Profile

呀劍萬帥

常聽說朋友跟子女在假期出國旅遊而不留港, 其實香港都有許多適合一家大細的地方遊玩, 不如參考【呀劍萬帥】打造你跟小朋友的一個親子旅程! 我不是甚麼旅遊達人,寫的也不夠全面,只希望跟大家分享一點點心得!

【親子好去處】全新360VR體驗館 @昂坪360

適逢情人節,人人都會去搵間靚靚餐廳食餐好,或者去商場應下節行下街,再唔係送埋花去海邊吹風或到山頂浪漫一下。但係我哋偏偏去咗昂坪360,行開行埋唔係大媽就係老友記,一對情侶都唔多見,皆因昂坪360開咗個全新360VR體驗館呀!

除咗因為360VR體驗館開幕之外,適逢今年情人節同年初一只差兩Days,所以上到昂坪巿集都充滿新年氣氛。
呀妹知道有得再搭昂坪纜車超興奮,因為佢真係好鍾意坐水晶車廂。

今日風和日麗全日都好好天又唔係太凍,望住窗外面風景真係好提神。

我哋坐嘅呢架車廂,仲係以維港做主題,小朋友見到都零舍開心。

 

冇人幫手又冇帶腳架嘅情況之下,我居然可以拎住部單反Selfie,連我自己都唔敢相信。

兩個繼續欣賞沿途風景,我同媽咪終於可以抖下氣嘆一陣,心諗可唔可以唔好咁快到。

 

 

沿上得高就有D曬,即刻戴番副超擋一擋先。

望落去下面風景起初真係有D畏高,不過習慣咗就OK,唔知將來會唔會有一架全個車廂都係玻璃的全水晶車廂呢?

 

 

到咗昂坪巿集,見到都係新年佈置,超有過年氣氛。

在圓形廣場設有新春喜慶行大運巨型新春佈置,仲有個真實纜車車廂可以俾大家打卡放閃。

 

 

 

今次上嚟昂坪360另一主要目的,就係要嚟玩吓呢個新開的「360VR體驗館」,因為依家仲做緊限時免費優惠。
優惠期內可免費試玩4種驚喜體驗
1/ 百變魔衣櫥
2/ 高空索道行
3/ 與胡巴捉迷藏
4/ 光影許願樹
「360VR體驗館」門票要去旅遊資訊中心索取,先到先得。每個時段30分鐘,每段之間有15分鐘休息清潔時間。
裡面採用懷舊香港做主題,配合電影《捉妖記2》同胡巴及其他角色一齊玩VR遊戲。
百變魔衣櫥俾你著上由國際時裝設計師Vivienne Tam設計的《捉妖記2》時裝

 

呀芊着咗件衫成個小矮人咁好攪笑。

 

哥哥玩完之後仲過嚟攪攪陣,一出現在屏幕前就搶咗條裙去著。
然後過隔離玩「高空索道行」,先除鞋穿上腳套,再著上預備好的拖鞋,戴上VR鏡後就開始玩啦!
兩個戴上VR鏡後,進入另外一個空間,就喺一條高空索道上。
兩個實際只係走喺一條獨木橋上面,不過真係好逼真,明知係假但係都會被視覺影響。
佢哋仲有個簡單任務就會要切斷VR世界內的汽球繩索。
然後再到隔離玩VR射擊遊戲,在香港街道上搵胡巴出嚟!
孭起個VR裝置,好似「捉鬼敢死隊」。仲有手拎住支槍,不過遊戲裡面係支弓箭。胡巴在遊戲周圍出現,小朋友一定鍾意!
本來個遊戲就唔適合呀芊玩,但係佢嘈住話想試下,結果媽咪就陪佢試玩一轉。
最後「光影許願樹 」俾大家可以拎起道具橙,寫上祝福字句,然後拋上去屏幕許願樹。
呀芊大大力一拋,俾佢掉到上樹好開心。
輪到呀哥寫完掉上樹,點知一掉掉咗上去屏幕上面,真係激死人。不過掉唔中都可以放心,可以在掉過。
半個鐘頭絕對足夠玩齊4款遊戲。
離開咗「360VR體驗館」出到嚟見到一棵仲大嘅許願樹,又一個打卡景點。

 

 

如果大家唔得閒去林村的話,上到嚟呢度一樣可以見到咁逼真嘅許願樹。如果在昂坪巿集消費滿$150,仲可以有一塊許願牌,可以祈福祝願。

之後我哋再去埋360舞臺同360動感影院,玩住食食住玩。

消費每滿$200仲可以有攝影服務㗎!

最後我哋去埋食豆腐花。

好食到唔記得打卡。

今個新年一於去昂坪360玩下最新嘅360VR體驗館。
之後我哋仲行埋街Shop下平,估唔到每間店的產品都超有本土特色,以前覺得紀念品一定係俾遊客,但係原來可以好靚,攪到我都大出血。
兩個都用咗自己利是錢買咗自己心頭好!
Photo by CANON 5D Mark IV, Len | EF 16-35mm f/2.8L USM
想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

呀劍評分: 10分
呀劍評語: 再次到昂坪360玩,除咗滿足呀妹可以坐纜車嘅願望之外,仲可以體驗全新嘅360VR體驗館,仲好玩係行高空索道,感覺真係超逼真,玩玩下都唔記得咗自己原來係平地上面。

全新360VR體驗館
全新360VR體驗館現已開幕!由2月9日至3月24日,快來昂坪市集玩盡4種虛擬實境驚喜體驗,與《捉妖記2》的胡巴及一眾角色進行大冒險!

主題拍照區
日期: 2018年1月15日至2018年3月2日
地點: 昂坪市集廣場

金獅賀歲表演
日期: 2018年2月16日至2018年2月23日 (年初一至年初八)
地點: 昂坪市集
時間: 下午12:30(年初四及年初八除外)及3:30 (每節約10分鐘)

2018特快購票套票 
由2018年2月16 日至2018年3月2日,特別推出限時「2018特快購票套票」優惠。以港幣$550購買套票,可選擇「360全年通」,全年暢搭纜車,或 來回纜車連價值 $50之購物及飲食現金券,更可尊享特快購票、升級單程水晶纜車及昂坪市集三大娛樂景點門票!

網址
https://www.np360.com.hk

(以上資料更新至文章當日)

【親子好去處】D . PARK 愉景新城 咚咚仔小狀元陪你迎新春

新年就到,各大商場又五花八門,攪Lee攪Lo!我哋啱啱去完 CANDY PARK 睇戲,出到嚟就一於應一應節,到D . PARK 愉景新城的賀年Booth「咚咚仔小狀元陪你迎新春」玩玩。

今年大玩狀元主題 (Marketing真係知各位呀媽心意,捉到佢哋個心諗緊乜) 問佢哋有咩新年願望?就梗係考到好小學好中學好成績,就可以大覺瞓!正所謂「唔望嫁個好老公,只求呀仔考到好成績。」一於扮吓狀元,祈求今年真係可以高中。
雖然我本人就唔太鼓勵係咁谷學業,因為細路仔應該有個屬於佢自己的童年,不過都係商場賀年活動啫,就去應應節玩吓扮狀元,唔好太認真。

記住先望望狀元服借用時間,唔駛一場嚟到撲個空。(最好去前再望望官網或電話查詢)
兩個著言狀元裝,就係祈福許願啦!

兩個坐低諗咗諗,就各自拎起支筆起勢畫,都唔知佢哋許咗個咩願!

做呀妹嘅,就預咗佢裝呀哥寫D乜啦!哈哈~

 

有 咚咚仔 或 Ah Mei 可以揀

「做超人?」….原來唔係呀哥的願望咭

 

 

寫好之後就行埋去掛上去,即使唔係心想事成,都俾佢哋一個立志機會也不錯,做人冇目標同條鹹魚有咩分別。

 

 

跟手欣賞吓早前利是封設計比賽的親子組及小學組得獎作品

佢哋兩個 Taste 都唔錯!我問佢哋覺得邊張最靚,都係同我諗嘅一樣!

太攪笑了吧!真係有個「狀元轎」,即係上轎出發上京去考狀元lu

 

其實佢哋如果加埋撇鬍鬚,都幾似財神㗎喎!哈哈~

嘩!呢張啱哂新年用嚟 Whatsapp 俾大家。

最後當然要同主要場景打番張咭!

呀劍萬帥祝大家新一年「身體健康、學業進步、減肥成功、準時收工…」

 

Photo by CANON 5D Mark IV, Len | EF 16-35mm f/2.8L USM
想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

呀劍評分: 8分
呀劍評語: 扮職業經驗多的是,但係扮狀元都係第一次,著上狀元裝感覺又幾得意可受,大家不妨新年過去玩玩扮扮狀元打打卡。

【我要做小狀元 拍住咚咚仔咕咕貓影相】
Donut & Ah Meow 化身成小狀元同大家拜早年! 祝願小朋友個個精乖伶俐、學業進步,做個開心小狀元,即日起至3月4日,D.PARK 金榜小狀元Donut會介紹狀元歷史同有趣典故,小朋友仲可以免費著小小狀元服,喺新春佈景前影靚相留念,享受高人一等嘅狀元體驗!

日期:即日至3月4日
星期一至五 下午3時30分至6時30分
星期六、日及公眾假期 下午2時正至7時正

地址
香港荃灣青山公路荃灣段398號D.PARK

網址
http://www.dpark.com.hk/

專頁
dparkhk

查詢
2940 2822

(以上資料更新至文章當日)

【親子好去處】D . PARK 愉景新城 咚咚仔小狀元陪你迎新春

新年就到,各大商場又五花八門,攪Lee攪Lo!我哋啱啱去完 CANDY PARK 睇戲,出到嚟就一於應一應節,到D . PARK 愉景新城的賀年Booth「咚咚仔小狀元陪你迎新春」玩玩。

今年大玩狀元主題 (Marketing真係知各位呀媽心意,捉到佢哋個心諗緊乜) 問佢哋有咩新年願望?就梗係考到好小學好中學好成績,就可以大覺瞓!正所謂「唔望嫁個好老公,只求呀仔考到好成績。」一於扮吓狀元,祈求今年真係可以高中。
雖然我本人就唔太鼓勵係咁谷學業,因為細路仔應該有個屬於佢自己的童年,不過都係商場賀年活動啫,就去應應節玩吓扮狀元,唔好太認真。

記住先望望狀元服借用時間,唔駛一場嚟到撲個空。(最好去前再望望官網或電話查詢)
兩個著言狀元裝,就係祈福許願啦!

兩個坐低諗咗諗,就各自拎起支筆起勢畫,都唔知佢哋許咗個咩願!

做呀妹嘅,就預咗佢裝呀哥寫D乜啦!哈哈~

 

有 咚咚仔 或 Ah Mei 可以揀

「做超人?」….原來唔係呀哥的願望咭

 

 

寫好之後就行埋去掛上去,即使唔係心想事成,都俾佢哋一個立志機會也不錯,做人冇目標同條鹹魚有咩分別。

 

 

跟手欣賞吓早前利是封設計比賽的親子組及小學組得獎作品

佢哋兩個 Taste 都唔錯!我問佢哋覺得邊張最靚,都係同我諗嘅一樣!

太攪笑了吧!真係有個「狀元轎」,即係上轎出發上京去考狀元lu

 

其實佢哋如果加埋撇鬍鬚,都幾似財神㗎喎!哈哈~

嘩!呢張啱哂新年用嚟 Whatsapp 俾大家。

最後當然要同主要場景打番張咭!

呀劍萬帥祝大家新一年「身體健康、學業進步、減肥成功、準時收工…」

 

Photo by CANON 5D Mark IV, Len | EF 16-35mm f/2.8L USM
想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

呀劍評分: 8分
呀劍評語: 扮職業經驗多的是,但係扮狀元都係第一次,著上狀元裝感覺又幾得意可受,大家不妨新年過去玩玩扮扮狀元打打卡。

【我要做小狀元 拍住咚咚仔咕咕貓影相】
Donut & Ah Meow 化身成小狀元同大家拜早年! 祝願小朋友個個精乖伶俐、學業進步,做個開心小狀元,即日起至3月4日,D.PARK 金榜小狀元Donut會介紹狀元歷史同有趣典故,小朋友仲可以免費著小小狀元服,喺新春佈景前影靚相留念,享受高人一等嘅狀元體驗!

日期:即日至3月4日
星期一至五 下午3時30分至6時30分
星期六、日及公眾假期 下午2時正至7時正

地址
香港荃灣青山公路荃灣段398號D.PARK

網址
http://www.dpark.com.hk/

專頁
dparkhk

查詢
2940 2822

(以上資料更新至文章當日)

【親子好去處】CANDY PARK BY CINEMA CITY @D . PARK 愉景新城

全港首間兒童主題影院 ─ CANDY PARK BY CINEMA CITY登陸 D‧PARK愉景新城,我呢個爸咁好電影,今次仲要啱哂呀哥呀芊,可以率先嚟試片,點可以錯過呀!等呢兩位用家分享下睇後感啦!

就喺童趣森林裡面的 CANDY PARK,早在上年12月就開始試業,來到今天2月9日才正式開幕。這是首間兒童主題影院,以樂園式的風格設計,裝潢夢幻獨特,好似置身於糖果世界。

連整個售票處都設計到好似一個蛋糕咁樣!我突然間諗…唔通仲會繼續有下一間兒童影院,以其他Park做主題? 即刻腦裡浮出一大堆乜Park勿Park,自己諗到CAR PARK笑咗,可能全部兒童座位設計到好似一架架跑車咁。

影院門外有隻招牌Bear,一於打打卡先!

晨早溜溜來到,大閘都未開!

入到場內先看見顏色好Warm的小賣部,果然係兒童主題影院,因為有提供兒童套餐同埋家庭套餐,而且爆谷仲有多款味道揀(一陣再介紹)。

旁邊仲有夾公仔機,入到嚟戲未睇,先俾佢哋夾住去玩咗兩次,當然夾唔到啦!有埋自助「唱錢」機,包你冇藉口就「唱」唔到錢。

(相就冇影…傷心事唔想記住,想睇佢哋點夾公仔就到最尾睇片啦!)

 

入場睇戲先度度高先!仲記得自己細個入場睇戲,當時啱啱實施電影三級制,我記得去睇二級戲都要俾人證先入得去。

CANDY PARK設有5個影院,影院1-4為傳統式影院。

 

唯獨影院5有特別為小朋友而設有兒童座椅及家庭座椅,而且又紅又綠,小朋友坐上去未睇戲先興奮。

 

 

第一排的梳化座椅同大屏幕都有一段距離,而且屏幕都沒有很高,所以都唔會話要抬高個頭去睇得辛苦。

特長設計嘅小童座椅及小童扶手椅,無論係大人定小朋友瞓上去都可以超嘆咁睇電影。後排的家庭座椅,買飛時要打孖買,就算拍住拖嚟睇都OK架。

睇吓呀妹坐上去己經舒服到要扮個瞓覺Pose俾我影相,可以知道有幾舒服,真係唔怕套戲唔好睇,至怕連好睇嘅戲都因為張梳化座椅舒服到我瞓着咗。

買埋個兒童餐或者爆谷汽水入嚟食住睇,都咪話唔嘆!點解依家D細路咁辛苦㗎!

開始放片啦!兩個即刻去咗另外一個世界,同佢講咩都聽唔到。

 

睇得咁入神都係唔阻佢哋。

 

影院5仲有個小小秘密,原來在大屏幕底下,有個小小舞台可以需要時彈出嚟,最適合大家喺度開Party包場之用。

喺影院5外面有個遊戲室(同樣提供包場服務),平時當然也開放予入場睇戲嘅一家大細。

設有豆袋、海綿積木、畫板和兒童書籍等設施,如果有小朋友睇睇吓冇耐性,最啱就係可以帶佢出嚟呢度玩吓,又或者早咗入場套戲又未開始,都同樣可以喺度打發吓時間。

 

 

 

 

頭先講過影院小賣部的爆谷有多款口味,除咗傳統味道之外,我哋仲試咗焦糖味及粟米湯味。

粟米湯味原來好好味,我哋三個食到唔停口!下次再嚟睇戲一定要叫大大杯嚟食。

俾佢哋兩個搵到 Marvel 書,本來玩玩下都要即刻坐埋一邊豆豆梳化慢慢睇。

在影院3與4之間,有另一個玩樂區,當中有兩個遊戲設施,一部足球機,同埋一個充氣保齡球!

 

 

 

呀芊係咪玩緊人肉保齡,唔係個人撞埋去D樽度囉…>.<

 

 

在影院大堂(即小賣部附近)及一直走穿過影院5到走廊最尾,都設有洗手間,非常乾淨企理!

 

 

 

Photo by CANON 5D Mark IV, Len | EF 16-35mm f/2.8L USM
想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

呀劍評分: 10分
呀劍評語: 我呢個爸爸由細到大都好鍾意好鍾意睇港產片,不過細個就要同埋D大人一齊睇戲,成日俾佢哋遮住哂,但係依家D小朋友真係幸福,仲有埋兒童主題影院,今時今日睇影真係唔駛受苦可以好嘆!幾時有成人主題影院…hehhee

【CANDY PARK BY CINEMA CITY】
全港首個小朋友主題影院,亦係愉景新城嘅第一間影院。整個影院以樂園式嘅風格設計,夢幻獨特嘅裝潢,務求打造出一個屬於小朋友嘅夢幻世界! 影廳以色彩豔麗為設計主軸,營造出兒童天地嘅風格。其中一個影廳更是特別為小朋友而設,務求讓小朋友們可以更舒服地享受電影時,又可以有特別嘅親子時光!

地址

香港荃灣青山公路荃灣段398號D.PARK愉景新城
第一層1036 – 1045號舖

營業時間
上午 9:00 – 午夜 12:00

網址
http://www.cinemacity.com.hk/

專頁
candyparkbycinemacity

查詢
2360 0910

(以上資料更新至文章當日)

【哥哥18禁】不許媽媽做的18件事 化妝扮靚也要禁?

從小到大,哥哥都對媽媽有很多「不許」…

BB時不許媽媽離開他半步,不許別人餵奶、不許別人抱,只要媽…

2-3歲時不許媽去上班、不許媽跟爸睡、不許媽Kiss爸

4-5歲不許媽睡得晏、不許媽跟妹妹睡、不許媽上夜街、不許媽跟爸拍拖

6-7歲不許媽剪頭髮、不許媽聽講座、不許媽Shopping、不許媽大聲罵、不許媽嘲笑他、不許媽變老、不許媽死、不許…加上來真的不止18個「禁」

一直以來他也很需要媽媽,可能這是男孩的特質,即使到今天將近8歲,還是這樣。

當然這一切都是愛媽的表現,他只希望自己能全擁有媽媽。不過最近他對媽媽有個奇怪的「不許」!

話說有一次要跟媽出席盛會,着靚衫化行妝是常識吧。當媽媽步出洗手間,大變身後立變美少女(弱弱的說),這時侯哥哥不知從那跑出來抱着媽媽,用憤怒的眼神命令她卸妝。

究竟係咩玩法?係哥哥覺得媽媽化妝就等同「壞女人」,還是怕媽化妝後變得大靚,容易給別家男人搶走?

從來哥哥不論看見電視機熒幕上的明星、學校的女老師,甚至是自己的表姨們及伯娘,看見她們時很明顯知道她們也是上了妝,但依然是大讚她們很美很美。難道就是只有媽媽不能化妝?這是甚麼奇怪的邏輯?

當下哥哥一直在嬲,媽媽都不知應如何處理,若卸下妝又不知如何出席盛會,但不理會他又覺得他很可憐,你問他為何不許媽媽化妝,他又說不出為何,只是一直回答「就是不想」「就是不喜歡」,這個媽在這種情況以下,居然還狠心地要跟哥哥拍下張Selfie (明知後果就是哥大喊一場)

當然如我所料,最後媽媽安撫哥哥後,把妝減少一下便出門。後來問哥哥禁止媽媽化妝的因由,他仍然是回答相同答案,他就是千萬個不喜歡。依我看來他還是喜歡最原本的媽媽,從小出世看見的媽媽,他接受不了媽媽以另一個形象示人,化了妝的媽尤如變成了另一個人,感覺很陌生。

想到這裡,突然覺得哥哥有這份純真,實在很可愛,爸也希望你能夠保持這份純潔及真摯。當然將來你長大以後,也就會漸漸明白化妝這回事,及慢慢會接受媽媽化妝這事情 (其實甚少這情況) 原來媽媽是哥哥心中的女神,所以需零污染、無添加、毋需化妝也已經很美。

當媽媽仍在自我陶醉中,相隔一天後公公婆婆在場,再次提起這個話題,於是再問哥哥為何介意媽媽化妝,但不介意伯娘化妝 (伯娘本身很美),他竟然回答「因為伯娘很靚喔!」

全場突然來了片刻寧靜,請問他言下之意,如何解讀…^>^

(以上資料更新至文章當日)

【賽車主題餐廳】Speedway Diner

又有新場啦! 位於九龍城廣場的Speedway Diner,集賽車及美食於一身的親子餐廳,可以算話真正的親子餐廳,點解? 因為大人同細路都可以一齊玩。但係點解賽車唔係搭美女嘅?!

Speedway Diner就開店於九龍城廣場四樓,只要一入到商場直上到 AEON 樓上,一上完扶手電梯望過對面就見到,佢面積差唔多佔咗全層1/3。
開店只係兩個多月,由於每日入場人數超爆,所以依家早上10:30就開店。
在店門口招牌底下就放咗架小賽車,可以俾朋友們打咭任影。

 

店內環境超大,空間感十足。

 

負責人話佢哋最注意的就係「賽車道上的安全」,不論賽車本身的防撞設備,以及小朋友配戴的保護措施,都非常謹慎去挑選配置,以避免有任何意外發生。

再加上一入場就會見到這個大大塊的「安全使用守則」,真係冇藉口話睇唔到!哈哈~

旁邊仲有好多部夾公仔機,每部收費3枚代幣(每枚代幣價值$2)。

再行入去就會見到點餐區及其他餐枱。

環境好乾淨好整齊,餐枱都係圍住整個賽車區,小朋友玩車時,家長可以好放心喺度食嘢!

餐廳最內位置竟然仲有個遊戲玩樂區,有扑傻瓜、夾珍寶珠、推氣墊球及射籃球機。

這個可供4個人同時玩的氣墊球機,如果玩起上嚟必定好刺激。要5枚幣,即係$10一局

仲有超好玩嘅籃球機,只係要3枚幣,即係$6一局

扑傻瓜都係要3枚幣,即係$6一局

雖然係一間餐廳,不過未食嘢前都係先講番主打的賽車

賽車道旁邊有Locker可以俾客人放行裝

賽車分有 2 款,包括Crazy Cart 每節 6 分鐘 $59 (身高 >120cm),以及 Crazy Cart XL 每節 6 分鐘 $69 (身高 >140cm),基本上成人及小朋友都玩得。

不過兩款賽不能在同一時段進行,即小朋友若玩緊Crazy Cart,大人想同一節一齊玩就只可以坐Crazy Cart玩,不能坐Crazy Cart XL。

職員先幫哥哥戴上保護裝備

 

玩車前戴頭盔是常識吧!大人都要戴,甚至見唔到的頭盔都要戴定呀「我未玩過㗎!」哈~

開始之前要先度度夠唔夠高玩先 (呀芊未夠高,所以今次冇預佢)

轉個頭坐埋上車,先聽職員細心講解賽車控制的步驟及注意安全的地方,不過我看哥哥眼神空洞,應該只係一心想快D踩油門衝出去。

 

整個餐廳佔地 13,316 呎,但係成個賽車場約佔 7,000 呎,都差唔多成個餐廳的一半。

 

終於踩油出發啦!

哥哥首圈先龜速試試,識得半踩油門都幾叻。

 

完成一個圈之後,哥哥開始發力,越行越快。

 

 

 

一入直路就Dump得特別快

賽車本身仲有支飄移桿,輕輕提高就可以來個飄移,不過其實賽車本身的軚盤靈活度很高,基本上唔駛用飄移桿都已經足夠入彎。

 

職員話飄移桿其實用嚟玩花式多!當然我都叫哥哥試幾下俾我睇,佢飄移就飄唔到啦,不停咁自轉轉到頭暈佢就做到,想知就睇片啦!

睇咗哥哥玩咁耐,當然我最後都有落場同佢一齊玩啦!

玩完之後我哋就開餐啦,咪以為人哋都係主打賽車,食物質素就會求求其其。我哋叫咗兩份餐,真係好好味道,唔錯唔錯!

先點個兒童套餐 (有卡邦尼鮮蝦長通粉、黃金雞寶、意式油醋沙律) 當然有很多選擇,「咩料」可以睇文末。

我就點咗個「賽車手套餐 Racer Combo A」(有芝士牛肉漢堡、意式油醋沙律、香脆洋䓤圈及拉絲芝士棒)

哥哥好少見到食物會食個不停,咁大家就知有幾好食!

老細仲專登介紹我飲呢杯花生醬奶昔

味道真係好特別,原來花生醬可以做奶昔!
食飽之後我哋就玩下其他遊玩設施,先到自助代幣兌換機,只要投入硬幣秒間就會自動跌出代幣,整間餐廳設有兩部。

 

 

 

 

 

 

 

 

咩都玩過下,都只不過用咗$50,最後哥哥點都想試下玩一次夾公仔,不出我所料,一夾起隻狗公仔,行咗幾cm就跌番落嚟,仲要差少少就可以中。之後哥哥叫住我俾佢試多次,我冒住無底深潭的危險,俾佢試多一次…

點知真係俾佢夾到喎!精采片段就睇片啦。

 

 

Photo by CANON 5D Mark IV, Len | EF 16-35mm f/2.8L USM
想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

呀劍評分: 10分
呀劍評語: 有得賽車又有得食嘢!真係無得嘆!小朋友玩緊大人仲可以慢慢嘆,而且嘢食仲好正,真係值得再嚟。

Speedway Diner 簡介
An American diner where you can enjoy traditional diner-style food and race against your friends in special drifting karts!

地址
九龍城廣場4樓406-410號舖

營業時間
星期一至五 11:30am – 12am
星期六、日 10:30am – 12am

收費
Crazy Cart 每節 6 分鐘 $59(身高 >120cm)
Crazy Cart XL 每節 6 分鐘 $69(身高 >140cm)

Facebook
https://www.facebook.com/pg/speedwaydiner

查詢
2718 2272

(以上資料更新至文章當日)

【親子好去處】BALL ROOM

邊個話小朋友唔玩得大人場!今次就同兩個細路去咗開業有一年多的BALL ROOM,除咗荔枝角分店,喺觀塘仲有兩間店設不同主題,裡面有各樣得意好玩的遊戲,其中一樣仲有今屆冬季奧運會新增的冰壺遊戲,大家不如今個新年考慮下一家大細嚟呢度玩番日啦!

BALL ROOM在香港已有3間店,今次去到位於觀塘的2間店,一間位於駱駝漆一座,一間位於永興工業大廈(The Wave側)
我哋先到永興工業大廈的BALL ROOM玩玩,其實每個BALL ROOM都有一個Signature的遊玩設施,這個桌上足球POOLSOCCER®就係觀塘1店的生招牌
玩法就同美式桌球一模一樣,只係唯一唔同嘅地方係用腳踢取代用Q棍。
遠睇又真係幾似一粒粒桌球
開局啦! 呀芊一腳踢散前面堆波
但係呢個呀芊唔跟規矩,踢踢下變咗帶波去到洞前先踢…很正常吧! 哈哈~
喂…做咩事,呢位大媽當這個洞是上厠所嗎?
跟住到哥哥施展一下球技 (佢唔大腳踢咗上天花板已經算係咁)

玩玩吓就變咗亂踢一通,這是常識吧!

估唔到最後留低喺度玩的係呀芊,佢真係好鍾意踢波,係時侯要培訓佢對甲組腳

 

哥哥走咗玩第樣,呀芊自己包咗個場任踢
正所謂「出得嚟玩,預咗要執」我呢個嚴父當然教小朋友要玩完執嘢,有錢大哂咩。
第一次玩這個POOLSOCCER®真係覺得好好玩。
哥哥之所以踢踢下走咗去,原來佢特別鍾情於篤波,真係估佢唔到。

其實以往舊屋企會所有一枱桌球,唔知係咪細細個手抱已經接觸,所以大個之後雖然冇咩點玩,但係一見到已經好興奮,未打機前幾乎都黐住張波枱。

姿勢當然有待改進

幸好美式規矩比較容易玩,若英式的話可能佢打成個鐘都未入到一粒

觀塘1店這裡還設有一個桌上沙壼SHUFFLEBOARD,要嚟的冬季奧運會加入咗呢個運動,一於俾小朋友先認識下,到時睇比賽佢哋就會有興趣D。

 

睇落好似好易,但係都真係幾難玩,幾乎下下都太大力推咗落坑

 

真係好奇怪,推極一次都唔中…唔係落坑就係唔入圈,如果練熟咗個Game最啱用嚟喺呀囝呀囡面前表演。

BALL ROOM有好多Board Game,同埋場地空間好大,有足夠空間同班朋友慢慢玩。

我最鍾意同小朋友玩Board Game,因為玩嘅時侯可以同小朋友有很多的互動,確係一個超級好的親子時間。

近期哥哥愛上咗玩 MasterMind,但係次次都只係鍾意做出題嗰個>.<

最後臨離開前先至開部PS4俾佢哋玩,因為明知如果一開始就打機,其他嘢就唔駛玩。

開咗隻街霸V俾佢哋玩,打得佢哋幾咁緊張!因為哥哥都試過喺商場活動度玩過下,所以係咁咦都識得出波同AllUGet

為免令媽咪覺得打街霸係教壞細路,所以我就話呢個唔係打交Game,只係切磋武功,點到即止,哈哈~

離開咗永興工業大廈的BALL ROOM,我哋再去駱駝漆工業大廈另一間BALL ROOM

這裡的Signature Game係桌上冰壺CURLING,仲係今屆冬季奧運會新增設的運動項目。

整個賽道非常之長!每個冰壺都超重,千祈唔好走去嘗試拎起佢,如果唔係一陣閃親就弊傢伙。
玩法好簡單,只要大力將個冰壺推到分數圈內,累積分數最高就贏啦!
這個角度望過去都幾有型
我哋分好咗男子組及女子組對決,喂!唔公平喎,兩個男仔都咁大個。
男子組傾盡全力將冰壺推出去
一時失手跣低咗…

女子組唔駛睇都知道贏定輸!

呀芊一推就真係推到去分數區,太攪笑了吧!
班男仔即刻投哂訴!算啦,算啦,呀芊咁細個就讓一讓下佢啦!

挑戰完冰壺之後,我哋去到隔離的電流捧 ELECTRIC ROD,我細個成日睇一個日本節目玩電流棒超好玩,所以今次好期待可以有得玩。

不過連老闆都話其實轉得有D快,佢自己都係試過一下成功完成3-4次。

兩個男仔對電流棒都好有興趣。

當然佢哋都係好快就撞到邊邊響鐘啦!不過難度咁高,佢哋每過到其中一關都已經要拍爛手掌鼓勵。

小朋友每撞到一次就原地繼續再玩「無限Continue」。

 

呢個彈弓旋轉型機關真係難度4星!

真係唔交代清楚,以為哥哥真係可以由頭玩到尾咁勢利。

之後我哋再玩呢個好似輪盤的遊戲,叫做「旋轉層層叠」

成張賭枱咁究竟係點玩法,原來個圓台會自動轉動,玩家每次拎出籌碼叠上去,其後玩法就如層層叠般,冧落嚟就輸啦!

 

揀最輕的$10籌碼就最醒!

 

估唔到玩咗幾次,都係哥哥輸,呀芊都幾勁喎。

遊戲簡單又好玩抵死,最啱成班朋友,甚至小朋友一樣都啱玩。
亦設有電子飛鏢靶,可以同小朋友來一場對戰賽。
這裡除了有PS4這些電玩外,仲有個街機模擬器用Joystick玩。老闆教佢哋那個掣是輕拳那個是重腳,我看都是嘥氣吧!佢哋最後咪又係亂打。

 

 

 

 

 

 

 

 

 

Photo by CANON 5D Mark IV, Len | EF 24-70mm f/2.8L USM
想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

呀劍評分: 10分
呀劍評語: 一直冇諗過上樓Party Room可以啱小朋友玩,以為必定係麻雀耍樂咪霸地頭。原來可以一樣有遊樂設施適合一家大細一齊玩。新年就到,大家快D包場上去玩番晚啦!

BALL ROOM 簡介
BALL ROOM的設計以美式工業風格為主體,是香港一個提供多元化娛樂活動的場所。場地佔地約2,200呎,全場開放空間,最多可容納70-80人娛樂狂歡。場地設施包括:人氣大熱運動「POOLSOCCER®」、星際氣墊球、桌上沙壺、標準美式桌球比賽枱、Dartslive 飛標機、過百寸大屏幕投射機、燈光及音響系統、 48吋大電視、PS4遊戲、大量卡牌及棋類遊戲等。 此外,我們亦設有i-Cable及NOW TV 直播足球賽事、包場派對及代訂餐飲到會服務等。一個地方享受全方位優閒及娛樂服務,是公司活動、家庭聚會、良朋歡聚、悠閒玩樂不二之選。

開放時間
12:00 NN – 12:00 AM 『敬請預約』

地點
觀塘 (KT1) 觀塘興業街14號永興工業大廈12樓C1室
觀塘 (KT2) 觀塘開源道62號駱駝漆工業大廈1座10樓A室

收費 觀塘 (KT1) 

收費 觀塘 (KT2) 



查詢電話
5405 4579

電郵
info@theballroom.com.hk

網頁
http://theballroom.com.hk

(以上資料更新至文章當日)

【親子好去處】童年共學原地 Heart Space Childhood

華德福由哥哥出世到依家都會周不時聽見同認識一點點,今日帶小朋友到林村的一家幼兒園走走玩玩,同負責人邊講邊玩再知道多一點,我都好希望這個理念能不多不少影響香港的傳統教育制度。

童年共學樂園是一所華德福幼兒園,提供常規課程、工作坊及些藝術節慶活動等,仲有不定期舉辦園遊會。這裡是一個共學小天地,今次前來參與兩個工作坊活動,有土窰Pizza 及札染布Workshop,跟平時去的農場菜園又有唔一樣的感覺。

幾個推崇華德福教學的媽媽合辦呢一個共學園地,希望可以俾同樣唔希望自己小朋友在傳統教學下成長的家長,帶同小朋友一齊喺度享受共學之樂。

其實地方就同普遍見到的三層丁屋一樣,屋前有一大個園地,設有些遊樂設施(部份還在進行施工) 兩個一嚟到就即刻喺大草地度掘沙同打韆鞦

我就先入屋睇過,粉紅色牆加上全部玩具設備都係木製,一入嚟個感覺已經超 Warm 非常舒服。
善美姨姨仲佈置咗一個好溫暖的娃娃家,俾到場學習的小朋友一個小天地

開放式廚房,可以製作午餐及方便各樣活動及工作坊進行

環境真係好安靜好舒服,幾乎除咗小朋友歡笑聲,其餘就聽不到任何聲音,好似世界呢一刻停頓咗,今日唔駛趕時段、跑景點、排隊玩,安安靜靜輕輕鬆鬆咁,就處於這裡慢活一個下午

呀哥、芊芊同埋表哥已經自動波咁周圍玩,呢度沒有太多的玩意,但剩係呢個韆鞦已經夠佢哋玩到唔捨得走。

整個韆鞦都係人工親手造,每塊坐板都高低不一,傾斜角度又不一樣,佢哋玩到可以自創花式,瞓哂喺度咁玩都得。(韆鞦好穩陣,大家可以放心)

 

呀芊已經唔係坐喺度玩。

玩玩下攪到左右打圈搖…

真係冇佢哋修…當然太危險時我都有叫停佢哋。

不過呢種歡笑聲同埋見到佢哋玩到咁開個樣,就無所謂啦!

我哋冇一定的時間開始,只係俾小朋友玩到夠,又差唔多時間肚仔餓,呀芊就喺屋裡面搓麵糰準備定做 Pizza的材料,

 

 

兩個男仔就在外面鋸木斬柴預備定土窰火爐起火用的柴枝

善美姨姨先示範咗一次俾小朋友睇,跟住佢哋就拎起小鋸開工了。

哥哥第一次拎起把鋸去鋸木,起初都有D擔心,因為一向論論盡盡唔諗後果嘅佢,次次都總會有幾次大鑊嘢發生。

 

確實有陣時要相信孩子,放手讓他去作,不過話口未完呢個呀哥一鋸到攰攰地冇咩力,跟住就忘記哂善美姨姨教的姿勢,求求其其跪喺度用手扶住就鋸,所以放手還放手,都係要喺側邊旁住,哈哈~

平時玩起上嚟傻傻更更,瘋瘋癲癲咁,估唔到兩老表一齊認真地鋸木時,都幾 Man 㗎喎!正所謂男人的浪漫,如果依家有碟豆腐火腩飯食就真係 Perfect Match 囉!

呢頭講完男人的浪漫,嗰頭呀芊搓完麵糰,就走埋出嚟一齊鋸!反而呀芊鋸得有板有眼,有姿勢有實際,鋸得仲快過兩個男仔!

 

估唔到今日做 Pizza 前都來了個小體驗 (其實之後無論做 Pizza 或者玩札染布,佢哋一有時間就走出去鋸木,話要做一個玩具俾自己)

我好鍾意呢個土窰,真係好Raw 好有特色。我哋都將頭先預備咗嘅柴枝放入爐裡面

然後一齊不斷放柴枝入去燒,等個爐可以 keep 住200度高溫,先可以放個 PIzza 入去焗

 

等緊個爐慢慢燒,小朋友又把握時間去玩

 

 

周不時哥哥就會番嚟睇一睇個火,幫手加一加柴枝,有陣時個火會熄咗,我哋就幫忙一齊撥番起個火

同時屋裡面媽咪同呀芊就繼續準備做 Pizza 的材料

全部都係即時製作超級新鮮㗎!

粉糰都已經發起了,小朋友齊齊各就各位,開始抹少少麵粉喺枱上面,開始要製作自己專屬的 Pizza

 

 

呀芊搓嘢手勢真係有番兩度,就算唔食得都睇得下。

兩個男仔就好似以為自己喺度玩泥膠咁

究竟呢餐靠唔靠得住呢?

 

 

 

大家都搓得7788,開始都有個餅型!

 

用刀小心批走多餘部份

 

呀芊呢條係咪丹麥條呢…

可以開始加料啦,班貪食鬼梗係有幾多加幾多。

 

呢種咁悠閒的生活真係我夢寐已求,小朋友可以專心做自己喜愛的事,沒有忙忙碌碌,沒有限時限刻,更沒有功課壓力,如果條件許可我都好想自己小朋友接受呢種教學模式。

 

小朋友親手將 Pizza 放入土窰中燒

有少許空檔時間,呢班細路又走番去鋸木揼釘,因為佢哋好想自己親手造一件玩具俾自己

 

 

放喺土窰裡面燒,唔知係我唔為意,定係真係燒得好快,真係好快就燒好出嚟,可以開餐啦!

芊芊個丹麥條 Pizza 有D燶燶地!不過佢都好開心,因為係自己親手做。

另外媽咪同芊芊都做咗一個長方形的 Pizza,就放咗入去焗爐焗。

色水一定點都好過入土窰燒的,不過土窰燒出嚟嘅 Pizza 就真係好香!

善美姨姨仲煲咗蕃薯糖水俾我哋,D蕃薯仲係隔離屋 Auntie 塊菜田新鮮摘出嚟㗎,好好飲呀!

個個都食到 LamLam脷!

 

食完又開工,今日原來只預期小朋友鋸柴枝去燒火,依家反而變咗主要項目

 

睇住佢哋係咁鋸鋸鋸,就覺得佢哋好 MAN,好男人喔!

最後從屢次失敗又成功,終於做出屬於佢自己的玩具船 (無錯,佢話係一架船,哈哈~) 點都好啦,始終佢都獲得好大滿足感。遲下有機會再帶佢哋嚟製造木製的玩具車 (因為都要花一整天去完成)

呀芊一於少理,男生們去咗鋸木頭,佢就繼續玩韆鞦。

 

女生始終都係女生,仍然喜愛玩這些小玩意

在下一個活動未開始之前,大家都在屋內玩玩

敲敲這個小木琴,跟普通塑膠截然不同,敲出的琴聲都超清亮

 

 

 

不知在那拿來一個小木製熨斗,女生就是喜愛做家務,為何媽咪不是這樣

 

細細個訓練多D,記住大個要識做至好。

最後善美姨姨預備好一切材枓,我哋又再圍埋一齊去做札染

大家小朋友都先揀一塊小布,然後用雪條棍同橡筋將不想染色的部份夾好

小朋友都專心聽姨姨講解

 

哥哥大功告成

我都做好咗一個!

顏色都已經預備好,不過只有哥哥一個留低繼續染,另外兩個夾好布之後,已經又走咗出去玩

 

好靚呀!

大家都染得好靚,每人都可以擁有一條自己的手巾仔,下次有機會再試下其他色先!

差唔多日落時後,我哋跟住善美姨姨到隔離鄰舍家外,的菜田採摘農作物。呀芊掹咗條咁大咁長嘅白蘿蔔出嚟喎,媽咪就喺另一邊摘咗兩大斤菜,都只不過係$30!而大蘿蔔都只係$20,好平呀!

總結全日的活動,實在慢活了一個下午,由開始到結尾,大家都沒有刻意要看鐘,很隨意的到甚麼時侯就去做甚麼,小朋友邊玩邊做,唔似平時屋企或者出街玩,成日俾媽咪嗌住個名。在童年共學原地,佢哋都可以自由自在隨意生活,「真童年 ‧ 真生活」。

Photo by CANON 5D Mark IV, Len | EF 24-70mm f/2.8L USM
想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

呀劍評分:10分
呀劍評語:華德福的教學模式的確對於我哋呢班由細到大接受傳統教學的家長們係比較難適應,但係真正認識它們的教學理念後,其實某程度上都會很認同,只不過係依家個社會教育制度越嚟越扭曲同崩壞。當然大家都要有一定的資金先可以讓自己小朋友到外國函接,不然也只能好似我咁,於課餘時侯帶小朋友接觸感受一下就是了。
地址
大埔林村 白田崗村 4A

電話
3709 2004

Facebook
https://www.facebook.com/heartspacechildhood/

(以上資料更新至文章當日)

【親子好去處】朱古力博物館 The Art of Chocolate

博物館都去得多,但係以朱古力為主題的,位於山頂廣場的這個「朱古力博物館」算是全港第一間,但係原來香港已經係第55個舉辦博物館的城巿,同埋都已經開咗一段時間,今日先有機會上到嚟玩!

講咗成半年有多,唔係撞其他活動,就撞興趣班或考試時間,好在2017前完成這個旅程,到山頂廣場參觀「朱古力博物館」。一聽到呢個名,有幾多朋友同我一樣第一時間諗起「朱古力獎門人」同「王卡衛(Willy Wonka)」,好在唔係得五張幸運金卡,而係人人都可以入去啫。

 

一去到門口未行入去,已經俾門前這副以維港做主題的巨型朱古力傑作吸引。
見未開始多人先打打咭。
掀開紅布幕進入博物館,地方不算很大
入場後先有些朱古力的製造過程及創辦人的介紹

 

小朋友看過短片先知道朱古力原來係植物可可製造而成

全文 http://bit.ly/2FCMJri

Photo by CANON 5D Mark IV, Len | EF 24-70mm f/2.8L USM
想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

呀劍評分: 7分
呀劍評語: 朱古力藝術品的確特別,只係個展館比較細,如果要專程上山頂欣賞就稍為不太方便。Workshop也尚算可以,不過如果可以讓小朋友參與更多朱古力製造過程會更「捧」!

朱古力博物館 The Art of Chocolate 簡介
“The Art of Chocolate Museum” World Tour had covered 50 cities all over the world and was attended by half a million visitors including foreign dignitaries and celebrities. The Art of Chocolate was prepared and created by professional team leaded by famous chocolatier, Nikolai Popov, who has been working with «chocolate art» more than 20 years. It’s a pure dream place for those who have ever tried chocolate and fell in love with it. Now, you can – not only taste delicious flavor of chocolate but enjoy it as adorable unique creation. Chocolate Museum of Hong Kong is always a holiday for children and adult. The exhibition presents a huge number of high quality chocolate crafted items, numerous compositions and installations, sculptures, chocolate paintings and other unique and interesting art pieces.

開放時間
10:00 AM – 10:00 PM

地點
208-209A, 2F, the Peak Galleria Mall, 118 the Peak road, Hong Kong. Hong Kong

查詢電話
2882 0488 / 5421 2506

電郵
info.theartofchocolate@gmail.com

網頁
http://theartofchocolate.com.hk

(以上資料更新至文章當日)

【親子好去處】BubbleLand

依家係要咁 Land 有咩 Land,Disleyland、Legoland,想借錢仲有WeLand…哈哈~今日同呀芊去咗個 BubbleLand。

可以叫得做 BubbleLand 當然就是有很多 Bubbles,跟很多可以製造 Bubble 的工具吧!
就在九龍灣得寶花園的牛下新城裡的 BubbleLand,繼MabaLand及Game Station,BubbleLand是室內遊戲空間 MabaLand 旗下新開的泡泡專門遊樂場。

 

 

收費按分鐘計費 (怎樣計?每小朋友入場時會獲一條手帶,手帶會先用機器掃描一下,電腦就會有記錄並開始計時)

星期一至五:小童1分鐘$1,大人$25/次不限時間
星期六、日:小童1分鐘$1.5,大人$35/次不限時間

入場會免費送上3個撈魚紙網可以撈金魚,但我個人不大支持這個小遊戲。
(註:小朋友年滿2歲才可以入場)

先換上場內提供的小外衣,避免整污糟衣服。

既然玩泡泡,順理成章就是以海洋為主題。場內地方唔算好大,一眼睇哂!不過就有好多唔好整泡泡的設施,一入到嚟大家都會先玩的就係呢個圓形泡泡牆

有工作人員姐姐會 standby 在這替小朋友拉出泡泡,一嘗被泡泡罩住的感覺

但有時都係失手瞬間秒爆!

終於影到張成功的泡泡罩相

 

被罩多次的呀芊開始覺得冇咩特別,今次試下搵手去篤爆泡泡,又試下用口吹出泡泡

旁邊有個較小的平面泡泡牆,不過拉出嚟還係需要少少技巧,不能太快也不能過慢,大家可以到最尾看看短片,非常好玩!

轉個頭來到呢個健身區,每樣健身設施同樣可以製造出好多好多泡泡

玩呢個跑步機就最吃力,因為呀芊身體唔夠重去用腳拉後履帶,不過勉勉強強還是可以製造到很多泡泡

本來今日呀芊問我去邊,問我有冇得跳彈床,我當時仲答佢應該冇…估唔到,BubbleLand 有個彈床造泡機,呀芊超爆開心,上去彈個不停,我見到佢咁跳都攰…對眼。

跳過彈床一D都唔攰,仲可以即刻過去踩單車
到場內中央區位置,有個泡泡池,可以俾小朋友放縱的造泡泡
不過小朋友還未輕易控制到吹泡泡棒,都係拎起亂揮舞動,這下附近的大人小朋友也要小心躲開喔!
終於成功製造一個大泡泡

 

 

再來呢個手交泡泡企鵝

將泡泡棒放這可以俾下面吹上來的風,製造出一個超大的泡泡
周圍都是泡泡棒,隨手就可以拎起玩唔駛排隊。

 

 

場內有個超大互動螢幕,可以將自己上色的小魚掃描入去海洋同其他大魚細魚一齊游水啦~

操作簡單,就連呀芊都可以自己拎住手上嘅畫放在熒光幕,再按下掣就輕易將畫上的魚掃描入電腦

掃描後就要去大海洋搵番自己的魚魚啦

 

似沖泡泡浴的泡泡可以喺度任玩唔嬲,我估小朋友心想,如果可以成個人跳埋落去玩仲好

 

Photo by CANON 5D Mark IV, Len | EF 16-35mm f/2.8L USM
想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

呀劍評分: 10分
呀劍評語: 小朋友玩泡泡,好多怪獸都怕污糟,怕善後,其實玩泡泡最可以訓練小朋友的創意及想像空間,而且可以滿足佢哋嘅好奇心。另外最緊要呢度可以平玩!小朋友玩成粒鐘都只係$60!一個字「抵玩」!
地址
九龍灣 得寶花園 地下 TBG mall (牛下新城) T188舖

電話
3709 2004

營業時間
12nn – 8pm

入場費
星期一至五:小童1分鐘$1,大人$25/次不限時間
星期六、日:小童1分鐘$1.5,大人$35/次不限時間

入場會免費送上3個撈魚紙網可以撈金魚,但我個人不大支持這個小遊戲。
(註:小朋友年滿2歲才可以入場)

(以上資料更新至文章當日)

【親子餐廳】Origami Kids Cafe 紙飛機親子餐廳

如果要揀親子界全年盛事其中之一,我一定揀 Origami 紙飛機親子餐廳 的開幕!這家親子餐廳無論由環境、設施至美食等各樣配套絕對係一人

由九龍灣德福有專線小巴 68號直達啓德郵輪碼頭,大家可以向前行至 Zone B 入口搭Lift直上 R層平台

如果你有車,泊好車後於 Zone N 直上 R層(留意 Zone N 是不通往地下層),一出 Lift 就見到 Origami

由於今日天氣不太好,就沒有影低餐廳外的面貌了,只送上官方美美圖吸睛

今日雖然正式開幕,但早陣子見其他Bloggers到場介紹,都已經略知一二,因為呢度嘅設計簡約自然,以白色、木色及透明物料為主調,都係我呢個木控最鍾意的。

 

先介紹呢個繪本區,原來有成幾百本中英文兒童繪本,如果等緊餐嘅時侯,過嚟親子閱讀一番就最適合不過。

繪本區以線條式階梯為設計,感覺就好似坐咗喺梯田間,坐喺度睇繪本真係感覺超舒服

估唔到呀芊一入到嚟就揀咗喺呢度睇咗陣書

定係佢仲未發現更多好玩得意嘅地方呢!?

全餐廳設計都係由陳幼堅 Alan Chan 一手辦,我讀 Design 嗰時已經聽過佢大名,同埋留意佢嘅作品,但係估唔到 Origami 先係佢第一個跟兒童有關的室內設計項目
其實餐廳屬開放式空間,中間係用餐區,其餘四邊都係兒童玩樂區,家長們可以安心地邊食邊睇住小朋友玩,不過最後當然跟埋一齊玩一齊食就最好啦,咁先算係「親子」嘛!
其實整個餐廳兒童區,都適合 0—7 歲的小朋友玩。
另一邊近落地玻璃位置係帳篷區,仲有個木屋仔可以俾小朋友有自己私人空間,入面放咗超多款外國進口木製玩具。
近年都越嚟越多家長喜愛小朋友玩木製玩具,因為比較安全又不含有害化學物質。
小屋裡面玩具仲好生活化,熨衫洗衫晾衫一條龍,仲要旁邊放住架BB車,我諗小朋友見到開心,做呀媽見到會觸景傷情吧!

 

有個帳篷放喺度,最適合一班女仔,同自己閨密走入去傾吓計玩公仔!


真係好似去咗露營咁,喺帳篷走番出嚟,仲可以嘆番個 High Tea

呢款英式下午茶真係好味 (有個女的爸爸福利:呀芊邊玩邊餵我食,我又要扮好味,但個心超甜。)

呀芊突然發現咗D嘢!

像真度極高吧!真係有個木製茶包在茶壺裡

真係玩玩具學英文!「Tea」

走到餐廳最入位置係一個大型玩樂區,有多組遊樂設施。

遊樂設施就係美國出品,Cedar Works 的原木攀爬架、滑梯,可以俾小朋友盡情咁玩。

小朋友最鍾意係拉呢個繩袋,將物件運上最高點,呀芊,你運咩上去呀?

呀芊:「BB呀!」(滴汗ing…)

 

 

不過最洗版的就係呢個兩層高樹屋,下層就係沙池,不過並非用上真沙,全部都係木粒鋪成的,木粒仲要係由韓國訂製番嚟, 係香港首次引入。

 

爬上去上層仲可以有屬於自己嘅小天地

整個區域配合埋外面射入嚟嘅光線,真係感覺好和諧好舒服!

 

在玩樂區旁邊有個 LEGO 及英文字母磁石牆

當然叫呀芊砌番自己個名,順手當練吓佢眼明手快啦

連 Origami 負責人都讚呀芊個英文名好好聽! ^>^ 這下要俾個 Credit 老婆「改得好!」

餐廳內設有洗手間,同用餐區有一段距離,非常乾淨!除咗男女厠外,仲有哺乳房及兒童洗手間,避免要小朋友同大人共用洗手間,十分周到。

 

女洗手間就唔影啦!同埋如果我影得到,你都應該見唔到我出文喇!
返回近正門那邊是廚房區,超市和廚房仿真度極高囉唔該,呀芊見到真係當自己去買餸煮飯,從未見佢玩煮飯仔可以咁開心,今次真係「芊姐去Shopping」。

 

呢兩件火龍果,連我工人日買夜買,當佢睇到呢張相知道火龍果係假之後都即刻嚇親!

希望佢大個時侯可以煮番餐我食吓啦!

在真假廚房之間的一個小空間多功能房,可定期舉辦不同的活動和工作坊,亦可包場當開 Party 用,不過今日 Grand Open,大會就安排咗導師喺度教小朋友做小手工。

 

 

好俾心機去製作佢幅小畫作
呀芊大功告成!

玩咗咁耐都係時侯番埋位,因為 Origami 的開幕儀式就快開始

枱上已經準備咗前菜及些飲品,
小童 餐具仲好得意

 

就算小朋友掛住玩唔食嘢,有呢套咁得意嘅餐具拎住,都會開心到係咁食。

呀芊話呢碟前菜嘅雞好食到不得了

 

 

難得有幸被邀請到現場一齊慶祝開幕,梗係要影番張開心到跳起嘅相,嚟形容我依家呢一刻嘅心情。

原來大家仲可以參加會員計劃,分別有 NEMO、DOLPHIN 及 WHALE 三個級別的尊貴會員

始終是一間親子餐廳,「玩」這一 Part 真的不錯,不知道「味」這方面又點呢?

其實坊間好多親子餐廳都係重「玩」不重「味」,所以好多時對食物要求都勉勉強強過得去就算數

但係紙飛機有見及此,專誠請來曾於上海小南國及出身香港米芝蓮一星酒家的修建林師傅主理,提供精緻時尚的江浙菜

不講都唔覺,紙飛機係全香港第一家以中菜為主打的親子餐廳。

 

 

 

食到好飽好飽,最後呀芊好想番去木粒池玩,所以就俾佢玩多陣先至離開

 

聽負責人講,夏天時候,戶外平台公園靠近餐廳的位置,仲會放置外國甚為流行的藍色大積木(Big blue blocks),小朋友可以自行組合自己喜歡的大型遊樂設施。
仲會貼有賽道,等小朋友可以盡情飛滑板車,而且仲會舉行親子主題的市集。嘩豐富到「貢」!

 

Photo by CANON 5D Mark IV, Len | EF 16-35mm f/2.8L USM
想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

呀劍評分: 10分
呀劍評語: 我好喜歡 Origami 的理念,「紙飛機」就是對童年來說是一種「簡單」,是一種「純粹」,不要那麼複雜,不要那麼多顧慮,自由的飛出去尋找自己的夢想。不論「味道」及「玩樂」都同樣出色,看見每位員工專心地做好每一件事情,令家長及小朋友可以享受一個難忘的用餐體驗。

Origami 紙飛機親子餐廳 簡介
以紙飛機為名,一來是因為餐廳位於前啟德機場,二來紙飛機是簡單純粹的童樂代表,藉以表達餐廳理念,希望小朋友的玩樂可以像摺紙(Origami)這門藝術一樣,返璞歸真卻包含無限可能性。

紙飛機由幾位理念相同的媽媽共同創辦,希望為自己的子女建立一個自然快樂,充滿想像力的空間,同時也為其他家長,提供一個大人和小朋友都喜歡的親子場所。紙飛機位於啟德郵輪碼頭頂層花園平台,餐廳室內面積近 4,000 呎,外加 230,000 平方呎的戶外平台公園。

地址
九龍灣承豐道 33 號啟德郵輪碼頭 B 區北面頂層(R)平台

預訂電話
6063 7470

營業時間
10am—8pm

入場費
小童
星期一至五 $138/兩小時(每小時追加$60);
週末及公眾假期 $198/兩小時(每小時追加$80)
12 個月以下嬰兒及成人免費

交通
綠色小巴 86
由九龍灣地鐵站開往郵輪碼頭。B 區電梯上花園平台層。

泊車
郵輪碼頭提供 113 個時租車位。
開放時間:由早上七時至晚上 11 時。
收費:星期一至五 每小時 $10。星期六、日及公眾假期 每小時 $15。

(以上資料更新至文章當日)

【親子好去處】Strokes HK Mini Golf 迷你高爾夫

兩個自小都跟我周圍去,參加唔同種類嘅運動,特別係打Golf,兩個特別冇興趣,但係見人玩又好想試吓,當一試打極都打唔到嗰陣,又冇哂興趣無限Loop。今日帶哥哥同呀芊到銅鑼灣 Fashion Walk 新開的 Strokes 再一次嚐嚐「嘗試 > 失敗 > 放棄 > 好奇」無限 Loop 之樂趣

新店就坐落於銅鑼灣已經優化的 Fashion Walk,現劃分為時尚生活區域 Kingston,裡面新店陸續開幕,Strokes 是其中一間。

Golf 呢個運動往往都要到外面去打,唔係咁容易方便就接觸到,雖然近年已推出些虛擬賽道的高爾夫遊戲,但是小朋友不夠力度還是很難控制。

Strokes 則以多條奇形怪狀的球道,最簡單的推桿技巧「Putt Putt」將球推入洞,雖然負責人也建議6歲或以上的小朋友較適合,不過即使比較幼小的小朋友,在大人陪同之下,還是也可以入場玩玩

我哋先入場搵個位置坐低,兩個都話有D肚餓,所以我打算先醫飽個肚再去打 Golf!

呢個位置雖然又靚又坐得好舒服,不過中間只有張小圓枱,我哋食飯就會比較辛苦少少,所以之後都係轉番去正常餐枱用餐。呢度較適合Happy Hour一齊喺度吹吹水呻呻苦!

Food and Drink Menu,想知有咩食有咩飲,可以去番官方網址慢慢睇!
https://strokeshk.com/eat/

用正餐位置不算很大,近窗邊的有沙發座,另外亦設有高腳Bar枱座及酒Bar位置,大家記住早D預約呀!

我哋點咗餐叫咗D嘢食,等嘢食空檔然後到要出去玩玩啦,喺餐廳門口原來都有一個小小高爾夫洞,可以俾大家 Warm up一下。

 

 

Set Lunch 有沙律菜跟餐湯,主菜有雞腿及豬枊,味道不錯!價錢也算中尚。

 

 

 

 

 

 

食飽飽後我哋就開始玩啦!場地共分為兩個區域 Coachella Valley 及 Palm Springs,兩個區域都分別有9個洞,以最少總桿數為之勝。

揀番支適合自己嘅球桿,我目測最短個支都適合呀芊 5歲呢個年紀(大概100-110cm高)。

如果大家真係想「鬥波」,可以在 Reception 拎番張計分咭 「9 Holes Score Card」,遊戲規則係每個洞唔可以超過6桿,其實都好難!哈哈~

 

不過各位入場志在玩玩開心下,就唔駛下下計到咁盡,同小朋友嚟更加可以輕輕鬆鬆咁玩,所以其實你就算冇打 Golf 經驗,同小朋友一齊亂打一通,都可以好開心㗎!(係隔離有勁人望住嗰陣瘀D囉)

Coachella Valley 呢邊難度比較高,不過五顏六色好鮮艷,我哋都係睇外表唔睇內涵(哈哈~)所以都係揀呢邊嚟玩先。

 

 

 

 

 

 

 

驟眼睇好似好容易,真係落到場要推桿,真係好難㗎!仲話規則係要每個洞6桿以下,邊有可能呀!

不過相比起最尾幾個洞,其實又真係已經算容易。

 

第 7 個洞好特別,一定要打到上斜中間有個洞,翻牆到隔離置。呀芊打極都打唔到,但係佢好有魏力,不停嘗試差唔多十幾二十次,終於翻到牆!佢自己都好開心好滿足。

到第 8 個洞,係一個大迴旋的球道,呀芊當然打極都打唔到,開始公主脾氣又嚟啦!就係我一開始講的無限 Loop 嘗試,放棄,又再嘗試。

跟住每個洞的旗號由 1 至 9 順序玩,直到第 9 個即最尾一個洞,球入洞後就冇得執,唔會再出番嚟㗎啦

 

 

完成一區後,又真係差唔多45分鐘,然後再過去玩埋 Palm Springs,呢邊全以藍色為主調,雖然冇大迴旋球道咁高難度,不過都有好多高高低低及障礙物的球道,又唔算話好易!

 

 

 

呢個洞如果唔小心將個球推咗落去中間圓形凹下位置,就唔知點打番上嚟喇!

最後 9 號洞都跟 Coachella Valley 的好似!最難係推到上最高平台位置,因為球道係冇邊圍住,一唔小心又會將個波推番落去由頭嚟過。

 

餐廳內有一個好奇怪嘅位置,你會發現點解無端端會放個雪櫃喺度?

原來雪櫃門一打開,裡面係個活動室,可以用嚟開 Party 或者上 Workshop,不過還在工程當中,但係都八八九九就嚟攪掂!

設有酒Bar位置

隔離亦有一個小小空間可以一班朋友喺裡面密密斟

最特別係呢個 Event Room 內有兩個獨立浴室,負責人話將來會有D Yoga 班喺呢度進行就可以使用。

 

Photo by CANON 5D Mark IV, Len | EF 24-70mm f/2.8L USM
想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

呀劍評分: 9分
呀劍評語: 可以邊飲邊食邊玩算是不錯,當然這餐廳會較適合成人享用,若跟6歲以上小朋友日間來玩玩也不錯,可以吃個午餐或High Tea消磨一個下午。

Strokes HK 簡介
Strokes is Hong Kong’s premier Crazy Golf & Lifestyle club. Experience Crazy Golf, restaurant, bar, and workshops in the heart of Causeway Bay. We offer 9,000 sqft of event space, retro lounge offering Tex-Mex menu, cocktails, teas and coffees for walk-ins and bookings.

地址
銅鑼灣Fashion Walk 京士頓街9號1樓G2-3號舖

營業時間
星期一至四 11:30am – 1am、
星期五 11:30am – 3am、
星期六 10:30am – 3am、
星期日 10:30am – 11pm

收費
Crazy Golf ticket 迷你高爾夫 每位收費$160/9洞 (45分鐘)
多用途活動室需向場地查詢

Food Menu
https://strokeshk.com/eat/

網址
www.strokeshk.com

查詢
2877 1800

備註
需要網上預約
12 月 31 日除夕營業至 2:30am,每位最低消費 $500(可用於 Mini Golf、食物及飲品),餐廳最後落單時間為 11:30pm

(以上資料更新至文章當日)

【親子好去處】禾田喜山種植園 Wadakiyama

聽說沙頭角這邊又多了一個農莊(其實是種植園),所以今個聖誕假就預約了到這個叫「禾田喜山」的種植園玩玩。「禾田」是因為這裡後山是一個梯田(梯田就是用作種植稻米),「喜山」就是負責人 Thomas 希望這個山頭能為大家帶來「歡樂」 ,因此就叫作「禾田喜山」。


我在較早時侯在網上Google Form預約了今天的參觀,現時設有10:30及13:30兩節到訪時段,而且為了保持園內體驗質素,設了每天上限100人入場。

我哋今日乘坐MTR由九龍塘到粉嶺,然後再轉乘的士($70)到塘肚村落車,大約只需用1小時多的時間,大家當然也可以在上水或粉嶺站坐 55K小巴 或者 78K巴士,於塘肚站落車,只係因為我哋前一晚較夜瞓,想小朋友早上多瞓一陣,所以先轉乘的士。
本人經驗建議搭小巴較好,因為巴士20-30分鐘一班,而且中途都好多個站可能需要半個鐘頭以上先到。

現時「禾田喜山種植園」仍在試業階段,負責人 Thomas 希望在這段時間內聽取更多不同意見,去作出更合適的改變及安排去回應客人的需要。今次前來預約時,已經跟它11月中試業時有很大的轉變。

一落車大家唔會見到任何「禾田喜山」的招牌,只會見到沙頭角農莊的大招牌

不過在「禾田喜山」的Facebook專頁已經有相有片咁教大家前來,而且在這個大招牌轉個彎,就會見到停車場「禾田喜山種植園集合處」的牌

 

 

 

差唔多時間就會有職員出嚟帶大家入去,可能你會問點解要咁轉折穿過「沙頭角農莊」先可以去到「禾田喜山種植園」?其實本身在村中有另一條小路直接行入「禾田喜山種植園」,但係因為村民不滿,而且怕有惡犬,所以暫以「友好」關係跟「沙頭角農莊」合作,借它們的路入場,同樣它們的水耕種植場也歡迎「沙頭角農莊」的遊客免費參觀

 

剛好今日途中「沙頭角農莊」是日休息,經過它們的「火車博物館」及「招財貓館」,甚少到呢個地方,一於打個咭先!

 

 

由剛才集合點行入嚟大概只需10分鐘路種,過埋呢條小橋,離遠就望見「禾田喜山」的入口

唔知點解,見到「禾田喜山」四隻字就係覺得好有日本風,兩個亦擺出一副跆拳道姿勢去影相

$40 入場費已包括購買一包洛神花茶及2張面值$10的遊戲券
滑草(3分鐘):3張遊戲券;
彈床(5分鐘):2張遊戲券;
沙池繩網(55分鐘):1張遊戲券
,然後貼上貼紙及戴上入場手帶,這個3個小孩的爸爸 Thomas 親自出來迎接各位,跟每位入場朋友講解一番及派發茶包遊戲券,真係親力親為,值得一讚。

還很感恩今天剛好「沙頭角農莊」休息,如果唔係那邊的人也可過來玩的話,就不堪設想了。因此今日天氣不錯,早上這個時段人也不多,玩得也舒服。

雖說是25萬呎,但大部份都用作水耕種植場及菇菌培植場,玩的真係一眼睇哂,最多傳媒報導的就係呢個滑草場

其餘的就只有這個沙池繩網區

及這個跳彈床區

大家如果要玩,就先要到這裡,用你手上的面值$10遊戲券,來這裡換取屬於該項活動的入場券

例如你需要現在去滑草,那就用三張面$10遊戲券去換取一張滑草券;去跳彈床就可用兩張遊戲券去換取彈床券

今日我哋一家四口嚟玩,所以入場時後持有八張遊戲券,我哋先去前枱用四張換取兩張彈床券(因為那時剛入場,大家同時湧去滑草,超級多人排隊)

相反彈床區一個人也沒有,兩兄妹包了整張彈床玩

雖然話係得5分鐘,但係職員哥哥都好好人,如果冇咩人都會俾大家跳多陣,或者遲少少先開始計時。不過5分鐘話短唔短,未夠鐘時兩個都已經跳到冇哂力…所以5分鐘認真嚟講都足夠

 

 

謝了…
還有一旦開始計時,就唔會再俾後來的小朋友加入,直至完整跳完一節,先再到其他人玩

玩完跳彈床,本想過去滑草,但眼見仍然有很多人,所以我哋又轉移陣地到沙池玩玩。呢度只需一張遊戲券就可以換取沙池券,而且可以玩成個鐘,絕對超值!不過其實沙池區都有酌情權,若人數唔多嘅時侯,其實都唔會太過強制小朋友要一次過玩成粒鐘,即使離開沙池後再番回入場也是可以的!

 

 

呢個繩網都幾有挑戰性,絕對可以訓練到大小肌肉

當大家仍在排隊滑草,彈床區又開始多人玩時,呢兩兄妹又再一次包場式玩盡各繩網跟沙池

 

 

由於沙池中有不少沙石,所以我都建議大家叫小朋友唔好除鞋玩,而且赤腳去玩繩網對腳板都幾痛㗎!

 

 

呀芊要行過呢個繩網都用上2-3分鐘時間,相反呢個哥哥一上網就轉眼到達終點,我影相都嚟唔切

唯有叫佢玩多次嚟影吓相 (因為佢不大感興趣,只想快快落沙玩)

 

仲有一排彩虹車呔,可以逐個拎出嚟玩,又或者好似哥哥咁當佢山窿捐

 

玩了一段時間,我發現滑草場終於一個人也沒有,看似大家都已被滑草耗盡了遊戲券,所以我哋就最後先過去玩。
沙池旁邊可以洗手超方便,整頓好就出發過滑草場區了。滑草需要三張遊戲券去換取,我哋頭先玩過彈床及沙池,只剩下兩張遊戲券,所以我哋到小賣站補貼$40換取兩張滑草券

呢個滑草場雖然用上真草,不過斜度長度都唔夠,但係又不得不提及呢架滑草車,佢係用上履帶移動 (即好似坦克車咁),滑起上嚟會加快速度,而且相比起滑草板來得更安全。

當然有利也必有弊,當每次滑下去後,要拖上來也相對重了些,呀芊又唔夠力拉,哥哥就冇咩問題 (對爸爸嚟講,當然不成問題)

其實三張遊戲券 玩一次 (即$30玩3分鐘) 聽起來個個都話貴,如果以一個正常媽媽嚟講,再快手也只不過可以跟小朋友玩4次,重複四個步驟

1.推 → 2. 追 → 3. 影 → 4. 拉

其實3分鐘都真係夠皮

各就各位,小朋友戴上衞生頭套,然後再戴上頭盔。

 

 

呢個就係剛才我所講的

1.推

2. 追 及 3. 影

 

4. 拉 (幸好哥哥可以自己拉,妹妹那架是我拉)

 

 

慢慢哥哥開始自己顧掂自己,媽咪負責推,我負責拍跟拉妹妹的滑草車,相信玩多幾轉等於做咗一日GYM
3分鐘話咁快就過咗,同樣少人的時侯,如果你瀡咗落去時夠鐘的話,職員都會俾小朋友拉埋上嚟玩埋最後一次
不過兩個當然玩一次唔夠喉,所以我哋再到小賣部俾 $60(2人) 玩多次

 

爸媽們為咗善用$30一次滑草時間,不惜三分鐘又落又上,希望可以限時來讓小朋友玩得最多次數,但係咁玩法爸媽們都已經累透。不過我覺得咁樣玩法,又失去咗呢度原本想為人帶來舒適自在環境的意義。
我明白種植園還在試業階段,正尋找更合適的方法去款待大家,我自己都提供咗幾個方法俾 Thomas,佢應承我農曆年過後會檢討一下,更新現有遊戲規則及增設更多設施,希望下次再嚟可以更舒服自在咁玩。
(講個秘密大家知,我已經知道出年新增咩設施啦!但係要賣個關子…好期待)

 

話說回來,大家可能睇到呢度會覺得好少嘢玩,咁仲值唔值得入嚟呢?確實,我早上10:30到,玩過園內三項設施後,大概用了一個小時到11:30。不過園內仲有「水耕種植導賞」,分別係12:00及14:30兩場,然後到15:00還有一場「蜜蜂生態導賞」,其餘時間還可到大草地玩,其實也頗充實。

距離「水耕種植導賞」仲有少少時間,我哋就在周圍附近影影相。

呢兩個一紅一藍大風車,是「禾田喜山」的地標,不過在另一個農場也有相似的。

 

 

打過咭後,還有少許時間才開始水耕導賞,我哋去咗小賣部買咗兩架飛機玩具到大草地自在咁玩

小賣部除咗有多款玩具,都有各款飲品,波仔飯及杯麵等,價錢都相宜唔算太貴,以杯麵為例,一個只係$10都算OK啦

去到滑草場旁邊的大草地玩飛機,都有其他小朋友喺度玩集體遊戲、吹泡泡、放風箏等

 

 

 

喺呢個草地上仲種咗好多洛神花、怕醜草同埋牽牛花

 

 

 

 

 

好快就到12點正,水耕導賞開始啦,職員哥哥先給大家試食「羽衣甘藍」,原來都好好食,少少甘甘地,苦苦地,但係食落又OK接受到,不過真係好香好Fresh!原來「羽衣甘藍」仲有助抗癌、預防糖尿病、心臟病等好處。

 

 

我哋進入水耕種植場參觀,職員哥哥一邊介紹蔬菜一邊玩有獎問答遊戲,答啱咗就送手上的蔬果俾大家,令大人細路都好開心。

其中一條問題問點解樹葉上面有條白色粗粗的痕跡,全場連大人都答不到的問題,居然呢個哥哥記得上次嫲嫲講過,這是昆蟲行過的痕跡,於是就獲得一條水耕種出嚟的青瓜

 

 

兩個不停試摘不同款式的水耕菜入口試試味

車厘茄都有,又係哥哥答中問題得到的!今次只係贏在舉手快,哈哈~

 

參觀完一出嚟就係巿集,大家可以買番D農作物番屋企

特別要介紹呢支「叁和茶」,呀姨話如果係「熱」咳的話,真係好大幫助,而且最重要係只賣$5,飲落好舒服仲有回甘幾好飲!

 

大約12:30就到食晏晝飯時間,較早預約填網上報名表時,我哋已經訂購咗飯盒,款式唔算多,只有4款,但係都熱辣辣大大盒好好味。
再加埋頭先答問題得的青瓜及車厘茄,食得特別滋味!兩個快快手食完又即刻走咗去草地玩 lu…

 

 

每盒飯都會包埋一罐飲品

兩個又走番去沙池玩,仲專登走過嚟嗌我去望佢哋挖好咗個沙堆影相

 

 

因為大家都走咗去滑草同食飯,又再一次包場玩沙池。橫睇豎睇都影唔出三個沙堆有咩分別

食完飯呢段時間真係幾悠閒,因為到3:00先至有「小蜜蜂生態導賞」,所以差唔多有1小時30分鐘俾佢哋玩,我哋就成機休息下,我坐喺搖搖椅度瞓咗成粒鐘,好舒服呀!

之後到「小蜜蜂生態導賞」,由 Thomas 爸爸親自帶隊,有多個蜜蜂箱,仲記得細細個小學時侯參觀過寶蜂園,嗰陣俾蜜蜂針過一次差D冇命

 

 

當 Thomas 爸爸將個蜜蜂格拎出嚟,小朋友見到咁多蜜蜂即刻超興奮

大家只係對蜂后好有興趣,一味喺度周圍搵隻蜂后,但係邊有咁易俾你見到。仲有原來所有工蜂都係䧳性嚟㗎喎,蜜蜂的性別仲要係取決於蜂后,Thomas 爸爸話睇蜂后心情㗎咋,個精囊喺蜂后度,佢想幾時要雄性就雄性,䧳性就䧳性
最後我哋仲拎住個籃,入去水耕種植場摘菜呀

 

菜心、白菜仔、芥菜咩都有!$50一籃,睇你摘到幾多,裝得滿滿!(暫時只接受 團體朋友進場採摘)

 

親手採摘完番到屋企煮嚟食,小朋友都食得多D

 

 

 

 

 

最後玩到4:30,我哋就行番出去搭車番出去轉東鐵,依家巴士比較耐一班,相反小巴就大約5分鐘一班,不過好多都滿座,但係過咗幾班後,有一架全吉的到站,大家都上到車

 

 

如果上車前有D時間唔趕住走,仲可以落去沙頭角農莊這邊打打咭先走

 

 

 

 

 

 

 

Photo by CANON 5D Mark IV, Len | EF 24-70mm f/2.8L USM
想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

呀劍評分: 10分
呀劍評語: 種植園的設施完善,洗手間也乾淨,職員態度非常親友善親切,雖然遊玩點暫時不多,但配合導賞服務也來得充實,也有一點悠閒空間給大家,毋須跑景點排長龍玩!

禾田喜山種植園 簡介
這農地原本購入的目的是為了給爸爸退休消遣之用,因為兩父子都愛水耕種植,也注重食物安全和衛生,因此想擁有一塊自耕地。但 Thomas 認為此農地不止於此,令本身喜愛滑雪的Thomas 衍生了滑草車的念頭,再配合其他設施,希望能做到一個充滿親子及歷奇活動的種植園。

地點
塘肚坪村沙頭角公路石涌凹段

營業時間
0900-1700

收費
$40 可獲一包洛神花茶及遊戲券2張
3歲以下小朋友豁免

交通
可於上水港鐵站乘坐55K專線小巴或78K巴士,於塘肚站下車後步行5分鐘

查詢及預約
6010 5978

(以上資料更新至文章當日)

【親子好去處】DREAM ROOM 全新幼兒玩樂及派對園地

室內遊戲派對場地越開越多,由於地舖商場成日加租,近年都開始一一進駐工廈,唔怕你唔方便,最怕你貴,所以好多家長都唔介意地點唔就腳,總之有得玩就乜都得,最近去了這個位於觀塘的新場,原來又唔係太僻喎,又方便又實抵玩!

起初聽到係商廈廠廈,以為一定好難去,原來就喺apm隔離
DREAM ROOM 以日系及大自然為設計概念,大量採用森林、海洋、陸洲、高山、小木屋等自然元素為主題
大家入場前可以將行裝放在儲物櫃內(租金$20/按金$80)

二話不說,呀哥呀芊即刻除鞋跑咗入去玩

好多時兒童遊戲室,因為場地空間限制關係,好多時入場年齡限制於12歲以下一齊玩,但係其實12歲同3歲都好大差別,一齊玩有陣時睇住2-3歲小朋友同較大的同場玩,都唔好話唔「牙煙」
所以 DREAM ROOM 的概念規劃分成4區,可以照顧到唔同年齡層在不同場景裡學習於遊戲
【幼兒小木屋】適合 0-2 歲、【露營體驗區】適合 2-6 歲、
【高山車駅區】適合 2-12 歲、【海陸遊戲區】適合 6-12 歲
一入閘身處的就是【露營體驗區】適合 2-6 歲

多個小帳篷俾小朋友可以捐入去創造自己的小天地,呢個呀芊好似D汪汪狗咁,走入去霸番個地盤先

枱上面仲有多款唔同類型嘅玩具同 Board Game 任B選擇

D玩具「堅」唔係「流」喎,枱上面全部都好益智有助小朋友動動腦筋,促進思考及腦部發展

如果大少少嘅小朋友覺得唔啱玩,木架上仲擺放着好多款 Board Game 你仲夠膽話唔夠玩?

呀芊設計了獨一無二的「林亞珍」眼鏡

而呀哥就設計咗隻唔知係」雀」定」龍」嘅機械人

另一邊牆上安置了許多玩具齒輪,真係要動動頭腦,真係可以一個拖帶所有齒輪推動

【高山車駅區】適合 2-12 歲,真係可以話係「火車王國」因為房裡面有多條木製路軌,俾小朋友自主建造自己喜愛的路線

仲有想攪Party活動包場都得,因為地方夠大,又有獨立房間,連開放式廚房都有

【海陸遊戲區】適合 6-12 歲
呢個以海陸為主題的波波池,有成千呎咁大,上下兩層遊戲架!仲有氹氹轉飛船,超好玩!

最吸睛不過一定係波波池中的氹氹轉飛船

想瞓喺上面等人推…得

想落地推人哋…又得

最後家長最擔心的清潔問題,以前聽唔少人講,就係話波波池其實可以好污糟,但係依家已經冇呢個講法,因為見到 DREAM ROOM 特意採用「ZOONO」生物科技消毒及專業消毒洗波機,如果講到明就一定可以放心玩

呢個瀡滑梯仲要好刺激,唔同出面其他場地的「絕」住哂,我都知「絕地」係會「無事」但係一D都唔好玩嘛。有見及此,老闆都要做條斜D夠好玩的瀡滑梯

仲有幾支發射炮在遊戲卡周圍

仲有彈彈馬玩

不過都唔及呢個氹氹轉,轉個頭又上番去俾人轉

呀芊話玩到頭痛,咁梗係啦呀小姐…

俾人推完見頭暈,都係落番地做推人嗰個

波波池兩邊都有個好特別嘅設施,一邊有屋子造型的大小洞,小朋友可以將波波掉進去,考考自己眼界

另外一邊則有大小二象,大象下有個位置可以俾人玩伏匿匿真係一流

【幼兒小木屋】適合 0-2 歲 這個就啱 BB 不過,因為絕對唔驚外面較大的小朋友衝衝撞撞,所以媽咪同寶貝喺呢度玩就最安全

其他設備都幾完善,有一個BB車停放區,大家可以放心推埋BB車上嚟玩。鞋櫃、Locker唔少得,好細心的仲有哺乳室同育嬰間,仲要有提供熱水開奶,真係餵奶換片冇難度。同時設有兒童廁所,唔駛同大人共用厠所。

Photo by CANON 5D Mark IV, Len | EF 16-35mm f/2.8L USM
想跟我去體驗其他活動,快D報名親子團,同埋留意專頁公佈詳情啦!
呀劍評分: 10分
呀劍評語: 一個充滿日系風格且木製玩具設施的遊戲室真的少見,裝潢超美,顏色配搭滿分。老闆亦認識到混合不同年紀小朋友在同一場地遊玩的危險性,特別設計了各個適合不同年齡層的遊戲區,真係貼身知道用家需要。另外各樣配套也做得很完善,地點近apm非常方便!
地點
九龍觀塘巧明街115號柏秀中心10樓全層

店舖面積
約5,000平方呎

場地人數上限
約160人

營業時間
10:00-21:30
收費

網頁

www.thedreamroom.com.hk
(以上資料更新至文章當日)

【親子好去處】西園農莊

自從上次復活節到「西園」體驗蒙古包及印第安營,一直都好希望可以快D安排到再嚟玩多次。等咗半年臨聖誕前夕,我哋終於又番嚟喇,今次除咗多咗好多全新活動,我哋仲首次感受觀星圓拱屋營區。

重覆嘅嘢就唔多講,大家可以番去爬舊文 http://bit.ly/2jO0Ssh
就可以知道點去同要留意咩!去到長洲碼頭後記住行過隔離小碼頭乘搭「華勝街渡」
同半年前天氣好大差別,今年提早入冬,撞正呢兩日寒流襲港,所以都著到成隻糉咁
不過下晝仲有太陽就特別溫暖,吹住海風又特別涼爽,真係出發先興奮

 

坐這個街渡都已經係小朋友第一個節目,兩個行到船頭,一D都唔驚跌落去,仲伸到個頭鬼死咁出睇浪
大哥!你唔驚我驚囉,我唔想跳落海救你…
最後都俾媽咪叫坐番喺度安全D
話咁快5分幾鐘就到西灣碼頭,睇番舊文就知行少少路見到牌坊同士多,上個斜唔駛8分鐘就到「西園」大門口
去到西園門前,仲見到招牌已換過,更加有中國傳統美!
我哋今日黃昏先入營,所以快快手登記辦好手續,就即刻出發去玩第一個活動(已經事先預約好)

好熟悉嘅小路,再次嚟真係好似番咗鄉下咁!上次嚟見人哋喺度整「叫化雞」,今次我都預約咗呢個活動,等小朋友體驗一下(其實我自己都未試過)
職員哥哥已經幫我哋準備好火,今次真係要掉呀仔落火坑
因為佢哋第一個任務就係要搵樹枝乾柴去燒個火
邊掉樹枝嘅時侯,要小心D煙向自己吹過嚟

 

掉下掉下都將所有預備好嘅樹枝掉哂落去
大火就預備好,只欠隻肥雞!
呀芊八八卦卦走去打開個蓋,裝下究竟係咩嚟?
當然就係我哋要一陣燒嘅大肥雞啦!估唔到由洗雞呢個步驟開始,呀媽咪好驚見到雞頭,所以就派兩個燒雞專員去攪掂佢
又係時侯講道理,當佢哋洗緊雞,就乘機教佢哋咩係「成功需苦幹」,兩隻嘢白食白住咗咁耐,今日係時侯我兩老蹺埋對手等佢哋服侍
其實隻雞都事前清潔好內臟洗乾淨,只不過想小朋友都體驗一下
不過呀芊一於少理,當隻雞係公仔咁武,先用五香粉搽勻成隻雞
哥哥就負責用刀砌薑同蒜粒

 

呀芊一邊搽雞就一邊攪隻雞,喺度用手掹開隻雞眼,重覆個動作等隻雞好似眨緊眼咁,笑死我!
雞:「你咁大力鍊住我條頸,我抖唔到氣呀!」
隻雞生勾勾嗰陣又唔見佢咁大膽,人哋死咗先至喺度攪攪震,如果隻雞突然識郁識叫一定嚇死佢
哥哥好比心機繼續砌好哂所有蒜同薑

 

呀芊搽勻五香粉之後,就要落老抽幫隻雞上色啦
一家人喺大自然森林中開心煮雞食真係好Happy
「呀芊,你想點呀!」佢話要同隻雞 K I S S,睇嚟佢同隻雞產生咗感情
然後將哥哥先前預備好的薑片蒜粒,全部塞滿肥雞裡面
見佢哋塞得咁開心,我正喺度諗不如我得閒都買隻雞番去俾佢哋玩下,玩完拎去煮嚟食
一個擘開個X,一個不斷塞蒜頭同薑入去,分工合作 ^.^
然後用錫紙包3-4層

 

可以拎過去火坑整「叫化雞」啦,其實呢味菜仲有幾個名「乞兒雞」、「富貴雞」係江蘇名菜

 

 

大家其實都可以用荷葉包,不過就會難熟D,但係開出嚟嗰陣係超香!

職員仲教我哋呢味新菜,將個洋葱掘空,然後打隻蛋入去,再用竹籤固定放落去燒
唔知效果係點架呢?! 我一定要燒到溫泉蛋咁!
放哂落去燒之後,就要起碼等成個鐘之後先有得食,呢個時侯就帶齊行李去我哋第一次住嘅觀星營! ^>^ ~ ~ ~
其實西園仲有好多唔同類型嘅營區,大家可以爬舊文睇詳細介紹

 

 

公眾浴室連洗手間,全部都起乾淨 (頭先我哋就係喺呢度洗雞~)

有汽水同零食機,當然大家都可以客務中心直接買,仲多選擇!
好興奮今次可以住觀星圓拱屋,諗起夜晚可以喺屋裡面瞓低望住個星空就開心

圓拱屋裡面好闊敞呀,足夠兩個跑嚟跑去同跳床…T.T
透明膠幕兩邊有紗簾可以夜晚拉埋佢,唔驚俾人睇蝕哂! 外面有私家獨立厠所(設有風筒)同埋戶外餐桌及椅,洗盥用品拖鞋都齊備,房內提供4支礦泉水同埋一盞手提電燈

 

哥哥呀芊一入到嚟就幫圓拱屋改咗個名做「菠蘿飽屋」,個名又幾得意好聽喎

屋頂中央位置有個抽氣裝置
休息咗一陣間,我哋又開始另外一個活動「馬騮上樹」啦! 呢個活動係今年新加的,我入營前同佢哋兩個講,佢哋都好大膽話一定玩唔會驚,睇吓一陣又會點?!
你大喊之前俾你扮下大隻佬威一威先

 

佢哋兩個身後的樹頂走廊,上次媽咪玩完都話幾驚,再下一次到佢哋高D有機會嚟,佢哋就要接受呢個挑戰啦!
戴埋個頭盔就攪掂哂,可以出發去「巨人梯」嗰邊玩啦!

 

 

 

先聽聽教練講要注意安全嘅地方,究竟芊芊聽唔聽得明?
行到棵樹前面終於開始識驚啦
我依家知咩叫「年少無知」教練問邊個想玩先,居然呀芊第一個舉手(我諗佢只係驚死蝕底,人哋問邊個想先,一貫作風都係想爭做第一個)
最細呢隻馬騮開始啦! 開始爬嘅時侯冇人夠膽出聲,就連打氣都唔敢,因為怕佢會望番落嚟仲驚。
第一眼梢番落嚟居然唔驚喎! 呢個時侯都離地有1米高架啦
真係咁勢利? (你見我影相呢個角度,其實已經有兩米多高)
呀芊,爹哋以妳為榮呀! 你居然可以爬到咁高
不過就停喺呢度啦! 佢開始面容扭曲不斷擰頭,教練同我都鼓勵佢多一陣,但係佢都話唔得!
之後就慢慢咁落番嚟! 不過全場都拍手掌讚佢好叻,因為之後有個同佢差唔多大嘅男仔只係爬到佢嘅一半咋! 呀芊爬到呢個高度係整段嘅一半,大約都有4米高,好叻豬囉

 

話咁快就到哥哥爬上去,一貫作風好心急咁已經上到頭先呀芊嘅高度(我都未嚟得切影相…)
距離搖鈴只係米半多…
順利搖響個鈴啦!! (咁快爬到上去咪好快玩完? 教練好好人的會問有冇小朋友想玩多次)
要好好捕捉呢一刻,因為哥哥又一次挑戰成功! 希望可以記錄低佢哋唔同時段的成長歷程
小朋友在這自由自在的環境下跑跑跳跳真係好享受!
西園的地方真的很大,相信玩伏匿匿可以匿埋成日都得

 

好快就天都黑哂,我哋番去睇吓「叫化雞」同「洋葱蛋」完成未!

 

洋葱皮外就梗係燶哂啦,但係掀開個蓋,見到隻蛋真係溫泉蛋,好吸引呀好正呀!!!
食入口嘅溫泉蛋好Creamy,仲有陣陣洋葱香甜,不過下次可以放番少少鹽吊味!
我哋嘅「乞兒雞」出爐啦,真係成舊石頭咁!究竟成唔成功呢?
個火之後仲可以用嚟燒下麵包燒下綿花糖咁
哥哥拎住碟大雞上去食,妹妹幫手照住條路,點知…
點解呀芊突然大叫,可能隻雞太香,有隻狗從後跟住走上嚟,嚇得呀芊急急腳走,笑死了
大肥雞上枱了
打開錫紙,一陣超雞香飄出嚟,當然有部份燒燶哂,但係裡面D肉都滑一滑,就咁搵手撕開都冇問題
雖然有一邊燶,但係另一邊就冇事,連埋雞皮一齊食,兩個食過唔停口
呢對港孩不停鬥快爭食多D,驚死蝕底
兩個食到佢哋個衰樣,咁我哋兩個點呀…咪「損」骨囉

 

用荷葉包嘅又如何呢?雖然有荷葉香,但係好似未太熟,時間要耐D

 

兩個食完仲唔夠喉,要離營到外面士多食唧唧冰

番入營再嚟個宵夜節目,就係拎住電筒去探險,其實天氣又冬又乾,昆蟲大人都番哂去冬眠
我就影到張靚相自我滿足,原來香港都可以睇到咁多星星(請抹一抹個Mon先再睇)
上次嚟西園正係入夏時,仲記得玩弓防箭時身水身汗,今次秋冬到西園,著起全副武裝,陣地換咗去魔鬼森林,氣氛有別於上一次,更加認真好玩,好緊要係唔駛流汗好舒服!

重覆嘅嘢就唔多講,大家可以番去爬舊文,睇番我哋第一次西園之行 http://bit.ly/2jO0Ssh
仲有可以去睇番上回提要,可以去呢度睇 http://bit.ly/2Bru3LI
 
天氣凍,一家四口瞓喺暖笠笠被舖裡面真係唔捨得起身,但係又要快快去食個早餐,再開始今朝嘅兩個活動
一大清早起咗身,同哥哥出去走走,呀芊同媽咪女仔人家係要攪耐D。
西園內的魚菜共生系統非常大
有機會都叫負責人帶我哋導賞一下
又靚又環保!如果可以俾我捉番條魚嚟燒就好

這邊的工地似乎正施工,但都見9成面貌,睇字 「Experimental Farm」 即係實驗農場啦
應該又一個新活動可以俾一家大細喺度享受田園種植樂趣,問過開緊工的叔叔,後面個架係用嚟種瓜。呢個鐵水喉稻草人,我諗將來又會成為一個打咭景點

到咗8:30嗱嗱聲跑去食早餐(Glamping營區已包括了早餐)
簡簡單單的早餐,呢個咁舒服嘅環境底下變得一D都唔簡單
一家人仲食得好開心,小朋友食食吓又跑出去玩,玩完又番嚟食過
食食吓見到一群羊跑出嚟食早餐,芊芊就嗌住我,要我陪佢一齊去餵羊
手執住幾棵葉就拎去餵,成群羊走埋去芊芊度嚇到佢閃開,又要餵又要驚…
非常大自然,小朋友唔駛隔住個圍欄去餵佢哋
芊芊特別對細小嘅羊照顧,見又大又老嘅羊,就唔餵佢哋…只餵白雪雪嘅小羊咩
芊:「我唔係俾你食架!唔好搶我條草呀!」
活動仲未開始,兩兄妹自找樂趣,設計遊戲自己玩
這種兩小無猜的感情真係好可愛!
去個厠所洗番乾淨對手,準備這朝早第一個活動啦「森林弓防箭」
兩小伙子駕輕就熟,因為上次都嚟玩過一次,不過就係玩「草地障礙弓防箭」,同今次「森林弓防箭」有少少唔同,今次喺「魔鬼森林」場地玩,更加刺激!
著好裝甲就睇姐姐示範一次點玩
未開始實戰之先,就梗係要試一試箭先啦
「魔鬼森林」就係印第安營隔離,拎住弓箭個樣就同後面背景好襯,差在塊面未畫花到好似紅蕃咁
3個帶埋頭罩之後真係似白兵多D ^>^
我覺得呢張同先前嗰張放埋一齊,好似「變身前」同「變身後」咁好攪笑
開戰啦!哥哥好快就走咗出嚟進攻
媽咪都上唔切箭,就嚟要俾哥哥射中
呀芊都出動,「森林弓防箭」個玩法係要一邊進攻,去到敵方陣地搶咗支旗,再跟手跑番去自己陣地就算贏,當然俾人射中就要番歸由頭嚟過
當大家係互相廝殺嘅時侯,呀芊經已唔知幾時搶咗支旗(仲除埋個頭盔)
Round2 開始!
兩個近排成日都喺度扮「鷹眼」射箭,呢個活動啱哂佢哋! 仲記得哥哥以前叫「鷹眼」做「雞眼」,真係笑死我!
戴住成副裝備玩完,真係要抖一抖,因為隔多一陣就進入我哋最後一個活動,就係親手DIY雞蛋仔!!!!! 活動喺公共燒烤場進行
話時話如果大家入嚟Camping可以付費租爐BBQ,可以睇番我上次嚟的文章,有多款燒烤包任君選擇
估唔到雞蛋仔成日食,今次可以自己親手整,真係超開心!

咪講笑,仲要係一人一炭爐燒!!!

起初以為又係職員預備好半完成材料我哋做,原來真係由零開始,落粉落糖落雲呢嗱精,真係可以話一手一腳自己攪掂
哥哥好俾心機整,呀芊就八八卦卦幫人哋
篩麵粉都要自己嚟!!
哥哥真係似模似樣成個大廚咁喎
兩兄妹合作整睇見都窩心! 幾時真係煮番餐三餸一湯先,我諗到呢一日我會喊囉
準備定炭爐啦!
燒紅個雞蛋仔模先
示範都冇,要靠自己從錯誤中體驗學習
呢D嘢梗係等媽咪嚟先! 用個掃油一層油喺個模度先
媽咪好小心咁將蛋漿倒入模,平時去買嗰陣睇人倒好似好易,原來一D都唔容易
原來夾實咗之後,雞蛋仔會澎脹,所以要好大力咁夾實個模
兩個見到就嚟有得食,就超開心
雖然唔可以做到好似「北角雞蛋仔」外脆內軟,但係第一次做的這個效果已經很滿足
自己親手做的特別好食
媽咪實在厲害,因為到第二底我整就爛哂! 第三底再俾番媽咪做,仲可以加朱古力味同芝麻味
嘆完雞蛋仔,發現尋晚玩咗咁耐,都未同我哋今次營地主角「觀星圓拱形屋」影相
哥哥同芊芊最開心就係離家出走,到外面大自然住番晚,其實我哋都係(如果唔駛帶咁多嘢的話)
呢個媽咪好有心思,提意帶埋聖誕帽入嚟影相,即刻好有聖誕氣氛
Photo by CANON 5D Mark IV, Len | EF 24-70mm f/2.8L USM
想跟我去體驗其他活動,快D報名親子團,同埋留意專頁公佈詳情啦!

呀劍評分: 10分

呀劍評語: 今次第二次到西園玩,期待咗好耐!因為只係講個場真係無得輸,一嚟到已經內心平靜好舒服,加上今次可以做「叫化雞」同埋「雞蛋仔」真係好好玩,而且上次冇咩歷奇活動,今次可以玩「馬騮上樹」挑戰兩個細路膽量,真係好刺激好玩!
地點
香港長洲西灣西園

網址
www.saiyuen.com

開放時間
http://www.saiyuenfarm.com/index.php/information/sai-yuen-farm-openhour/

收費
http://www.saiyuenfarm.com/index.php/sai-yuen-farm-tickets/

Facebook
saiyuenfarm

電話
2981 1010

電郵
booking@saiyuen.com
(以上資料更新至文章當日)

【親子餐廳】Play House Play Cafe @D • Park

自今個聖誕節各大商場都玩盡飄雪樂園,唯獨呢間位於 D • Park 新開張 Play House Play Cafe 居然玩「非洲大草原」,仲要喺非洲大草原享用親子特色菜,真係今個聖誕黑馬好去處。

就位於D.PARK第二層的 Play House Play Cafe  第二分店,於12月16日開張大吉,跟 mikiki 店一樣,大玩親子遊戲區 + 親子咖啡廳 Cafe + 親子廚房

餐廳亦打通至門面,即使有朋友非入內玩,也可安坐 Bar 枱嘆個 High Tea

Reception 位置已經佈滿聖誕裝飾

遊戲區就設於 Cafe 隔離,唔會有死角位,爸媽們可以放心邊食邊睇住小朋友玩

仲會有個『草原炊樂區』仲有好多廚房玩具俾小朋友玩煮飯仔

未入波波池,有個較細小的空間可以俾BB們喺度玩小玩具

波波池瀡滑梯,一定唔少得。海量嘅波波!小朋友見到對眼都發哂光
同 Mikiki 分店一樣,在波波池有個小火山,可以一早入定哂D 波波喺裡面,然後先按掣火山爆發,一次過噴哂D波波出嚟!
不過最特別係『原野波波池』呢個裝滿波波會一倒以下的裝置,小朋友可以將波波塞進機器中,管道會將波波吸到大鐵籃內,小朋友又可以投籃式將波波掉上去
當一定時間內,或者自己人手按下按鈕,大鐵籃會打側將裝滿的波波傾瀉以下。

一倒落嚟嗰下小朋友就最興奮!

一次唔夠,再嚟多次

仲有小朋友最鍾意嘅迷宮一定有啦,『草原大迷宮』雖然只得兩層,但係機關障礙一D都唔少,介有兩大格透明地板,訓練小朋友的膽量,是否夠膽行過對面

呢兩格透明地板,睇小朋友夠唔夠膽行過去

遊戲區旁邊仲放咗好多隻大大小小嘅動物」un un」車,小朋友可以利用地下隧道來個比賽!

仲有跳彈床,芊芊嘅至愛!
每次影佢哋跳彈床,都好難影得靚,成日都會影到哥哥呢個「海狗樣」哈哈~!

彈床區都有個小窗口,可以俾安坐嘅家長清楚睇見小朋友裡面情況

『親子廚房』每位入場小朋友更可以獲贈一套DIY煮食小工具,跟據當日安排有各樣唔同嘅美食製作,設有多個焗爐俾小朋友玩親子廚房時即做即食
『大草原派對房』可以俾各位大小朋友 Book 嚟開 Party 或生日會!
所有到 Play Cafe 玩嘅朋友,都可以獲得一次親子廚房機會,按當日 Play Cafe 每月指家美食款式,提供一套DIY煮食小工具,來同小朋友去即場製作美食
例如:薄餅、曲奇、小蛋糕及冬甩等,剛好今天做的指定美食係曲奇餅

各位大師夫的傑作,將要入爐焗啦!

玩到夠哂皮時侯,又可以番嚟食吓嘢喇,呢個親子咖啡廳提供好多特色菜,一於老闆話齋,全部都係用新鮮食材,點整都一定好好食! (實在太謙啦…食材固然好,但係老闆的廚藝同樣了得)
樣樣都好好味! 食到芊芊 Lam Lam 脷
我最喜愛嘅香蕉船呀! Yummy
店內仲有好多玩具供大家借玩,有幾款仲超好玩

睇住佢哋邊玩邊食,有陣時又走番入波波池玩,走走跳跳一輪又番過嚟食! 對哥哥芊芊嚟講一定好開心。

可能你哋會覺得食嘢還食嘢,玩就玩,不應玩玩吓又去食,食食吓走去玩,當然我哋平時在家唔會咁,不過同小朋友約法三章時,有些時侯也讓他們放縱一下!

臨走跟呢幾隻動物車影相,真係好似去咗非洲大草原!

Photo by CANON 5D Mark IV, Len | EF 24-70mm f/2.8L USM
想跟我去體驗其他活動,快D報名親子團,同埋留意專頁公佈詳情啦!

呀劍評分: 10分

呀劍評語: 親子餐廳去過唔少,但大多數都係好玩唔好食,一係就好食唔好玩。不過Play House新開的這家親子餐廳遊樂場,卻保持到食物的水準,雖說不上高級水準,但跟Pizza乞卻有之而無不及。所以實在值得入場玩玩食食!
Play House Play Cafe @ D.Park

地址

新界荃灣青山公路荃灣段398號D.PARK第二層2069b及2070a舖

電話
2778-5999

營業時間
星期一至四(非特別日子及非公眾假期) 10:00 – 21:00
特別日子*、星期五、六、日及公眾假期 10:00 – 21:00
特別日子: (2017) 1/2-6/2, 18/4-21/4, 10/7-31/8, 23/12-31-12
暴雨警告及颱風下的安排,請電 2151 9611

面積
約4,500平方呎 (分為遊樂場區及咖啡廳區)
遊樂場區面積:約2,500平方呎
咖啡廳區面積:約2,000平方呎

場地人數上限
約100人

場地設計
以「非洲大草原」為設計主題

收費
平日 $150 (非會員,包$30咖啡廳現金券及DIY煮食小工具)
平日 $130 (會員,包$30咖啡廳現金券及DIY煮食小工具)
假日 $220 (非會員,包$50咖啡廳現金券及DIY煮食小工具)
假日 $200 (會員,包$50咖啡廳現金券及DIY煮食小工具)

輕西餐
特色菜:兒童薄餅、兒童意粉、香蕉船、鮮什果伴雪糕、心太軟伴雪糕、冬甩伴雪糕、棉花糖泡泡朱古力、有機熱牛奶泡泡沫茶、有機熱牛奶泡泡朱古力、鮮什果茶
Facebook專頁
www.facebook.com/playcafedpark

網址

http://www.kidgoland.com

(以上資料更新至文章當日)

【親子好去處】SuperPark Hong Kong 芬蘭一站式室內樂園

親子年度大大大盛事!因為來自芬蘭嘅 Superpark 終於殺入香港,早一排已經勁洗版,今日開幕終於可以率先嚟玩個夠。今日哥哥呀芊知道夜晚有得去玩,就即刻半個鐘內做好哂所有功課起行(不如每日放學都呃佢話有地方去囉不如…)

Superpark就位於「奧海城」的「一號銀海」地下,由奧運站E出口行過去,見扶手電梯落去,到外面見天橋行過對面就係。我目測都要10-15分鐘,正門面向海旁,環境超美!
以遊戲運動概念為主題,簡直可以話係一站式的室內活動樂園,因為佢唔單止適合幼小朋友玩,都啱年青人,甚至大人都一樣咁啱玩。如果帶小朋友嚟放電,可能你自己都要放埋一份
在 Superpark 裡面有這家 Cali-Mex Bar and Grill 都係隸屬於 Superpark 的,下次有機會我呢個扒控要試下佢 D 扒先得!
Superpark 主調顏色為紫+黃,有讀 Art 嘅同學仔一定知道呢兩隻色係對比色,真係好Sharp,本來想大家都搵番紫+黃色衫褲嚟玩,但老實講呢兩隻色平時真係少著少著
今日係 Grand Opening,先聽聽全球行政總裁 Juha Transkanen 講兩句,佢連同創辦人 Taneli Sutinen 都係來自芬蘭,佢哋喺芬蘭開咗一間細細的活動樂園,本預計容納10,000人,結果卻超出15倍。因而在世界各地繼續拓展業務,今年終於嚟到香港。
每一次影相佢哋擺埋D甫士我都唔係好明想表達D乜嘢。唔理咁多喇,快D戴上手帶著好襪準備入去開片啦
成班小朋友就好似跑馬地準備開閘嘅馬一樣(唔好怪我咁樣形容,其實似喪屍多D),職員姐姐一解開個欄帶就即刻衝入去玩
Superpark 設有3個園區
冒險地帶 Adventure Area
有迷你賽車場(是法拉利及寶馬踏板車)、超級車呔滑梯、空中滑索、粒粒障礙牆、兒童歷奇城巿及幼兒體操區等,最啱家長同小朋友一齊玩!
遊戲競技場 Game Area
彈珠足球場、棒球練習場、高爾夫球練習場、街頭藍球場,最正係有雷達及電子系統測量成績,用嚟比賽鬥高分最啱!
自由式殿堂 Freestyle Hall
滑板或踏板車(場地由主辦東京 World Cup Skateboarding 的頂級歐洲品牌設計及建造)、數碼攀石牆
佢哋一支箭就飛入嚟「幼兒體操區」就知道 Superpark 安排放喺門口最近地點係無錯
超有深度嘅波波池,芊芊跳咗落去真係得番個頭伸番出嚟!
哥哥就最鍾意玩吊環,飛嚟飛去!最驚你撞親其他小朋友囉
其實每個遊戲旁邊都放咗「遊戲規則」,不過佢哋都唔理咁多….見嘢就爬見嘢就玩
呢座我叫佢做「聰明豆山」因為呢個「粒粒障礙牆」斜坡上的裝置真心好似「聰明豆」同「蛇寫糖」
用唔同方法爬上去再瀡番落嚟,來回幾次真係大人玩都可以減到肥
呢個「空中滑索」係我見過當中最快,點解?因為輔助佢位哥哥真係出全力助跑起碼三分一路程先推佢出去,去到最尾端端真係成個人拋起咗,超刺激!連呀芊都敢玩,果然跟得我出去玩多,食過吓夜粥,大家碌到最尾睇片啦!
仲有多項運動+遊戲的設施好好玩,好似呢個你睇落以為剩係射籃球咁簡單,其實佢係集進攻與防守於一身的遊戲,雙方要將波掉中對方身後的閃燈板,同時又要防止俾對方掉中自己的。同朋友嚟玩一定玩嘅開心,睇嘅笑爆肚。
中途加插同朱薰E打咭!(兩個被老爸迫去影相的小孩)
「高爾夫球練習場」兩兄妹跟我玩過咁多次,都仲係好似掃地咁…睇嚟等你哋再大D先教你哋啦
之後再嚟玩保齡球,不過唔係要推倒所有樽,係要將個波碌入去唔同分數嘅窿裡面
哥哥你姿勢錯哂喎
哥哥:「我砌!」其實都唔容易,連我自己一個都碌唔中,可能我屎波啦
又有得射籃啦!「勁力投球王」比起一般玩的大好多,最遠個籃目測真係有成15尺,呀芊只好射最近嗰個啦
哥哥呢種瘋了一樣的射球,我極之唔贊成!大家唔好學佢,一陣掉爛人哋個裝置就慘!
玩完一輪都係用手嘅遊戲,今次到用腳踢啦!「彈珠足球場」將波踢到唔同嘅分數人板或者嗰條好易滑梯嘅軌道,就可以同朋友比賽鬥高分。
睇住佢哋亂踢一通真好好笑
呀芊仲踢踢下走埋上去,佢唔係真係以為自己喺個足球場度踢緊波卦,一陣唔覺意俾哥哥踢個波「省」就痛死!
嘩!我仲以為咁復古有跳舞機,原來係一部更簡單更適合訓練小朋友腦筋及四肢協調的遊戲,只要按熒光幕顯示的位置(同步腳下的台楷也會亮起燈),然後跟著踩落去就得,呢度所有遊戲幾乎唔駛教,小朋友一上去就知道遊戲玩法。
旁邊有個「棒球練習場」,我睇見個棒球發射機噴出嚟個波快到眼都睇唔到,就知道呢個遊戲都係唔啱佢哋玩!影吓人哋就算…(BTW 呢個人真係下下都「」聲)
室內遊戲室點可以冇迷宮玩,迷宮多個出口有唔同類型的瀡滑梯
最刺激係呢條,又長又多彎!
但係除咗爬上爬落,迷宮底下都有D得意又啱小朋友玩嘅設施
呢個「迷你賽車場」佢哋就玩得最耐,雖然係腳踏車,但係一D都唔似,唔駛用好多力氣就已經可以推動架車向前郁,之後睇番資料原來每架車都係法拉利及寶馬踏板車,來頭不小!
連平時踩兩下踩唔到要喊嘅芊,今日都見步如飛!
見到呢個速度計分牌真係好PRO呀…究道我自己係咪TOP5呢?
呢個角度覺得自己好似打機 Mode
我要爬呀芊頭….(做老爸的梗係要一直扮過佢唔到啦…)
遊戲室三寶「波波池」、「瀡滑梯」同埋呢個「跳彈床」點少得,仲要係呀芊嘅至愛。這裡非常安全,因為每張彈床只能容納一個小朋友
另外一邊的彈床就有個海綿池
「超級車呔滑梯」,首先要將個超級滑梯拉上去
瀡落嚟前段較快,到後段就會慢落嚟,非常安全!不過其實都係睇邊個坐喺上面,如果係我玩可能快到甩碌
下圖中並非小女…唔駛嚇親
下圖都並非我犬兒…不過呢個區好啱習過武練過下體操的運動健兒上去玩
「街頭籃球場」名符其實係一個打籃球嘅街場,話時話…依家D康記籃球場咁難 BOOK,不如嚟 Superpark 玩仲好啦!
估唔到哥哥二年班已經夠力射籃…真利害
嘩!「數碼攀石牆」早一排已在網上成日見到,今次到 Superpark 終於可以試玩一下,不過真係堅難…要爬上去維持住已經唔容易,仲要拍打牆上投射出嚟的特效
睇唔出哥哥你又真係可以玩得兩手喎
最後著好 Full Gear 落場踩板同 Scooter 囉
真係由天光玩到天黑,呢個價錢算係超值,而且大人都可以玩埋一份,唔駛喺側邊玩手機
Photo by CANON 5D Mark IV, Len | EF 24-70mm f/2.8L USM
想跟我去體驗其他活動,快D報名親子團,同埋留意專頁公佈詳情啦!
呀劍評分: 10分
呀劍評語: 玩後感覺得 Superpark 真係適合一家大細,而且我個人認為即使小朋友得3-5歲,唔駛驚冇咩啱玩,也有大部份設施適合,你睇呀芊就知。2歲以下免費,可以入去玩下波波池吧!
地點
大角咀海輝道18號一號銀海地下
網址
https://superpark.com.hk
開放時間
星期一至五(10am-9pm)、星期六日(9am-9pm)
收費

$180/平日Day Pass、$240/假日Day Pass

Facebook
superparkhk

查詢
https://superpark.com.hk/zh-hk

(以上資料更新至文章當日)

【親子好去處】448農莊 448Farm

農場去得多,但係一點商業味道都冇嘅真係唔多,今日為大家介紹位於元朗的448農莊

新開張不到3個月,位於元朗欖口村欖提東路!暫時未有甚麼交通工具可以直達,大家在元朗打的唔駛$30就去到

去到目的地只見一片花海,非常靚靚!

農莊入口的卡板車接待處好有特色,原來係農莊負責人樹根哥自己一手一腳親力親為製造。

我先睇吓入場收費,原來只係$30一位!俾多廿蚊仲可以參加埋一個魚菜共生嘅導賞團,時間分別每兩個鐘一場,每場大約半個鐘頭,全日總共有4段

 

我哋當時入到大約2點,所以我哋放低包包準備跟樹根哥去導賞

入口兩旁種滿色彩繽紛嘅花海,有一串紅,同埋紫色一串串的鼠尾草(大家起初都以為係薰衣草)

 

層叠式種植係其中一樣設備由樹根哥從台灣引入再加以改良的種植方式,喺導賞嘅時侯都會有詳盡講解
穿過花海左手邊就係小賣部,備有一般飲料及燒賣魚蛋等小食!

門上仲寫上各新界的士電話方便大家離開時Call的(大家留意番最高那個是紅的,因為我試過^.^,已經叫職員幫手刪去)

小賣部旁設有休憩地方
隔離又有花卉售賣及一兩個攤位教做小手工(另外收費)等
由小賣部向外望出去,就係大大嘅草坪!左手邊就係農莊嘅地標「退役巴士」樹根哥話佢用咗5皮去購入這架巴士,再親手將佢油上紅色,小朋友見到都好興奮,第一個問題就係問「搭唔搭得架?」
另外旁邊有個藍色帳蓬,係俾人攪生日Party!喺佢兩邊各有條小路,一邊通去溫室,一邊去其他遊玩設施及野餐營地
全文

 

Photo by CANON 5D Mark IV, Len | EF 24-70mm f2.8L II USM


呀劍評分: 10分
呀劍評語: 完全沒有商業味的農莊,而且不單入內玩,更加學識甚麼叫做「魚菜共生」,$30玩一日(某些遊戲設施需另外收費),$50仲可以參加埋導賞真係有得玩又學到嘢!

448農莊 簡介
與其他一般農莊不同,負責人樹根哥,主打新式耕作及推廣環保種植,他以層叠式、魚菜共生、離地式、廚餘堆肥四種種植設備,擺脫傳統種植方式。另外只備有少量滑梯、電動車等兒童玩樂設備,旨在增加小朋友的專注力。

 

地址
元朗欖口村欖堤東路
開放時間
09:30-17:30(需要預約)

收費
入場費$30(三歲以下免費)
導賞優惠:四種新式種植講解$50(包括入場費)

交通
體育路去到欖口村路,再轉入欖堤東路盡頭就到448農莊
(免費泊車,車位有限)

電話
6684 1448

(以上資料更新至文章當日)

【親子好去處】大欖隧道轉車站農場 Part 1

一直都在默默耕耘的農場,放低教師職業全力投入農業的IT人,今天有機會到訪他的農場,親身體驗感受他的理念 – 「大欖隧道轉車站農場」

一聽見「農場」這個字,心裡往往都有一個觀念,就一定好偏遠,可能要從詳計議先可以一去。不過今日同一班小朋友去的農場,非常方便!

只要搭一程巴士,在大欖隧道轉車站旁邊,落車後步行8-10分鐘就到!

下圖係往元朗方向的落車位置,我哋搭68X,一落車沿着前面的樓梯一直行

 

見到行車路過對面行人路轉左行

一直向前行至見停車場

見到停車場轉右,就會見到這個涼亭,農場入口就在旁邊

 

農場負責人夫婦係基督徒,可能加上聖誕節就到,佢哋好有心思放置咗D雪人及其他佈置喺入口附近

穿過入口轉左,跟住木板小路(路軌)行到有蓋活動場地

一入到農場就會有兩隻狗狗歡迎你,白色叫「肥妹」,黑色就叫「Coffee」,佢哋都好乖,絕對唔駛驚

 

農場只有負責人Aaron(佢叫自己花名做「丫嬛」^.^),佢太太Lydia(佢叫自己做「奴隸」^.^),同埋Aaron的媽媽(我哋都係叫嫲嫲)打理整個農場

農場沒有華麗佈置,沒有充氣彈床設施,沒有兒童電動車,也沒有付費買飼料等活動,一切都很Raw,真真實實的農家莊

我哋放低行裝,到處走走呼吸新鮮空氣! 每次來到農場都真心覺得好舒服,可以慢慢享受整日活動

 

呢個就係廚房位置,盥洗盆嘅水都係來自山水,一直唔駛開水喉自然流出

這個位置有張長長嘅木製枱,可以俾一陣間的活動用

農場只有一個洗手間,但係全個農場只係得我哋一班朋友仔,所以都唔會唔夠用,而且洗手間都好乾淨!

可惜今日天氣不似如期,如果唔係周圍的植物應該都會更靚! (不過感謝神全程都冇唔落雨已經非常好)
見到呢頂穿咗個窿嘅農夫帽,就表達到農夫工作的辛酸(突然好感性 ^.^)
第一個活動要開始喇! 就係DIY自製Pizza
其實所有活動安排都可以事先跟負責人商量,冇既定的開始時間,也沒有結束時間,一切都很隨意,非常舒服!

全文 http://bit.ly/2jpB2e1

Photo by CANON 5D Mark IV, Len | EF 24-70mm f/2.8L USM
想跟我去體驗其他活動,快D報名親子團,同埋留意專頁公佈詳情啦!
呀劍評分: 10分
呀劍評語: 農場非常簡樸自然,首次自製Pizza仲要係磚窯焗,超有風味! 仲可以手織草蜢,小朋友又食又拎好開心! 農場主人十分親切,有機會一定要再去玩。記住睇埋下集介紹…

大欖隧道轉車站農場》
「他到了那裡,看見神所賜的恩就歡喜,勸勉眾人,立定心志,恆久靠主。」使徒行傳11:23

「魚菜共生」不可以用農藥,藥霧噴在空氣中,會走到魚池去,魚就會在半個小時內死亡,這是一個比有機耕種更高技巧的農耕法。從事教育事業18年的IT人,在資助學校、私立大學、國際學校工作多年,明白道德比錢重要,所以在2014年全職投入農業,為本地農民提供技術,推廣「安全菜」,有機種植,魚菜共生。

聯絡電話
9776 4971 Aaron

泊車
免費停車場我們有26格私家車停車位若果滿了,可以在附近私人停車場,步行五分鐘回來

網址
http://www.hqproduct.org/

(以上資料更新至文章當日)

【親子好去處】白石燒烤樂園 彈床嘉年華

打邊爐可以一年到晚都得,但係原來燒嘢食都可以,白石燒烤樂園唔單止適合秋涼天氣,更設有冷氣獨立房,真係冇藉口唔去BBQ。今個秋冬仲有彈床嘉年華,真係大人燒得開心,細路又彈得高興!

白石燒烤樂園咁出名開咗咁多年,我哋反而今次係第一次到場玩玩! 坐馬鐵在最終站烏溪沙落車,B出口直行轉左見百分百餐廳,門口會有穿梭巴士接送(每小時兩班分別15分及45分,至於離開則05分及35分)

今日天氣特好又乾爽,可以在海邊BBQ真係好期待! 我家哥哥呀芊都等咗呢日好耐,佢哋成日都好想自己拎住燒烤叉拮嘢食!

在收銀處登記及落單,跟住流程好快好方便就可以開始BBQ啦!

難得今日可以帶埋工人姐姐嚟,就梗係佢幫我哋擺陣,我哋就周圍走走影影相先啦!

行到燒烤場的盡頭居然有架車牌「Whitehead Barbecue」的招牌麵包車俾大家打咭放閃

呢度對住無敵海景,對住成個船灣淡水湖風景,仲可以喺度燒住嘢食,真係冇得彈!

 

見有幾個車軚,自己就地取材玩起上嚟

如果同幾個老友燒燒下嘢食半場休息,可以摸住酒杯底坐喺呢個涼亭下吹吹水真正

閒走完就番去開餐,除咗扒仲有大蝦、帶子同青口,有咁多嘢食慢慢燒,未開始先興奮!

 

呀哥已經急住要開封即刻燒,咁肚餓梗係要即刻燒腸燒丸醫咗個肚先

小朋友可以自己拎住燒烤叉自己燒自己食,對佢哋嚟講係好大滿足感

 

快快照顧咗兩個細路後,媽咪同工人都繼續忙忙忙,幫手燒定其他嘢食餵飽咗佢哋先

又怕熱又要食,呀芊你坐到咁遠,有排都未熟啦!

 

都俾我估中,哥哥條腸好快就燶咗!
呀芊好得戚指住哥哥嚟笑
過咗唔知幾耐,終於食得啦!
燒燒吓發現有個人,佢自己發明咗個懶人燒烤法,用大脾夾住燒烤叉唔駛用手拎住
餵飽佢哋就到我哋大人急急腳去燒帶子青口啦!
對住個海BBQ真係好舒服,燒到熱辣辣後,就可以拎埋D嘢食坐喺海邊吹住海風嘆嘢食! 真係超爽。

 

食雞翼就當然要用手食,但係唔駛怕麻煩,因為洗手地方仲喺隔離,真係方便到震。

呢度仲有提供燒乳豬服務(自己燒又得),靚仔專員幫你燒到卜卜脆好野味!

 

正所謂「叉電為放電」兩個食完上半場之後,我就帶佢哋去跳彈床啦

 

真係好大個場!!!

入場先戴上手帶

 

呢個充氣跑道夠哂刺激,同其他小朋友一齊喺度鬥快彈住賽跑都夠哂好玩 (但係如果你係怪獸或者半人獸會擔心佢彈彈下跌落嚟,就唔好俾佢玩啦!哈哈~)

其實地下都全係軟墊,所以又真係唔駛太擔心嘅

 

講到最刺激算係呢個充氣滑梯,又夠斜瀡落嚟超快

見到哥哥沖落嚟,好似連個頭髮都要飛走

 

睇吓呀芊一玩起上嚟,就好似超人上身跑得幾快!

 

 

後面個呀姐咩事…

 

 

 

 

 

玩到冧低咗!

 

生命力頑強又起番身再嚟過

 

見佢哋玩得咁開心,真係自己都想跳上去瀡落嚟,只可惜我驚自己一上去會踩爆個彈床攪到漏氣

 

真係快到面容都扭曲!

每個彈床都玩勻哂,但係最鍾情於兩兄妹嘅,居然係呢個旋轉木馬造型嘅充氣設施

 

 

左右兩邊搖嚟搖去,擺嚟擺去!究竟有幾好玩? 真係笑死我

 

 

真係由日頭玩到天黑,話咁快過咗就嚟個半鐘,但係佢哋仍然玩個唔停唔捨得走(你老爸我好想番去BBQ囉)

 

 

 

 

以為佢哋終於玩到謝謝地,點知…

 

…又彈番起身

天黑啦!天黑啦!我塊豬扒呀?幾時可以番去食呀?

哥哥你就風流快活喺度同其他女仔玩

 

 

 

 

兩個終於都玩謝咗…YEAH 我有得走啦!

 

 

 

 

 

隔離雖然仲有得玩車($30/10分鐘),不過兩個唔太感興趣,所以最後都冇玩到

 

 

今日兩個玩都散哂,真係夠哂皮,一番到屋企上床即刻秒瞓

Photo by CANON 5D Mark IV, Len | EF 24-70mm f/2.8L USM
想跟我去體驗其他活動,快D報名親子團,同埋留意專頁公佈詳情啦!
呀劍評分: 10分
呀劍評語: 終於等到BBQ的好日子,今次去白石燒烤樂園再加埋有得玩彈床嘉年華,真係大人燒得開心,細路彈得高興,小朋友去彈彈彈,大人就舒舒服服坐海邊嘆住燒!

白石BBQ燒烤場

白石BBQ燒烤場位於馬鞍山烏溪沙,飽覽吐露港、八仙嶺及船灣淡水湖大壩的壯麗景色,碧海藍天,一派令人心曠神怡之景象。本場地設有可容納過千人佔地過萬呎的大型露天BBQ場地、有蓋BBQ燒烤場與及好友共聚的優美海景獨立BBQ屋,適合各界團體舉辦不同形式的活動。

【白石燒烤彈床嘉年華】
YEAH!!!彈床嘉年華番黎啦!!! 小朋友最鐘意既彈床嘉年華係9月尾就有得玩啦! 買時段門票可任選四節黎玩,每節為半小時,一共玩兩小時。期間小朋友可任玩多個巨型彈床,想玩耐啲仲可以買全日門票玩足成日添呀。 彈床嘉年華採用相連地毯模式,係入口位除低鞋,就可以隨意穿梭各個彈床。小朋友唔洗排隊,又唔洗再著鞋除鞋,玩得自然更開心啦。 溫馨提示提提你,全日門票只限80張咋,而家已經開始接受預訂,要訂就要快啦!

活動日期
12月2-3, 9-10 & 23-26

時段門票
$160 (可選以下任何四節,每節為半小時,共兩小時)

– 節數1 (11:00 – 11:30)
– 節數2 (11:30 – 12:00)
– 節數3 (12:00 – 12:30)
– 節數4 (12:30 – 13:00)
– 清潔時間 (13:00 – 13:30)
– 節數5 (13:30 – 14:00)
– 節數6 (14:00 – 14:30)
– 節數7 (14:30 – 15:00)
– 節數8 (15:00 – 15:30)
– 清潔時間 (15:30 – 16:00)
– 節數9 (16:00 – 16:30)
– 節數10 (16:30 – 17:00)
– 節數11 (17:00 – 17:30)
– 節數12 (17:30 – 18:00)
– 清潔時間 (18:00 – 18:30)
– 節數13 (18:30 – 19:00)
– 節數14 (19:00 – 19:30)
– 節數15 (19:30 – 20:00)
– 節數16 (20:00 – 20:30)

全日門票 (11:00-20:30): 每位$250

*彈床只提供予身高90-160厘米之人士進入

地點 
新界馬鞍山白石第1950 號

電話 
2744 8188

電郵
info@whiteheadbbq.hk

網頁

(以上資料更新至文章當日)

【好物推介】圖書館全新 BookFlix兒童電子書

全靠FamilyGo這親子平台的介紹,先知道原來最近圖書館推出咗樣咁正嘅英語學習平台BookFlix,可以免費唔駛錢俾小朋友在家中加強英語學習!

 
如何使用BookFlix:
1. 登入下列網址,並點選BookFlix https://www.hkpl.gov.hk/tc/e-resources/e-databases/keyword/bookflix/all/1
2. 登入公共圖書館帳戶
3. 進入BookFlix主頁介面,開始選擇主題及閱讀故事書
BookFlix 涵蓋9個主題:
– 動物及大自然 Animals and nature
– 地球及天空 Earth and sky
– 人與地方 People and places
– ABC 及 123
– 家庭及社區 Family and community
– 音樂及童謠 Music and rhyme
– 冒險 Adventure
– 慶祝 Celebration
– 想像 Imagination
就第一個主題《Animals and Nature》去介紹,Click入到主題頁面一睇,嘩! 有幾十個英文經典小故事可供閱讀
再Click入去其中一個單元,左邊Menu可以選擇 「Watch the Story!」, 「Read the Book!」, 「Puzzlers!」, 「Meet the Author」 & 「Explore the Web」
「Watch the Story!」 有簡單的動畫邊睇邊學,仲可以選擇「伴讀」功能,好似卡拉OK咁有Highlight字幕
故事短片仲有專業配音同背景音樂,大大提升了故事的趣味性。
「Read the Book!」 同樣可以選擇「伴讀」功能,文字會較剛才多,最適合喜歡互動怕文字的小朋友
如果有深字,Cursor Roll Over埋去仲會有聲音解釋,咁小朋友就可以全套自己攪掂,唔駛不停睇睇下又叫「媽咪」(呢D生字解釋仲有下文,再繼續睇埋落去啦)
睇完書仲可以玩 「Puzzlers!」,作用就好似一個小Test咁,將剛才讀過的故事,用簡單問題同小朋友重溫

頭先英文生字聲音解釋,就係用番落嚟呢個小測驗度!

 

仲要有埋成個Lesson Plan,最啱教師/家長用,當中包括此故事適合的學生程度、學習目標、Lexile Level等等,可以更明確清楚知道此故事對小朋友學習的實際需要
仲可以轉為pdf檔Print埋出嚟都仲得
Photo by CANON 5D Mark IV, Len | EF 24-70mm f/2.8L USM
想跟我去體驗其他活動,快D報名親子團,同埋留意專頁公佈詳情啦!
呀劍評分: 10分
呀劍評語: 一個字講哂! 「免費」唔駛字去邊度搵,而且又全面可以俾小朋友學習英語,其實坊間呢D公共嘢免費嘢,我哋呢D打工仔朝九晚八,又點會知道俾到小朋友用,全靠FamilyGo介紹,我先略知一二! 所以集思廣益,大家有咩正嘢都記得互相報料,造就大家的小朋友!

BookFlix
是專為學齡前和初小兒童設置的網上閱讀平台。提供以動畫形式製作的經典故事書和非小說類電子書,激發孩子們閱讀和學習的興趣。以Watch –> Read –> Explore的學習形式來激發小朋友閱讀的興趣。 (a fictional video storybook paired with a nonfiction digital flip book)

(以上資料更新至文章當日)

【聖誕親子好去處】TOMICA冬日天地住宿計劃 @黃金海岸酒店

又係黃金海岸酒店! 今年聖誕又有新攪作,係TOMICA呀! 今個11-12月周圍都見到TOMICA車仔,就連酒店主題房間都唔例外,今次又可以俾呀哥呀芊盡情癲番一晚

下晝準時到達Check-in,去到門口已經俾整個TOMICA裝飾吸引住,掛住打咭都唔捨得入去!

 

酒店每個角落都見到TOMICA,正所謂「未Check-in先興奮」

連放行李的禮賓部都有全新TOMICA漢堡飽貨車

前去乘搭升降機的路仲設計到好似一條馬路咁,我推住個「喼」都忍唔住想攬住個「喼」碌過去

仲有一藍一紅兩盞射燈,照番落地下見到兩架TOMICA車

 

指定動作,一入到房兩個就飛上張床度係咁跳,全房都佈置得好靚,好多TOMICA,全部都係TOMICA呀

書枱隔離個行李櫃仲貼咗條馬路嘅貼紙,兩個即刻拎出自己私伙TOMICA車出嚟玩個夠

 

 

 

 

書枱上面放咗本超厚嘅「TOMICA超圖鑑」

 

裡面有好多小遊戲,仲可以睇到歷年來咁多架唔同嘅TOMICA車仔

房門裡面其他地方都一樣貼滿TOMICA標誌

如果這唔細心搵搵,可能會Miss咗D TOMICA車仔,包括衣櫃近地下位置嘅呢架「警視廳TOMICA」
同埋洗手間門近地下位置

 

真係無處不在,全間房都俾TOMICA包圍住!

 

 

仲有靚靚咕同小欖枕

酒店房大門背面仲貼咗張量度尺,可以順便度一度高

哥哥十分鍾情呢條小馬路!哈~

訂TOMICA主題房間的朋友仲可以得到精美禮物一份,如果訂三日兩夜仲有一架TOMICA車仔送!

 

 

今個TOMICA住宿計劃都設有好多活動,有個戶外遊戲區,記住要拎住呢張「1日遊樂證」先可以去玩

一落到嚟遠遠一望(其實在房間望落嚟已經見到),嘩!正呀,芊芊最喜愛嘅充氣彈床,仲要幾乎包場!

影呢張相係想睇吓佢哋「玩之前」同「玩之後」嘅分別,睇吓會唔會頭髮亂了

 

一拖二帶住兩件放電真係唔容易,睇佢哋個樣似乎只係啱啱開機

 

乜呢張相咁似May Yan個鼻個窿咁大嘅!

跳完一個,再跳個再大D嘅!

見住佢哋玩自己都好想變番咁細粒入去玩 (點解生完兩個之後會咁肥㗎…又唔係我生!)

 

玩完兩個充氣彈床,仲有幾個小攤位遊戲

 

先嚟玩下「冰壼挑戰」

 

 

 

對呀芊嚟講又真係幾難玩,勉勉強強都可以拎到10分

 

 

 

然後玩「滾球迷宮」

 

 

 

 

睇就容易,玩起上嚟都唔容易㗎!

 

 

到呀芊玩,起初論論盡盡,到最終冇人幫佢之下,都自己完成,將個滾球碌到中間個窿

最後玩埋「爭分快車」

 

 

 

 

玩完所有戶外遊戲,就可以去拎番一份紀念獎品,跟住我哋又到鯊魚館外的足球機又玩一陣,點解玩咗咁耐,佢哋都好似只係啱啱開始咁精神嘅

 

 

點呀!陳生,陳小姐…攰未呀?我攰喇…不如入番去一齊睇聖誕樹亮燈儀式啦

 

入番酒店大堂,有個TOMICA主題展區,展示着好多款唔同TOMICA車仔,當然仲有TOMICAトミカ人偶「T君」,影番張靚相先!

 

 

我知佢哋個心諗咩㗎,一定係話「如果全部都係我哋嘅就好囉」

呢度架架限量版,我成份糧都唔夠買!

 

 

喺呢棵咁靚嘅聖誕樹隔離,仲有個「TOMICA Play Zone遊戲區」

 

呢度就真係可以坐低抖一抖氣喇,兩個喺度慢慢砌TOMICA火車路軌,幾張枱拼埋一砌,真係想砌幾長有幾長

 

 

舒舒服服睇住佢哋玩火車,等住聖誕樹亮燈儀式開始

 

倒數3⋯⋯2⋯⋯1⋯⋯著燈!
兩隻馬騮邊有咁快放過我,睇住聖誕樹亮燈,夜晚Buffet又未開始,即刻再入「鯊魚冒險島」放電

 

唔好以為點解我呻攰,但係又繼續影佢哋?!其實係佢哋不停叫住我「Daddy!Daddy!快D過嚟影我!」

不過呢種被叫住「Daddy!Daddy!」的Moment都係一種幸福

 

 

 

 

 

 

 

 

 

 

 

 

到咗夜晚,我嘅救星終於到!終於可以舒舒服服咁食餐好,仲要有我家公字幫我剪蟹餵我食…但唔夠半秒「Daddy!我剪唔到…你幫我」(滴汗)

 

兩個嘢真識食,一嚟就食甜品同糖!

 

戶外仲擺設各樣特式美食,乳豬即燒即切,師夫超有功架

 

係咪流哂口水呢?!

 

最後大家食完又再入番去「鯊魚冒險島」玩,我就他他調調嘆埋呢個聖誕特色甜品先走人

 

成人D Page友就問我點解咁多時間玩,係咪冇咩功課!
唉…唔同我寫文都要記錄佢哋做功課咩,其實我哋同大家都一樣活在黑暗的香港教育底下。
所以到咗第朝,正所謂「出得嚟行,預咗要還」,去玩之前唔該做埋D功課先
之後咪可以落嚟拆番餐勁嘅早餐囉!

 

隨住宿計劃仲包括咗呢個「木製車設計坊」,哥哥一聽到有得整TOMICA車,即刻彈起身!不過之後聽到係木製就…(因為佢時時刻刻都希望可以自己親手製造到一架TOMICA車仔,但係我次次同佢解釋要大機器先可以製造出嚟,佢都接受唔到呢個事實)

 

職員姐姐們都超有心機咁教佢哋一步一步咁做
然後幫車身上色
估唔到呀芊話咗架的士!(因為佢平時最憎搭的士,哈~)

 

 

 

原來架車仔內安裝咗個小摩打,可以手拉車後條繩,木製車就可以自己向前衝

見有張長枱一於同佢哋嚟個比賽,睇吓邊個可以去到最邊又唔跌落街

 

兩個完成手上屬於自己的木製車都好開心!真係又食又拎…好多禮物 (乘機可以話聖誕唔駛送)

 

 

兩日一夜TOMICA旅程就完結,兩個無限次Encore話又要再去「鯊魚冒險島」玩

 

 

媽咪就由今朝嘆完個早餐,番房執喼(實則2分鐘攪掂哂),臨Check-out先出現同棵聖誕樹嚟張大合照!
Photo by CANON 5D Mark IV, Len | EF 24-70mm f/2.8L USM
想跟我去體驗其他活動,快D報名親子團,同埋留意專頁公佈詳情啦!
呀劍評分: 10分
呀劍評語: 每次到黃金海岸酒店住宿,都真係好開心好值得推介俾大家。今次再加上大人細路至愛的TOMICA做主題房間更加吸引。如果見到我哋都玩得咁開心,就真係唔好諗咁多啦,一陣間D房爆哂就幣傢伙啦!正所謂「時間唔等人,房間早幫襯」!
TOMICA冬日天地住宿計劃 – 每晚由HK$1,488起
今年聖誕節慶盡情投入TOMICA冬日天地,參與一系列以汽車為主題的遊戲,為節日假期添上燦爛色彩。住宿計劃每晚由HK$1,488起,小車迷可獲贈TOMICA文具禮品包乙份,並同時可享2位成人及1位小童自助早餐、暢玩TOMICA戶外遊戲、汽車主題工作坊,及享用TOMICA遊戲區等。

每晚只需額外HK$350起,即可升級入住TOMICA主題客房

住宿計劃優惠

節目詳情

電話:+852 2452 8833

電郵:reservations@goldcoasthotel.com.hk

網址:https://www.sino-hotels.com/hk/gold-coast/tc/offers/2017-summer-room/

(以上資料更新至文章當日)

【聖誕親子好去處】荃新天地 x Crayola 聖誕童「畫」

聖誕話咁快又到,各大商場都開始唔同嘅慶祝節目,今次荃新天地Citywalk就搵嚟大人小朋友都熟悉,每個屋企都總有一盒的Crayola,同大家過一個色彩繽紛嘅聖誕節!

平時見最多係又紅又綠的聖誕裝飾,或者最浪漫就係白色聖誕,今次荃新天地呢個七彩聖誕又真係幾特別
一開始就要去玩呢個有不同主題的聖誕小屋,包括「幼兒聖誕屋」、「玩具油樂園」及「閃閃聖誕夢」可以話俾不同年紀朋友一個小天地盡情塗鴉 (但係其實大人細路哥鍾意去邊度畫又得)
另外今次最矚目的一個打卡位就係呢個全港最大嘅「彩虹蠟筆牆」,係由超過3萬枝22種顏色蠟筆砌成。
每人入到嚟都獲派發一筒蠟筆同埋一個「聖誕願望球」
一除低對鞋就開始準備跑入去亂畫一通
當然自己都可以去「彩虹蠟筆牆」揀自己喜愛嘅蠟筆顏色啦

見到咁多顏色,未開始畫已經好開心

 

我家公子公主都真係識揀,一入場就SKIP咗呢個小朋友塗鴉場
直接就跑咗入去更大的「玩具油樂園」,兩個一拎起支蠟筆就開始不停周圍畫

 

 

香港一般家庭,如果小朋友畫花咗度牆,一定俾呀媽鬧死
所以其實香港呢個地方都幾限制咗小朋友的創意天份,不過都係身不由己,所有爸爸媽媽又何嘗唔係想有間大D嘅屋,可以有間房俾小朋友任意塗鴉
難得今日可以在「荃新天地」呢度盡情塗鴉,點會咁快就玩完!!!

連媽咪都畫埋一份,仲走過嚟同我講「呢個位係我畫架! 」咩童真都返哂嚟! 所以大家千祈唔好翹埋對手睇小朋友畫,自己都要落埋手同佢一齊瘋狂咁畫!

佢哋兩個好似想將成架火車油完先肯走

連隔離隻啤都唔放過,一於畫個花面貓! 無論牆身,地下,周圍都可以係咁畫!!! 真係爽

 

 

不過後尾知道原來每一節都限時,同埋職員哥哥姐姐會定時清潔,留俾下一場小朋友塗鴉,佢哋終於肯停落嚟!

臨離開「玩具油樂園」前都同黃色小蠟筆Dandelion(Dan.D)都打番張卡,聽講佢今年3月宣佈咗退休…(我都想囉,同佢影過相可能都會感染到少少氣場)

仲記唔記得頭先一開始嘅時侯每人都會有派一粒金或銀色「聖誕願望球」,就會用嚟寫上心願,然後過隔離的「閃閃聖誕夢」,將個聖誕波掛上去

呢邊仲有一個超巨型大「聖誕願望球」可以任意俾小朋友塗鴉一番

兩個都秘秘密密咁許咗個願,唔知佢哋寫咩…

 

 

 

 

然後佢哋就將願望掛上去,希望你哋願望成真啦!

離開3間主題聖誕小屋,原來出番去「彩虹蠟筆牆」的另一邊,係一個打卡位,大家除咗可以同巨型「彩虹蠟筆牆」影相,仲有支巨型蠟筆可以俾你抬起影相,不過要小心附近嘅人呀,俾支蠟筆撞親都幾痛架! 哈哈~

 

旁邊有個「留言磁貼牆」,大家都可以自由咁想寫咩就寫咩,然後就貼埋上牆

 

 

 

 

其實職員會定時定侯將最前的留言板擦去,再俾新加入的顧客再畫,所以貼上去之後就即刻打張咭先走呀
喺「聖誕童畫」主題圓柱下,有好多聖誕圖畫俾顧客隨便塗畫,估唔到有咁多大人都靜靜的好有耐性咁企喺度畫
一場嚟到,大家仲可以喺POPUP Store入番D貨,俾小朋友番屋企慢慢畫!

 

真係估唔到原來Crayola出過咁多款產品

 

穿過POPUP Store,有個特色聖誕工作坊叫「Crayola創意實驗室」有導師教大家做各種唔同藝術作品,不過要睇番工作坊舉行時間表,唔係時時有! (可參考文末資料)

但係呢邊個「數碼魔法站」就唔駛睇時間喇,隨時都可以過去玩

只要拎張專用畫紙(全部都係至愛Elsa同Avengers至愛角色),填好顏色再用iPad掃一掃,用AR技術,角色即刻會走咗入iPad

做呀妹真好,有咩唔識都可以望吓哥哥點做先!

呀妹「我明啦!…」

完成咗之後梗係要同自己作品影番張相

 

仲可以開Airdrop秒變咗入你電話裡面(當然iPhone先得啦,email當然都OK!)

 

荃新天地二期嗰邊仲有「奇想畫廊」有好多幅留白作品,可以俾顧客用蠟筆畫上自己的作品,變咗好似自己畫展咁! 有時間可以過埋去睇吓

留意今星期六12月2日,流動藝術聖誕車會遊走香港,大家可以合法「畫花架車」啦!

聖誕車鬧市七彩巡「油」

日期 
12月2日 (星期六)

時間
中午12時 至 下午4時

地點
荃灣、尖沙咀、銅鑼灣

活動詳情
流動藝術聖誕車將於12月2日遊走香港,參加者除可盡情畫車外,更可得Bless冷壓果汁1支。活動完成後聖誕車巡迴穿梭香港各區,展出市民集體創作作品,讓更多市民欣賞。

Photo by CANON 5D Mark IV, Len | EF 24-70mm f/2.8L USM
想跟我去體驗其他活動,快D報名親子團,同埋留意專頁公佈詳情啦!
呀劍評分: 10分
呀劍評語: 一直以為Crayola只有細細盒那款蠟筆,原來仲有咁多款唔同種類產品。荃新天地呢個聖誕活動我特別喜歡,雖然今日一家都跑咗幾場好攰,但係去到仍然玩得好盡興。而且可以俾大人小朋友一齊任意瘋狂周圍塗鴉,一個字「好爽呀!」

日期
2017年11月25日 至 2018年1月7日

時間
中午12時 至 晚上9時

地點 
荃新天地1期中庭及2期中庭

聖誕小屋 -【幼兒聖誕屋】、【玩具油樂園】及【閃閃聖誕夢】

時間
下午1時 至 晚上8時

報名地點
荃新天地1期禮賓處

參加方法
「顧客於荃新天地商戶或Crayola期間限定店以電子貨幣單一消費滿HK$300,或憑1,000 Citywalk Card 積分即可預約或即場報名,進入聖誕小屋。

每個名額可獲派發一個「聖誕球」作設計及讓兩位顧客同時進場。
名額有限,先到先得。 

奇想畫廊

時間
下午1時 至 晚上8時

地點
荃新天地2期中庭

活動詳情
顧客可即場執起蠟筆,於特定畫框內畫上自己的作品,自己的作品便即時於畫廊展出。

參加方法
成為荃新天地及CrayolaHK Facebook粉絲即可免費參加

數碼魔法站

時間 
中午12時 至 晚上9時

活動詳情
現場設有數碼魔法填色專區,只要在專用的畫紙上填上顏色,一經掃描後,自家填色的卡通人物即時會以AR效果立體與你互動。

參加方法
免費參加

Crayola創意實驗室

顧客於場內最多兩間不同商戶以電子貨幣消費或Crayola期間限定店即日發票滿HK$500,或憑Citywalk Card 1000積分,即可報名參加工作坊,名額有限,先到先得。

1)聖誕玻璃瓶工作坊
日期 
12月2日至1月1日 (逢星期六、日及公眾假期)

時間 
下午2時 及 下午3時

活動詳情
專業導師教授用Crayola顏色噴槍在玻璃瓶上噴上聖誕圖案,製作獨一無二的聖誕玻璃瓶,加上LED燭燈,於聖誕節為家中增添彩色聖誕氣氛!

2)聖誕禮物彩布包裝工作坊

日期 
12月16日至1月1日(逢星期六、日及公眾假期)

時間 
下午4時 及 下午5時

活動詳情
參加者於紮染彩布上用Crayola專用顏色筆加上聖誕圖案,導師將即場教授日式風呂敷包裝禮物技巧。

Crayola期間限定店

時間 
中午12時 至 晚上9時

地點 
荃新天地1期中庭

流動藝術聖誕車企劃

日期 
12月23日至26日 及 30日

時間 
下午1時 至 下午5時

地點 
荃新天地1期地下花園廣場

活動詳情 
由本地藝術家Bo Law以「聖誕玩具城市」為主題設計之流動藝術聖誕車將駛到荃新天地1期地下花園廣場,讓公眾可以一同享受塗鴉樂,盡情發揮無限創意! 

參加方法 
讚好荃新天地及CrayolaHK Facebook專頁

(以上資料更新至文章當日)

【親子好去處】TOMICA Factory @青衣城

大人細路都鍾意嘅TOMICA車仔,今期聖誕進駐青衣城,兩個一聽到有得去TOMICA Factory做工人就開心到不得了,因為哥哥成日都問我一個問題「我點樣可以自己做到架玩具車呀?」


今次展覽可以話係全港首個TOMICA合金車工廠概念城,雖然都係解答唔到哥哥的難題,但係可以近距離欣賞限量版車仔都超興奮。

一去到現場見到咁靚嘅POPS同佈置,已經要拎部大機出嚟不停影(驚死個景會唔見咗咁…個展覽去到2018年囉!)

起初以為會超色彩繽紛的場景唔夾聖誕,點知原來好有聖誕FEEL!

本來一嚟我就好想走入去Popup Store睇車仔,但係佢哋兩個已經快我一步走去試玩各樣遊戲

首先要做個聖誕職人,一定要做番張尊屬通行證先

影好相輸入自己個名,跟住等大約10秒就會列印出你張證件相

 

加上靚靚的TOMICA證件套就可以開工啦

申請入職第一個任務就係去到「泊車大考驗」,兩個就一於來個比試,睇吓邊個可以推出TOMICA車仔,停喺最近泊車位置

呀芊都係超大力一推……..

咁推法唔係叫「泊車」,係「炒車」囉唔該

但係來回玩咗好多次,最後居然係呀芊可以停喺泊車位 (有天份….喎)

然後來到「模型車上色工房」內裡有紅、綠、藍三隻色嘅波波,睇吓邊個1分鐘內最快可以將波掉入去幫模型車填滿顏色

 

我自己都玩埋一份,原來都幾難掉㗎喎!俾個小貼士大家,要企遠少少先會準D,不過企得遠番去攞波又會慢咗,究竟你哋又可唔可以完成到?

 

 

 

 

 

最後一個遊戲就係附有VR的「路檢測試」遊戲,兩個輪流戴上VR眼鏡,就開始駕駛住軚盤測驗下路面安全

 

兩兄妹喺度攪攪震…一個戴咗眼罩,另一個就一路阻住哂,又叫對方小心睇路,又不斷喺隔離嘈住佢

 

 

現場仲有6大TOMICA場景讓車迷「打卡」

 

 

D車全部變到咁巨型,驟眼睇我哋都好似縮細咗咁

全部POPS都真有其車㗎,各位TOMICA粉絲一定認得出嚟!

最後同小朋友一齊TOMICA車迷寶庫,欣賞所有限量珍藏版!

今次邀請仲有機會可以親手設計自己的TOMICA貨車,大家有機嚟的話都可以喺度望吓佢哋兩兄妹的大作!

 

 

 

Photo by CANON 5D Mark IV, Len | EF 24-70mm f/2.8L USM
想跟我去體驗其他活動,快D報名親子團,同埋留意專頁公佈詳情啦!
呀劍評分: 9分
呀劍評語: TOMICA車仔絕對係好多大人細路的最愛,所以嚟到青衣城,相信唔單只係小朋友開心,就連各位OPPA爸爸都一定鍾意,就今個聖誕帶埋小朋友嚟一齊打卡啦!
TOMICA Factory》
今個聖誕,青衣城將會幻化成全港首個TOMICA Factory,你同我都可以成為TOMICA聖誕職人! 場內特設6大場景俾大家「打卡呃like」,MSmart會員憑積分仲可以製作專屬通行證,體驗VR駕駛同換走TOMICA限定禮品!
日期
2017年11月18日至2018年1月1日

時間
中午12時至晚上10時

地點
青衣城1樓夢幻島大堂

I’M SMART尊屬聖誕體驗, MSMART會員只需500FUN, 即可參與以下其中一項TOMICA Factory遊戲: 製作尊屬通行證 / 模型車上色工房及泊車大考驗 / VR駕駛體驗

TOMICA聖誕禮遇
MSMART會員憑指定FUN及即日單一電子貨幣(信用卡、易辦事或八達通)消費滿指定金額可換領TOMICA聖誕禮遇:
300FUN+即日單一電子貨幣 – 換領禮品TOMICA文具套裝乙套
12,000FUN – 換領禮品TOMICA合金車乙輛
18,000FUN – 換領禮品TOMICA合金車圖案小童雨傘乙把
開放時間:中午12時至晚上10時
換領地點:青衣城3樓推廣活動攤位

讚好青衣城Facebook專頁及上載青衣城TOMICA Factory內拍攝的照片至個人Facebook,並Tag上「#青衣城TOMICAFactory」,即可獲得MSmart 300FUN。
換領日期:2017年11月18日至2018年1月1日
換領地點:青衣城1樓夢幻島大堂

相約聖誕老人
聖誕老人亦會到訪青衣城,與大家拍照留念,快來與他一同慶祝佳節!
日期:2017年12月16日、17日、23日、24日、25及26日

青衣城 
地址: 新界青衣青敬路33號 (港鐵青衣站)
查詢電話: 2186 7284
網址: http://www.maritimesquare.com/

綠楊坊 
地址: 新界荃灣蕙荃路22-66號 (港鐵荃灣站C出口)
查詢電話: 2493 2369
網址: http://www.lukyeunggalleria.com/

海趣坊 
地址: 屯門湖翠路168-236號
查詢電話: 2441 1397
網址: http://www.oceanwalkhk.com/

新屯門商場 
地址: 屯門龍門路55-65號
查詢電話: 2467 0672
網址: http://www.suntuenmun.com/

恒福商場 
地址: 屯門青山公路333號
查詢電話: 2440 7818
網址: http://www.hanfordplaza.com/
(以上資料更新至文章當日)

【親子好去處】渣打藝趣嘉年華2017 夜光巡遊

渣打藝趣嘉年華由2002開始,舉行咗十幾年,今次先至係第一年參加,本來打算跟大隊在路邊欣賞夜光巡遊,點知有機會被邀請到現場近距離欣賞,仲可以同其他VIP一齊舒舒服服坐低睇,令呢一晚又多咗個開心嘅回憶。

巡遊8:30正式開始,長達一小時,我哋去到現場已經發現成條恩平道及希慎道都企滿人

我哋被獲邀請到現場利園一期起點欣賞,我哋先走到Backdrop前打打卡(呀妹似乎擺錯Pose^>^)

巡遊就快開始,好多大人物VIP都已經入場坐好,我哋就可以企在VIP附近同所有巿民一齊欣賞(唔駛俾人遮住企喺最前已經好開心)

臨開始前都同佢哋影番張相先! (仲有今日都係媽咪生日,預備了這個節目俾佢同小朋友,佢哋都好開心!)

點知來了個」Big SURPRISE」 ,今次項目香港青年藝術協會創辦人Lindsey McAlister OBE,走過嚟邀請我哋都過去VIP區坐低欣賞,佢哋3個可以舒服地慢慢睇,我就放心哂! (因為我都怕人多容易有意外)
Lindsey 超 Nice! 仲抱起呀芊一齊影咗張相

然後夜光巡遊就正式開始啦! 今次主題係以英國兒童文學家Roald Dahl的五部作品為主題,包括《朱古力獎門人》、《大大大大的鱷魚》、《飛天巨桃歷險記》、《喬治的神奇魔藥》及《小魔女Matilda》。

一陣會陸陸續續見到這些作品裡的角色出現,真係超興奮呀!

木偶巡遊正式開始啦! 我就識唔哂咁多個角色,唔知大家又識得幾多個呢?

大家最熟悉應該就係《朱古力獎門人》嘅王卡衛啦! 雖然今日拎唔到 Golden Tickets,但係都可以咁近距離咁欣賞同影相,真係好感恩呀! 特別鳴謝 FamilyGo

WONKA 朱古力呀! 加上咁多LED燈真係好靚

仲有戲裡面嘅肥仔,控制師仲周不時將充氣巨人瞓落群眾度

所有小朋友見充氣肥仔巡遊前行,大家都一齊大嗌「過唔到! 過唔到!」(笑死我,但係氣氛真係好好)

去到恩平道,兩邊全是人群!!

另一邊起點都有木偶向起點進發

兩兄妹都同大家一齊拎住部機影相

最後出場的幾個角色

巡遊完咗之後,我哋都留低咗一陣同各表演者影相

其他木偶都陸續返回起點

兩個都好努力咁影影影….最後都同媽咪講「好難影呀!」媽咪話「影相真係好難影架」
(我心諗:所以我跟住巡遊大隊邊行邊影都好辛苦架,有冇人過嚟讚我一句「辛苦哂」呀! >.<)

Photo by CANON 5D Mark IV, Len | EF 24-70mm f/2.8L USM
想跟我去體驗其他活動,快D報名親子團,同埋留意專頁公佈詳情啦!
呀劍評分: 10分
呀劍評語: 本來媽咪話要嚟睇巡遊,我都唔係咁想去,因為自己好驚同人迫,點知去到突然有得坐VIP區,而且巡遊又真係好好睇! 現場氣氛好好,在場欣賞嘅人都變得好世界大同,大家唔會因為迫就互相碰撞,反而大家都好禮讓,希望自己的小朋友睇得開心,我諗我下年有機會都一定再嚟!
渣打藝趣嘉年華 2017
文字擁有無窮的力量,可以讓我們經歷一趟奇幻的旅程,開拓無邊無際的幻想世界。今年以英國兒童文學家Roald Dahl的五部作品為主題,包括《朱古力獎門人》、《大大大大的鱷魚》、《飛天巨桃歷險記》、《喬治的神奇魔藥》及《小魔女Matilda》。一連兩天的精彩節目數之不盡,先有絢麗耀目的燈籠偶夜光巡遊、氣勢磅礡的大型木偶巡遊、還有停不了的藝術攤位以及舞台表演,獻上一場震撼視聽感官的藝術饗宴,讓你飽覽Roald Dahl童話故事裡妙想天開的世界!
日期及時間
2017年11月11日 – 12日 10am – 5pm
夜光巡遊:2017年11月11日 8:30pm – 9:30pm
壓軸巡遊:2017年11月12日 3pm – 4pm
地點
銅鑼灣維多利亞公園
費用
免費入場(不需門票)
(以上資料更新至文章當日)

【親子好去處】店小二小店 X 解憂舊書店 pOpup PAGE TWO書店

「鍾情能觸摸到的玩意,始終是最深刻的回憶」這是店小二的獨 白,有些時侯「舊」的確可以帶來很多回憶,是「新」給不了你的。

今日一家落街走走看看,認識各小店門牌當學字,沿途遇上一家幾得意的懷舊小店。
原來只係一間POPUP STORE期間限定,由 店小二小店 X 解憂舊書店 合作的小展覽,也有售賣各樣懷舊書本及小玩意
佢哋租用咗呢間原本係賣剪刀的小店去做今次POPUP STORE

 

 

只係呢張唔知幾多年前嘅課室書枱,就已經好吸引,一定要走入去睇吓

在問外的小廚窗放咗好多超懷舊玩具,全部都係店主珍藏

 

呀芊見到都話好想要,但係我話呢D冇得賣架,店主只係放出嚟同大家分享細個時侯玩的玩具

如果真係有得賣都唔知幾錢,因為真係全部都係無價寶!

仲有好多細個玩開的公仔紙,同埋單本卡通漫畫,以前只係書報攤先有得買

 

 

 

大家仲記得呢本《變形金剛》嗎?(打死都話唔記得啦,我知嘅!)

自家都有創作些舊文用語公仔紙

 

店內都有各式不同的書報雜誌

 

另一個角落都放咗好多懷舊攝影作品

嘩! 仲有頭號通輯犯喎….呀芊話佢好醜樣! 哈哈

 

呢D晒相舖真係仲老過我

 

 

 

食晚飯途中遇上這家懷舊小店,咁就為呢餐晚飯加添咗個小節目!

Photo by iPhone 8 Plus
想跟我去體驗其他活動,快D報名親子團,同埋留意專頁公佈詳情啦!

呀劍評分: 8分

呀劍評語: 每次遇上懷舊風,心情總會又喜又悲,「喜」當然係因為見番好多童年回憶,「悲」就梗係…轉眼卅幾年

地址:界限街13號3號舖 (已結束)

#店小二小店 #解憂舊書店 #深水埗 #文青 #建築圖書館 #建築日常 #攝影 #公仔紙 #貼紙 #煙片 #印刷 #小學時代

(以上資料更新至文章當日)

【親子好去處】Kids Square @時代廣場 Times Square

真係太過份…太過份啦,去過時代廣場咁多次,居然唔知這道喺「食通天」上面有個兒童遊戲區。雖然唔係話好大,但係就係勝在夠少人知,今次連我都真係覺得自己OUT!

每次去到時代廣場行街街,都冇諗過要上「食通天」開餐,因為唔知點解硬係有種感覺,覺得「食通天」每間餐廳都超貴食唔起,所以最高最高都係去到9樓玩LEGO、睇龍貓同到Wise Kids打書釘。

原來繼續上到12/F,會零零捨捨見到有條扶手電梯,唔講唔知道,上面呢層並唔係叫13/F

圖片來源:拖手仔去街Guide
呢一層就好似哈利波特嘅 3/4 號月台一樣,佢叫做 13A/F。
一上到嚟就見到呢個充氣設施,我上網Check番,原來上年的充氣設施只係一個少少的瀡滑梯,相比起眼前這個真係差好遠

這層 13A/F 仲有好多其他商店,Party Time、Mark&Spencer London、Kingkow、Dolphin BB 同埋 Watsons Baby

當然有齊育嬰間、哺乳室等設施,換片餵奶超方便!

如果上到 12/F 搵唔到呢層 13A/F,認住呢條恐龍就一定搵得到

這個充氣彈床完全免費,全日只有兩個清潔時段,下午3:00-3:40及6:00-6:40,不過我上到嚟嘅時侯,都唔見有清潔(就算有我諗都清潔完),只係照時間表停足40分鐘,跟住就可以入場啦

不過入場玩的小朋友只限身高90-120cm,有人(哥哥)冇得玩好唔高興,哈哈~

每節最多只限8位小朋友進場,每次可玩10分鐘,不過唔多人玩,玩完再玩都仲得(我唔排除禮拜日食飯時間會旺場D㗎!)

急急腳即刻去坐低除鞋

想叫芊芊入場前俾我影張相,但係佢都已經開始彈吓彈吓叫唔住

充氣彈場周邊都超高,我要舉起部相機先至可以勉強影到裡面情況

彈彈彈…彈足十幾分鐘(因為我見個姐姐好似遲咗按計時器,所以多玩咗幾分鐘…哈)

充氣彈床周邊雖然高,不過中間有個網狀位置可以清楚見到裡面,可以放心望住自己小朋友玩

雖然可以再玩多幾轉,不過始終都要走…以後去開銅鑼灣都可以上嚟抖吓玩吓啦!BTW 「食通天」都唔係間間貴嘢,都仲食得起!

就係充氣彈床旁邊,有多架升降機可以直達 2/F 離開!仲有幾隻得意恐龍俾我哋打吓卡,唔錯唔錯!兩個爭住叫我影

仲有部Häagen-Dazs雪糕機喺度真係一流,小朋友去玩彈床時,大人可以喺度嘆住雪糕無得頂!

Photo by CANON 5D Mark IV, Len | EF 16-35mm f2.8L USM
想跟我去體驗其他活動,快D報名親子團,同埋留意專頁公佈詳情啦!

呀劍評分: 7分

呀劍評語: 充氣彈床唔算大,但係對小朋友嚟講都好夠玩,同埋人少易控制,玩完又可以再玩,不過記住玩完先好落下面開餐!

地址

香港島銅鑼灣勿地臣街1號,Kids Square位於13A層

開放時間
10am-10pm

費用全免

查詢電話
2118 8900

(以上資料更新至文章當日)

【親子好去處】「聽廣係好嘢」展覽 @時代廣場 Times Square

「有著我便有著你」「要是回去沒有止痛藥水」「怎去開始解釋這段情」…真係好正呀,廣東歌真係陪住每一個香港人長大!今次 Times Square 這個「聽廣係好嘢」展覽,簡直係暴露哂所有朋友的年紀,記住入到去要Keep住話「呢個邊個嚟㗎?」

就在時代廣場地面展區,一大座卡式收音機造型的展覽廳,就係今次「聽廣係好嘢」的所在

(一見到左上角的 頻道就知係邊個電台有份參與 ^.^)

未入到去就已經在場外聽到一首首背住唱嘅廣東歌,幾乎每個香港人由細個到小學中學都總有幾首飲歌陪住長大

香港電台【金曲40我和你】展覽,展示着《十大中文金曲》選舉的點點滴滴

帶住小朋友嚟,佢哋一頭霧水!幸好佢哋都知道邊個係楊芊樺同張學友,因為佢老豆好鍾意!HaHa~

仲有草蜢同鄭伊健,因為佢哋老母係忠粉!

另外一邊係一廣東歌黑膠唱片收藏家將幾十年的珍藏借出展覽

差唔多有100張私人珍藏唱片展出

想當年我都有齊哂譚詠麟同張國榮嘅所有cassette錄音帶,依家見番所有封面,真係咩回憶都番哂嚟!

Hot Summer!!! 想當年呢個係好創新的專輯封面,因為係可以帶上3D眼鏡欣賞

嗱!呢邊我就真係冇印象…我未去60後咁早

呢個卡式錄音帶打卡位好特別,我都順便同小朋友介紹,我哋童年時侯用咩聽歌

哥哥問我呢D帶係放喺邊度聽?

原來另一邊都有放著卡式錄音機,兩個都覺得特別新奇

展覽最後一個部份係年輕書法藝術家Kit Man和青山不墨以書法演繹不同年代的廣東歌詞

於展覽舉行期間,入場人士作自由捐獻予香港公益金,即可帶走場內的書法歌詞明信片一張。

剛好今日由青山不墨為大家寫上書法,我邊排隊邊想要邊一句歌詞…

好在場內有背景音樂,鄺祖德將40組神級歌詞重新編曲,一口氣 Medley 聽哂,就到我嘅時侯突然響起「愛是永恆」

所以就即刻揀咗「有著我便有著你」呢句歌詞,真係緣份呀!哥哥只係企喺側面一路望住姐姐寫書法,完成後就細細聲同我講「姐姐好靚女呀!」

如果有時間就帶埋小朋友嚟一齊分享自己的童年回憶啦!
Photo by CANON 5D Mark IV, Len | EF 16-35mm f2.8L USM
想跟我去體驗其他活動,快D報名親子團,同埋留意專頁公佈詳情啦!

呀劍評分: 8分

呀劍評語: 一個集體回憶的親子活動,可以帶埋自己小朋友嚟,分享自己的童年回憶,話俾佢哋知自己細細個係聽咩歌長大!

地址

香港島銅鑼灣勿地臣街1號,地面展覽廳

開放日期及時間
2017年8月18日 ‑ 9月10日 10am-10pm

費用全免

廣東歌詞書法
逢星期六、日下午4時至6時,捐HK$100予香港公益金,即可獲書法家現場即席揮筆創作歌詞咭一張。數量有限,換完即止。
逢星期六:青山不墨
逢星期日:KIT MAN

其他音樂、舞蹈、唱歌等節目請參閱相關網頁

查詢電話
2118 8900

(以上資料更新至文章當日)

【親子好去處】新型水機 Well井 智能添水站 @城泉 Urban Spring

BYOB 這個口號很早就已經聽過,到底有幾多朋友仍然堅持。不過時至今日這個「B」不單是指Bag,更指著Bottle,今天認識了「城泉Urban Spring」的新型水機 「Well井」,希望跟小孩分享社會有一群人,他們仍然堅持環保生活!

「Well井」智能添水站 是由一社企公司「城泉Urban Spring」,以設計年輕新穎的飲水機為業務,希望藉推動大眾使用飲水機,達至減少膠樽使用數量的目的

除了於7月12日進駐了銅鑼灣希慎廣場二樓和大家見面,早在 The Good Lab 這裡,已安裝了首部 Well井

外型超美,以黑及湖藍色為主,個名仲改得好好,「井」就如古代每家每戶都有一個水井,源源不絕,何來膠用,期望有一日可以完全取替李氏飲用水機

點解要帶佢哋兩個嚟斟水?莫非屋企冇水飲?當然唔係啦!一來順路經過,另外我很希望讓他們知道,在社會上是有一班有心人,他們繼續為環保出一分力,而且他們會不斷思考,配合科技去創造更有效環保的方法

水機上有一屏幕,創辦人也希望將來有機會與其他商營機構合作,讓他們利用這來達宣傳效果。
「減膠樽,愛地球」

智能水機上有一按鈕,每次按下系統計算就會顯示節省多一個膠樽(當然用按的次數來計算並不完全準確)

他們希望大眾巿民,出街記得自備水樽,嘗試嶄新的添水體驗!更期望將來有更多企業參與,打造「絕膠」城市。

兩個新「屎坑」遇上新「現代水井」,當然要按下表示支持

兩個平時都唔會飲咁多水,就係因為想撳吓佢,於是撳完又要飲哂樽水先可以再撳,不經不覺飲咗好多水…哈哈~

呀哥飲完水又到呀芊…咁就可以令佢哋飲咗好多水,呢個方法都唔錯,不如屋企都裝番部!

他們於較早前在一演唱會中,短短3日一共供應左2400公升水,以500ml計就慳左4800個即棄樽!

希望今後大家繼續慳膠,繼續走塑 B.Y.O.B

其實除咗Good Lab,另外一個 Well井,安裝咗喺Hysan Place 1/F,大家如果行開銅鑼灣都可以上嚟蹛斟水飲呀!就係Apple Store隔離

始終呢邊人流多,參與的人數有 Good Lab 三倍咁多

小朋友就係咁,有得斟水就即刻成樽飲哂再斟,平時叫佢哋飲多啖都唔肯

Photo by CANON 5D Mark IV, Len | EF 16-35mm f2.8L USM
想跟我去體驗其他活動,快D報名親子團,同埋留意專頁公佈詳情啦!

呀劍評分: 10分

呀劍評語: 我們一家從來對環保十分支持,即使唔係做得好好(還要多多努力),但係對於社會上有心人的企劃也特別支持。這個Well井,唔單止名改得好,而且也十分有意義,希望大家也多多支持BYOB!

Well#
「香港樽裝水銷售數量驚人,串起一年用量,膠樽可以環繞地球4.6次!」因此引發香港初創企業城泉(Urban Spring)執行董事Ada Yip,開發了名為「Well#」的新型水機,「我們希望研發安全又有型的水機,放於不同地點,鼓勵大家自備水樽, 減少浪費,『咪做大嘥鬼!』」

地址

The Good Lab好單位
西九龍通州街500號星匯居L1

開放時間
星期一至五:上午9 時至晚上10 時;星期六及日:上午10 時至晚上10 時
*Good Lab會於下列公眾假期休息: 一月一日、農曆新年年初一、初二和年初三、聖誕節、聖誕節翌日。 
*Good Lab會於下列公眾假期提早於下午5時關閉: 新年前夕、農曆新年前夕、中秋節、聖誕前夕。

查詢電話
3996 1933

(以上資料更新至文章當日)

【親子好去處】全新 青衣西南體育館 兒童遊戲室

全新開張的康記位於青衣的『青衣西南體育館』(唔好去錯青衣體育館),今日終於有機會嚟啦(始終朝九晚六只有假日先可以帶佢哋呢度去嗰度去),話說呢個新場係康記轄下全港最大的,等我慢慢介紹一下啦


大家如果係青衣人就唔駛講點嚟啦,我就到青衣站轉乘249M往美景花園的巴士(因為以前我番學日日都係搭呢條線,所以都好熟路),去到長康邨康豐樓站落車,車程都只不過係10分鐘,一落車就見到對面好有型設計的體育館

然後直上天穚過對面

沿住天穚直入體育館二樓

經過這個綠化區真係感覺好舒服

在橋上望番落去一樓入口

行樓梯上到三樓就係兒童遊戲室所在,外面放了兩大排藍色櫈供人排隊之用。這裡採取先到先得方式,上限40人,每45分鐘一節(15分鐘清楚),詳細時間表列在文末

當完結前半小時就會安排外面排隊的各位入到嚟呢度,按次序號碼繼續在外等侯,每張小梳化上都印有號碼,成條龍舟型的號碼梳化真係好靚

始終係新場,秩序安排都好嚴緊,遊戲室只供4-9歲兒童進入,4歲以下一定要有大人陪同,所有入場朋友都一定要穿著襪子。

當中有個婆婆陪孫仔嚟玩,但自己冇著到襪,職員苦口婆心勸咗幾句,佢最後先肯番去屋企換番襪嚟!

我哋早咗成個鐘頭成11:00到(等下一場12:00開始),因為我怕遲咗嚟連12:00嗰場都Full埋,咁我就要等到2:00先有得玩(因為下午1:00-2:00係大清潔時間)

不過我哋隨身預備各樣打發時間百寶,兩個喺外面嘆住冷氣畫畫,已經轉個頭就成個鐘

場外都有6個BB泊車位

先唔好講有咩玩,真係一入到嚟就已經俾個場吸睛,真係又大又靚!面積350平方米(即 3767呎)

睇吓天花用咗一個一個圓形板,彷彿好似水面的泡泡,而大家就在海底之下玩咁樣。

場內放置多個鞋架並有大有細,實在超有心思,照顧到著靴的朋友

另一邊有大D嘅架…相信係用嚟俾大家放包包,不過都有大朋友放咗自己對鞋喺度(可能要加D指示先得)

架裡面都仲有各樣海洋生物,乘機俾虎媽嚟玩都要教小朋友學英文

場內分為4區,古老木船造型一定唔少得啦,有瀡滑梯有小迷宮(總共有兩層)
一邊係燈塔區,多塊軟墊有高有低,俾小朋友跑嚟跑去都唔怕跌親(不過我睇見兩場都係俾大人用嚟休息玩電話多)

最特別就係呢個波浪造型的軟墊區,加埋地上的細小圓型軟墊,就好似波浪製造出的浪花及氣泡,可以訓練到小朋友的大肌肉及平衡感

最後一區其實就係一入場就見到的大海星(不過我覺得似芝士多D,哈~)

當佢瀡滑梯又得,當佢攀石牆都得(因為墊上有多個凹位可以俾小朋友攀爬)

這裡有多個海洋生物造型的玩樂設施,仲有落地大玻璃,令場內光線超充足(未知晚場如何?)

不過我解釋唔到點解會有4隻膠馬喺度…(唉咁認真做乜,有得你玩就玩啦)

牆上的裝置都多以訓練小朋友思考為主,適合較大的小朋友玩

都唔好講笑,連大人玩都未必即刻解得開

不過佢哋兩個都仲係鍾意喺度玩捉依因,咁總之落樓下公園算啦

場內其他佈置一樣讚

另外有多個軟墊組合,原來可以拼做一條海豚
唔識砌唔緊要,牆上有埋貓紙提示你

大功告成!
古船一樣好好玩,除咗可以穿穿插插爬嚟爬去,仲有條超快又刺激嘅瀡滑梯

船頭仲係個打咭位

場內都設有家庭洗手間(場外都有洗手間,大人可以考慮用場外的)

大家估唔做到呢兩個用盒蓋住係咩呢?

我問過職員,原來係飲用水機嚟!不過仲未攪掂
Photo by CANON 5D Mark IV, Len | EF 16-35mm f2.8L USM

呀劍評分: 9分

呀劍評語: 聽講係康文署全港最大的兒童遊戲室,始終是最新落成的,內裡乾淨整齊,秩序安排也很嚴緊,值得讚賞。等就預咗㗎啦(香港人文化),話時話最近流感高峰期,自己諗諗先好去。(體育館仲有泳池同戶外攀石牆)

青衣西南體育館

是一個位於香港新界青衣島湧美路70號的康樂大樓,於2017年7月26日正式投入服務,由康樂及文化事務署管理。建築物由建築署設計。

地址

青衣涌美路70號 3樓

開放時間
早上9時至12時45分;下午2時至晚上5時45分;下午7時至晚上9時45分
(每時段為45分鐘,15分鐘清潔)
下午1時至2時;下午6時至有時為大清潔時間

每節人數
上限30人

費用全免

查詢電話
2341 0102

【親子好去處】Ungoogoo繽紛遊學團 異國原文繪本 中東篇

一直都很喜愛繪本的我們,會到處尋找關於繪本的活動,因為我家小孩喜愛繪畫,而且又可以培養他們愛閱讀的習慣。今日得知 Ungoogoo故事館 及其創辦人 CanCanMa 舉辦遊學團,帶大人細路一起閱讀異國繪本文化,所以一定要支持及參與。
Ungoogoo繽紛遊學團 CanCanMa 將以「異國原文繪本」為主題,帶小朋友暢遊大世界,從中領略其他國家特別的文化與藝術。

今次我們參與的主題為「體會人間煙火」會共讀中東繪本

地點則於我們附近的宗教教育中心

其實這個地方也很適合一家大細來看書,無任歡迎各位來「打書釘」

地方雖小但五臟俱全,各種不同親子繪本都盡在這裡

當然來自台灣的也不少

當然這裡也有很多心靈雞湯,畢竟這裡是聖公會聖多馬堂的書室

早了15分鐘來報到,坐下準備跟小孩一起去暢遊中東

職員先跟各位小朋友約法三章「有禮排排坐,圖書細細翻」「留心聽故事,好歌同唱和」

CanCanMa 穿上中副中東裝,跟小朋友一起乘坐專機出發到中東

所有小朋友一起站起來,扮演飛機起飛,並去到中東降落

CanCanMa 先講講甚麼是「中東」讓小朋友對這個地方有一點點的認知,然後才開始講讀故事

CanCanMa 還帶備了小朋友 Size 的中東服飾,哥哥勇敢地走出去穿上服飾,多謝他又作我的模特影相

CanCanMa 問「咁樣似唔似呀?」我話「仲差兩撇鬍鬚!哈~」

看了再看又覺得很稱身噢!

芊芊就不願意穿了中東服飾,還是給其他小朋友機會。然後 CanCanMa 繼續說故事

今次準備了兩本繪本,一本來自日本,而另一本則是中東

CanCanMa 用這本「我吃拉麵的時侯…」去引述中東的繪本,由於我也不想影響說故事的過程,所以我都放下相機安坐聽聽故事

「吃拉麵」只是比喻我們生活中的鎖碎事,可以是「吃麵包」、「溫習功課」、「做家務」或「洗澡」的時侯

但在這生活日常之中,在地球的另一邊,或者中東這個戰火連連的國家裡的一個小孩,他會正在做甚麼?賣麵包?求生?或是已經…這都很值得我們思考

當然向小朋友說「你們現在都生活得很幸福!」他們轉個頭也會忘了,不過我深信一點一滴累積,對他們是有影響的。

CanCanMa 說完了故事,就教各家長小朋友一起摺紙鳥兒

逗得所有小朋友都十分開心

最後大家都離開了,兩兄妹又傻傻的走去穿上中東服裝影相(真的沒有勉強他們喔!)

他們倆也捨不得離開,因此我們再逗留多一會,看看書、畫畫圖

看見有這麼多繪本,真的很興奮!這裡那麼近我們家,可以常常到此一遊親子閱讀一番了

Photo by CANON 5D Mark IV, Len | EF 16-35mm f2.8L USM

呀劍評分: 10分

呀劍評語: 很感謝 CanCanMa 及 Ungoogoo繽紛遊學團,讓我們一家下午有這親子閱讀時間,此乃免費活動,除了增進親子彼此間感情,更跟聽故事的家庭多有溝通,加強鄰里關係,我呀劍一定會繼續支持… Ungoogoo

【親子好去處】448農莊 v2.0 巴士Cafe+長達6米瀡滑梯 + 育嬰室

一個自稱「無嘢玩」的農場,因為這裡只有心思!今次第二次來到 488農莊,樹根哥已完成擴充 2.0,上次見過的紅色巴士,已經完成復俢工程,變身成為一家咖啡館,還多了…

一如以往,穿過農莊大門,就是一遍花海歡迎大家。

還記得這大遍草地跟紅色巴士嗎?

這裡跟別的農場很不一樣,充滿一份寧靜及自在。這個就是樹根哥的堅持,也是我們很喜歡的這裡的原因

在花與花之間,多了很多新朋友 – 藍精靈!

 

 

還記得488農莊剛開業時,受到很多負評,都說這裡沒甚麼玩。時至今日,樹根哥依然跟大家說一樣的話「若要像嘉年華般有撈金魚、碰碰車、收費餵羊等活動,可到其他農場。」
果然是448作風『一般的不做,做的不一般!』(夠型)
除了翻新紅色巴士外(稍後會介紹),樹根哥擴充2.0包括這條長達6米滑梯!所以兩個立即跟泉叔(另一義工俊男)去到滑梯所在滑過夠。

 

在農莊周圍,都會發現多有趣特別的裝置,有的可能是在工程中,有的可能暫時擱置,因為樹根哥不隨便發工,如他所講『急,唔會出到好嘢!』

這裡又遇上另一架旅遊巴,不過暫時只是用來放雜物,想看到它的變身,可能又要等樹根哥靈感到才行。

然後我們再到野餐露營區,讓他倆玩玩裡面的玩樂設施。在448我可以很放心的留下他們自己玩,因為這兒的寧靜,令他們的笑聲幾乎老遠我也能夠聽見。

 

看見他們的好朋友鱷魚搖搖板,於是又要上去玩玩,希望以後每次來這,也可以玩玩這個,再拍拍照記錄下來做對比。
今天確實有點熱,幸好我們來到也差不多黃昏,不過還是希望走上紅色巴士歇一歇,涼一涼冷氣,因為巴士內已改裝成為一咖啡工作坊
看見這座古老收音機及水滴咖啡機,真的超讚充滿懷舊風。
負責人慶哥分別炮製了一杯水滴凍咖啡及一杯手製凍咖啡給我品嚐,前者十分濃醇,後者清醇及有陣陣咖啡香
哥哥跟芊芊都輕輕舔一下,立即變成苦瓜乾,你們還是長大後才懂欣賞
慶哥還是為他倆預備一杯凍朱古力
巴士上層則改裝成樓上雅座,有多張桌椅供大家可在上層舒適地「嘆」一杯咖啡

 

在這裡休息過後,再走到外面草地吹吹Bubble!這種悠閒又自在的感覺,付這個入場費也是值得。
紅巴士外設有些雅座可以供大家「嘆一嘆」咖啡
巴士旁邊還有個電話亭,其實這個場景似曾相識,是否在那套電戲或MTV見過呢?

離開紅巴士,在旁邊這新落成的老爺車打打咭

提到擴充2.0工程,還有這個育嬰室!又係樹根哥格言『當高質素的客人遇上高質素的服務是常識來的!』


雖然內裡簡陋,但是勝在有心思!所有媽媽們可以安安落落的餵母乳及換片了
這個小歐陸風情的藍色座椅,也是一打咭位置(身後的」Nothing gonna change my love for you」字句也是剛剛寫上)

另外電動車已搬到小山坡上,比以前更安全,玩得更放心了($30/15分鐘),當然人少時侯,玩多一陣也無妨吧!

 

這個小暗斜,兩個已經覺得很刺激!

 

其實擴充3.0 也開始動工,在電動車場背後,便是興建中的可樂主題收藏區,將會展示許多的懷舊精品,我這個可樂發燒友,真是超期待…

有樹根哥讓我先進內參觀,目測近千款可樂精品率先曝光

 

 

 

其他區域還在工程中

 

在448招牌小矮人打咭位置旁,增設了一個搖籃吊椅,兩個貪新鮮爭着要上去坐一坐,坐上去發現沒甚麼就嚷着要下來了,哈哈~

 

這農莊未算得上有很多動物,只有一群羊在棚中,有些時侯會放牠們出來走走,這裡也不會要求付費買乾草餵飼,他們就隨手從地上拔出草來餵便是了

原來擴充2.0 仲有個戲沙區,兩個小朋友在太陽落山前在這裡最後衝刺

 

 

 

448 還有一個魚菜共生系統及其他農耕作物供參觀,有興趣可以到上一篇文章看看
http://bit.ly/2hHd5eh

 

農莊擴充3.0 預計十月份完工,分別有休閒區(448之友專用區域) 懷舊區,過千件可樂精品,數百件懷舊玩具 兒童區,三千多尺兒童樂園 咖啡工作坊 燒烤場 遊戲攤位 樹根哥出品當然要等等(因為距做野比較慢)
Photo by CANON 5D Mark IV, Len | EF 24-70mm f2.8L II USM


呀劍評分: 10分
呀劍評語: 這裡沒有精采節目,沒有豐富玩樂設施,只有樹根哥的心思及一份寧靜。在部份香港人眼中,既然付得起費用便期望換來相符的內容才覺得超值

448農莊 簡介
與其他一般農莊不同,負責人樹根哥,主打新式耕作及推廣環保種植,他以層叠式、魚菜共生、離地式、廚餘堆肥四種種植設備,擺脫傳統種植方式。另外只備有少量滑梯、電動車等兒童玩樂設備,旨在增加小朋友的專注力。

 

地址
元朗欖口村欖堤東路
收費
入場費$50(三歲以下免費)
交通
體育路去到欖口村路,再轉入欖堤東路盡頭就到448農莊
(免費泊車,車位有限)

電話
6684 1448

(以上資料更新至文章當日)