA影響凝血功能,生產時有血崩的可能。
依家,老婆每日都食一粒 #惠氏媽媽藻油DHA,200毫克DHA滿足每日所需。高純度DHA,而且膠囊全植物來源,膠囊殼無明膠,促進母嬰吸收,所以放心俾老婆食。
食完1個月份量後,我都會考慮如何選擇藻油DHA,再選購,所以爸爸會再做研究 ( 又下回了 … 待續 )

孕婦感冒咳食咩好?

小學流感爆發潮,就連駐校社工的媽媽都不幸患上風寒感冒 , 晚晚痰咳又唔食得藥,飲暖水之外,唯有以食療減輕病情,於是今朝炮製「蒸大蒜水」,20分鐘搞掂,材料做法世界級簡單。
配料: 大蒜瓣3顆、冰糖1粒 (細粒就2粒)、半碗水 (小碗計) 、 生薑1片
做法:
1) 取大蒜3瓣及生薑1片 ,放上板拍碎或切片
2) 放入小碗,加冰糖,加入半碗水
3) 放入蒸鍋,用碟將碗蓋上,防止鍋內蒸氣水倒流

–  大蒜是天然植物中抗菌作用最強的一種。味辛性溫,入脾胃肺經,溫中消食暖脾胃,消積解毒,專療寒性/腎虛咳嗽。 「硫化丙烯」的辣素,對病原菌和寄生蟲具有良好殺滅作用,可預防感冒、減輕發燒、咳嗽、喉痛及鼻塞等感冒癥狀,此外「硫化合物」特強的抗菌消炎作用,對多種球菌、桿菌、真菌和病毒等均有抑制和殺滅作用
–  冰糖味甘性平,入脾肺經,補中益氣,和胃潤肺。冰糖養陰生津,可緩和化痰帶血
–  生薑可以驅寒、宣肺化痰止咳。今晚爸爸再煲多一次試吓
我分別煲了兩次。第一次昨日下午煲,沒加生薑 ,媽媽說: 「聞落大陣蒜味,飲落出奇地冇,反而好甜」。我認為自己可以再拍爛些蒜頭,及冰糖大粒了。所以今旱6時半起身,再煲一碗蒸大蒜水,今次加片薑片「飲完喉嚨舒服多了,今次少許辛辣又少了甜」而且即時冇咳喇!

滴露迪士尼Tsum Tsum別注版潔手液系列

流感高峰期病菌殺到埋身,更有多間學校爆發手足口病及,所以大人細路都要「洗手洗手洗手」。記得出街玩完、抑或返完學,要提醒小朋友保持個人衛生喇。

滴露今次推出咗迪士尼別注版潔手系列,等小朋友可以同米奇、小熊維尼、反斗奇兵,愛莎公主不同卡通人物一齊開開心心地洗洗手。

露露媽咪最鍾意,就係《小熊維尼》Tsum Tsum別注版-持久舒爽殺菌潔手液,獨有長效清爽技術及青瓜精華,配合pH均衡配方及滴露防菌保護,用後倍感清爽清新。

另外,仲有《魔雪奇緣》電影特別版消毒搓手液!非常方便攜帶,幾時去到邊都可以做,只要將少少滴露搓手液擠於掌心,摩擦雙手直至蒸發為止,而且無須過水,便可殺滅99.9%細菌,又多個法寶對付細菌!

【戴得出街嘅空氣清新抗菌機? 】

適逢流感高峰期,帶正離子嘅病毒多的是,特別西鐵、搭咁逼,呢d中央冷氣嘅室內環境唔太通風,有啲人咳或流鼻水都未必戴口罩,好易中招! 所以出街要好好保護寶寶同媽媽,要明白孕媽媽免疫系統弱咗,心肺功能比正常女性負擔更重,Touchwood 病咗又唔可以食藥。
再嚴重就係二手煙,口罩都隔唔到陣味,就連香煙粒子細到1μm,點阻隔?? 就算罰$1500嘅禁煙區都有人照吸,影響胎兒正常發展。所以成日好想有部空氣清新機拎出街?
結果搵到美國AirTamer A310穿戴式負離子抗菌空氣淨化器,碳纖維電刷釋放200萬健康負離子,淨化1米範圍內的空氣,同時阻隔空氣中的細菌與病毒。而且細到0.1μm的空氣污染物都吸附到,錫住媽媽呼吸系統外,亦錫住BB。有實驗證明,Air Tamer A310更可以5分鐘內快速清除98.9%煙塵 (Independent testing by ITS, 2010)
而且孕媽媽皮膚因荷爾蒙而變差,但盡量少用化妝品,變相少咗保護屏障,用 AirTamer 亦減輕因致敏原而起的皮膚問題。有研究指出,負離子減低花粉症的道理一樣。
Air Tamer 掛喺心口位置。而且非常輕巧,size兩個5蚊左右。操作非常簡單,只要推一下制,亮綠燈便可。用USB叉電3小時,就可以運行150小時。
更多詳情,可以click入去了解吓
梵高爸爸新手日記Facebook Page: http://www.facebook.com/franconewpapa